!!! ମୋହନା ରୁ ପତିନିଧି ପଞ୍ଚାନନ ଦାସ ଙ୍କ ରିପୋର୍ଟ !!!
ଗଜପତି ଜିଲ୍ଲା ମୋହନା ସ୍ଥିତ ମହାରାଜା କୃଷ୍ଣ ଚନ୍ଦ୍ର ଗଜପତି ଦୃଷ୍ଟିହୀନ ଓ ବଧିର ବିଦ୍ୟାଳୟ ରେ ସଂପାଦକ ଙ୍କ ଦୁର୍ନୀତି କୁ ନେଇ ବାରମ୍ବାର ବିଭିନ୍ନ ଗଣମାଧ୍ୟମରେ ଖବର ପ୍ରସାରଣ ଓ ଜିଲ୍ଲା ପ୍ରଶାସନ କୁ ଅଭିଯୋଗ କଲେ ମଧ୍ୟ କାର୍ଯ୍ୟନୁଷ୍ଠାନ ହେଉନଥିବା ଅଭିଯୋଗ ହେଉଛି । ସୂଚନା ଅଧିକାର ଆଇନ ତଥ୍ୟ ଅନୁସାରେ ବିଦ୍ୟାଳୟ ର ସଂପାଦକ ଦଣ୍ଡାସି ସାହୁ ଅନୁଷ୍ଠାନ ର ବାଇଲ କୁ ଜାଲି କରି କେନ୍ଦ୍ରୀୟ ଅନୁଦାନ କୁ ହଡ଼ପ କରିବା, ବିଦ୍ୟାଳୟ ଟି ଜଂଗଲ ଜମି ରେ ଅବସ୍ଥିତ ହୋଇଥିଲେ ମଧ୍ୟ ଅନ୍ୟ ଏକ ପ୍ଲଟ ରେ ବିଦ୍ୟାଳୟ ଚାଲୁଥିବା ଦର୍ଶାଇ ଅନୁଦାନ ଟଙ୍କା ହଡ଼ପ କରିବା, ଏମ୍ ଆର ଓ ସିପି ବିଭାଗ ର ପରିମିଶନ ଟିକୁ ଜିଲ୍ଲା ପ୍ରଶାସନ ରିଜେକ୍ଟ କରିଥିଲେ ମଧ୍ୟ ବିଦ୍ୟାଳୟ ନାମ ଚେଞ୍ଜ କରି ଚଲାଇବା, ବିଦ୍ୟାଳୟ ରେ ସର୍ବମୋଟ ୪୦ ଛାତ୍ର ଛାତ୍ରୀ ରହି ପାଠପଢୁ ଥିଲା ବେଳେ ସରକାର ଙ୍କ ଠାରୁ ୨୦୦ ବିଦ୍ୟାର୍ଥୀ ପଢୁଥିବା ଦେଖାଇ ଅନୁଦାନ ଆଣି ହଡ଼ପ କରିବା, ଓଡ଼ିଶା ସରକାର ଙ୍କ ଠାରୁ ରିହାତି ଦରରେ ବିଦ୍ୟାଳୟ କୁ ଯୋଗାଣ ହେଉଥିବା ଚାଉଳ କୁ ବାଟ ମାରଣା କରିବା ଭଳି ଅନେକ ସଙ୍ଗୀନ ଅଭିଯୋଗ ନେଇ ଚର୍ଚ୍ଚା ଜୋର ଧରିଛି । ବିଦ୍ୟାଳୟ ର ସିସି କ୍ୟାମେରା ଚେକ୍ କଲେ ବିଦ୍ୟାଳୟ ରେ ସର୍ବମୋଟ କେତେ ପିଲା ରହି ପାଠ ପଢ଼ୁଛନ୍ତି ଏହା ଜଣା ପଡ଼ିବ ବୋଲି କୁହାଯାଉଛି ।କର୍ମଚାରୀ ମାନଙ୍କର ଦରମା ୫୦ ପ୍ରତିଶତ ଦେଇ ଅବଶିଷ୍ଟ ଟଙ୍କା କୁ କମିଟି ବୃନ୍ଦ ହଡ଼ପ କରିବା, କର୍ମଚାରୀ ମାନଙ୍କ ଠାରୁ ସରକାରୀ ଚାକିରି ହୋଇଯିବ କହି ଡୋନେସନ ଆଦାୟ କରିବା, ବିଦ୍ୟାଳୟ ରେ ଗୋଟିଏ ହେଲେ ପିଲା ଶୋଇବା ପାଇଁ ଖଟ ନ ଥିଲେ ମଧ୍ୟ ୧୦୦ ଖଟ ସନ୍ତୋଷି ଜେନେରାଲ ଷ୍ଟୋର ମୋହନା ରୁ କିଣା ଯାଇଛି ଦର୍ଶାଇ ବିଲ୍ କରାଯାଇଥିବା ମଧ୍ୟ ଅଭିଯୋଗ ଉଠୁଛି। ଯାହାକି ବିଦ୍ୟାଳୟ ୨୦୨୧-୨୨ ଅଡିଟ ରିପୋର୍ଟ ରେ ଦର୍ଶାଯାଇଛି ବୋଲି ସୂଚନା ମେଳିଛି। ସଂପାଦକ ଦଣ୍ଡାସି ସାହୁ ଙ୍କ ମୋହନାରେ ଥିବା ଭାଗ୍ୟଲତା ଷ୍ଟୋର ବର୍ଷେ ହେଲାଣି ବନ୍ଦ ହୋଇଯାଇଥିଲେ ମଧ୍ୟ ସେଠାରୁ ରାସନ୍ ଜିନିଷ କିଣାଯାଉଥିବା ଦର୍ଶାଇ ମିଥ୍ୟା ଜିଏଷ୍ଟି ବିଲ ଭାଉଚର କରି ଅର୍ଥ ହଡ଼ପ କରାଯାଉଥିବା ଭଳି ବହୁ ଅଭିଯୋଗ କଲେ ମଧ୍ୟ ବିଭାଗୀୟ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଏବଂ ଗଜପତି ଜିଲ୍ଲାପାଳ ଦୁର୍ନୀତି କୁ ଘଣ୍ଟ ଘୋଡାଉଥିବା ଅଞ୍ଚଳ ବାସୀ ଅଭିଯୋଗ କରିଛନ୍ତି।ବର୍ଷ କୁ ବର୍ଷ ନୂଆ ନୂଆ ଶିକ୍ଷକ, ଶିକ୍ଷୟିତ୍ରୀ,କର୍ମଚାରୀ ମାନଙ୍କୁ ନିଯୁକ୍ତି ଦେଇ ସେମାନଙ୍କ ଭବିଷ୍ୟତ ସହ ଖେଳ ଖେଳୁଥିବା ଅଭିଯୋଗ ହୋଇଛି। କମିଟି ର କିଛି ସଭ୍ୟ ନିଜ ନାମ ଗୋପନ ରଖି କହିଛନ୍ତି ଆମେ ଏ ଦୁର୍ନୀତି ଜାଣିବା ପରେ ସେ ବିଦ୍ୟାଳୟ କୁ ଆଉ ଯାଉନୁ,ଦଣ୍ଡାସି ସାହୁ ତା ମନ ଇଚ୍ଛା କାମ କରୁଛି,୩ ମାସ ତଳେ ତା ମନ ଇଚ୍ଛା କମିଟି ମେମ୍ବର ମାନଙ୍କୁ ଚେଞ୍ଜ କରିଦେଇଛି, କମିଟି ମେମ୍ବର ମାନଙ୍କ ର ଦସ୍ତଖତ ଜାଲି କରି ତା ମନ ଇଚ୍ଛା ସେ ସଭା ବହି ରେ କରୁଛନ୍ତି।ଯିଏ ବିଦ୍ୟାଳୟ ହିସାବ ମାଗୁଛି ତାକୁ ବିଦ୍ୟାଳୟ କୁ ଆଉ ଡାକୁନି। ବିଦ୍ୟାଳୟ କମିଟି ରୁ ସଂପାଦକ ଦଣ୍ଡାସି ସାହୁ କୁ ବହିଷ୍କାର କରିବା ପାଇଁ ମୋହନା ଅଞ୍ଚଳ ବାସୀ ଦାବି କରିଛନ୍ତି । ବିଦ୍ୟାଳୟ ପରିଚାଳନା କୁ ନେଇ ଉଠିଥିବା ସମସ୍ତ ଅଭିଯୋଗ କୁ ଜିଲ୍ଲା ପ୍ରଶାସନ ପକ୍ଷରୁ ଏକ ଉଚ୍ଚ ସ୍ତରୀୟ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାନଗଲେ ଦୃଷ୍ଟିହୀନ ଓ ବଧିର ବିଦ୍ୟାଳୟ ଟି ବନ୍ଦ ହୋଇଯିବା ପୂର୍ବରୁ ଏହି ଅଭିଯୋଗ ଗୁଡ଼ିକୁ ନେଇ ଏକ ପ୍ରତିନିଧି ଦଳ 5t ସଚିବଙ୍କ ଦ୍ଵାରସ୍ଥ ହେବବୋଲି ସୂଚନା ମେଲିଛି ।ସାଧୁ ସାବଧାନ ।
