ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡ଼ା ଜିଲ୍ଲା ଗୁଣପୁର ଥାନା ଠାରେ ଅବସ୍ଥାପିତ ଗୁଣପୁର ଉପଖଣ୍ଡ ପୋଲିସ ଅଧିକାରୀ ଶ୍ରୀ ବିକାଶ ବେହୁରା ଙ୍କୁ ପଦୋନ୍ନତି ମିଳିଛି । ସେ ଗୁଣପୁର ଠାରେ ୧୦ମାସ ହେବ ଏସ.ଡି.ପି.ଓ ଭାବେ କାର୍ଯ୍ୟ କରି ସ୍ଥାନୀୟ ବାସିନ୍ଦାଙ୍କ ବିଶ୍ଵାସର ପାତ୍ର ହୋଇପାରିଛନ୍ତି । ସହରରୁ ବେଆଇନ ଚାନ୍ଦା ଆଦାୟ କରୁଥିବା ଅଭିଯୋଗରେ ସ୍ଥାନୀୟ ଅଞ୍ଚଳର ଜଣେ ଜଣାଶୁଣା ବ୍ୟକ୍ତିଙ୍କ ବିରୁଦ୍ଧରେ କେଶ୍ ଦାୟର କରି ଅଞ୍ଚଳ ବାସୀ ଙ୍କ ହୃଦୟରେ କମ୍ପନ ସୃଷ୍ଟି କରିଥିବା ଏଭଳି ଜଣେ ଦକ୍ଷ ପୋଲିସ ଅଧିକାରୀ ଙ୍କ ପଦୋନ୍ନତି ଏବଂ କ୍ରାଇମ୍ ବ୍ରାଞ୍ଚ କୁ ବଦଳି ସ୍ଵାଗତ ଯୋଗ୍ୟ ବୋଲି ସାଧାରଣରେ ମତବ୍ୟକ୍ତ କରାଯାଇଛି। ଏହାଙ୍କ କଡା ଆଭିମୁଖ୍ୟ ଚାନ୍ଦା ଆଦାୟ କାରୀ ଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛି । ପଦୋନ୍ନତି ପାଇ ଥିବା ଶ୍ରୀ ବିକାଶ ବେହୁରାଙ୍କୁ ଓଡିଶା ଦୁର୍ନୀତି ସଂଘର୍ଷ ମଞ୍ଚ ରାୟଗଡା ଶାଖା ର ସଭାପତି ଶ୍ରୀ ସୁନୀଲ କୁମାର ଦାସ , ଗୁଣପୁର ଉପଖଣ୍ଡ କଳିଙ୍ଗ ସାମ୍ବାଦିକ ସଂଘ ର ଆବାହକ ତଥା ରାଜ୍ୟ ଓଡିଶା ଡିଜିଟାଲ ମିଡିଆ ମହାସଂଘର ପ୍ରବକ୍ତା ଶକ୍ତିପ୍ରଦ ଦାଶ ଏବଂ କଳିଙ୍ଗ ସାମ୍ବାଦିକ ସଂଘ ର ସମସ୍ତ ସଭ୍ୟ ଓ ସଭ୍ୟା ଶୁଭେଚ୍ଛା ଜଣାଇବା ସହ ଆଗାମୀ ଭବିଷ୍ୟତରେ ତାଙ୍କର ଉତ୍ତୋରୋତ୍ତ ଉନ୍ନତୀ କାମନା କରିଛନ୍ତି ।
ପଦୋନ୍ନତି ପାଇଲେ ଗୁଣପୁର ଏସ.ଡି.ପି.ଓ ବିକାଶ ବେହୁରା…!
