ଏଥର ସମ୍ଭାଳ ବ୍ୟୁରୋ ଭୁବନେଶ୍ୱର – ରାୟଗଡା ଜିଲ୍ଲା ଗ୍ରାମାଞ୍ଚଳର ବିଭିନ୍ନ ରାସ୍ତା ଏବଂ ସେତୁ ନିର୍ମାଣ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ଜିଲ୍ଲାର ମନ୍ତ୍ରୀ ଜଗନ୍ନାଥ ସରକା ବିଜୁ କଲ୍ୟାଣ ଯୋଜନାର ଉପଦେଷ୍ଟା ସୁଧୀର ଦାସ,ଗୁଣପୁର ବିଧାୟକ ରଘୁନାଥ ଗମାଙ୍ଗ,କାଶିପୁର ବିଧାୟକ ମକରନ୍ଦ ମୁଦୁଲି ଗ୍ରାମ୍ୟ ଉନ୍ନୟନ ବିଭାଗ ମନ୍ତ୍ରୀ ପ୍ରତି ରଞ୍ଜନ ଘଡାଇ ଏବଂ ବିଭାଗୀୟ ମୁଖ୍ୟ ଯନ୍ତ୍ରୀ ଙ୍କ ସହ ଭୁବନେଶ୍ୱର ଠାରେ ସାକ୍ଷାତ କରି ଦାବୀ ଉପସ୍ଥାପନା କରି ଆଲୋଚନା କରିଛନ୍ତି ।ନୂତନ ଗ୍ରାମ୍ୟ ରାସ୍ତା ନିର୍ମାଣ ସହ ବିଜୁ ସେତୁ ଯୋଜନାରେ ପ୍ରସ୍ତାବିତ ସେତୁ ଗୁଡ଼ିକ ନିର୍ଦ୍ଧାରିତ ସମୟ ମଧ୍ୟରେ ଶେଷ କରାଯିବ ବୋଲି ବିଭାଗୀୟ ମନ୍ତ୍ରୀ ପ୍ରତିନିଧି ମାନଙ୍କୁ କହିଛନ୍ତି ।
ଗୁଣପୁର ନିର୍ବାଚନ ମଣ୍ଡଳୀର ଗୁଣପୁର ଠାରୁ ନାଇରା କର୍ଣ୍ଣପାଡୁ ଠାରେ ବଂଶଧାରା ନଦୀ ଉପରେ ସେତୁ ନିର୍ମାଣର କାର୍ଯ୍ୟ ତ୍ବରାନ୍ବିତ କରିବାକୁ ଗୁଡ଼ାରୀ ବ୍ଲକ୍ ର ପଙ୍କ ବାଡ଼ି,ଗୁରୁଡ଼ି ,ଦୁମୁରୁନେଲି, କର୍ତଲି,ଚକରପଦା, ଝୁରୁଡ଼ି,ମୂତୁକୁନି ଏବଂ ରାମାନାଗୁଡ଼ା ର ଗାଜିଲିଗୁଡ଼ା ଗ୍ରାମକୁ ରାସ୍ତା ନିର୍ମାଣ ସହ ଅମଦିଂ ନିକଟରେ ସେତୁ ନିର୍ମାଣ ନେଇ ଅବଗତ କରିଛନ୍ତି ।ସେହିଭଳି ବିଷମ କଟକ ନିର୍ବାଚନ ମଣ୍ଡଳୀର ବିଷମକଟକ- ଡୁକୁମ୍, ରଘୁବାରି – ଦୀମିରିଗୁଡ଼ା କନ୍ଧମାଳ ସୀମାନ୍ତ, ଭାତପୁର – ଡଙ୍ଗର ବଲାଙ୍ଗୀର , ହୃଷିଖମ୍ବା – କୁରୁଜୁଗୁଡ଼ା,ତେଲେଙ୍ଗା ପଦର୍ ପର୍ଯ୍ୟନ୍ତ ରାସ୍ତା ,କୋଲନାରାରୁ ଏମ ଏଲ୍ ଏ ଗୁଡା,ପୂଜାରିଗୁଡ଼ରୁ କଲ୍ୟାଣ ସିଂପୂର୍ – ସାଜା, ବିଷମକଟକ ର ଡମ୍ବକୁପା – ଜଗନ୍ନାଥପୁର,ସେତୁ ନିର୍ମାଣ ନିମନ୍ତେ ମଧ୍ୟ ଲିଖିତ ଭାବେ ଦାବୀ ଉପସ୍ଥାପନା କରାଯାଇଛି । ପ୍ରତିନିଧି ଦଳର ଏହି ସାକ୍ଷାତ ରାୟଗଡ଼ା ଜିଲ୍ଲା ର ଉନ୍ନତୀ ଦିଗରେ ଏକ ମାଇଲ ଖୁଣ୍ଟ ହେବ ଏଥିରେ ଦ୍ଵୀମତ ନାହିଁ ।
