ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ଉପଖଣ୍ଡ କୁ ନୂଆ ଜିଲ୍ଲା ର ମାନ୍ଯତା ସହ ବିଷମକଟକ କୁ ନୂଆ ଉପଖଣ୍ଡ, ପଦ୍ମପୁର ଓ ମୁନିଗୁଡା କୁ ଏନଏସି ମାନ୍ଯତା ଦାବିକରି ଆଜି ମୁଖ୍ୟମନ୍ତ୍ରୀ ଙ୍କ ଉଦେଶ୍ୟରେ ଗୁଣୁପୁର ଉପ ଜିଲ୍ଲାପାଳ ଲଳିତ କଁଅରଙ୍କୁ ସ୍ମାରକ ପତ୍ର ପ୍ରଦାନ କରାଯାଇଛି। ସ୍ଥାନୀୟ ପୁରୁଣା ବସଷ୍ଟାଣ୍ଡ ସ୍ଥିତ ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି ଓ ନୂଆ ବସଷ୍ଟାଣ୍ଡ ସ୍ଥିତ ବିଜୁବାବୁଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ଯ ଅର୍ପଣ କରି ଏକ ପଟୁଆରରେ ଗୁଣପୁର ଉପଖଣ୍ଡ ର ବିଭିନ୍ନ ବ୍ଲକରୁ ଆସିଥିବା ନେତୃ ମଣ୍ଡଳୀ ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଏକାଠି ହୋଇ ପ୍ରତିକ ସଭା କରି ଦାବି ଉପସ୍ଥାପନ କରିଥିଲେ। ଏହି କାର୍ଯ୍ୟକ୍ରମରେ ଗୁଡାରୀ ର ବରିଷ୍ଠ ନେତା ରଘୁପାତ୍ର, ଗଙ୍ଗା ଚାଲାଣ, ପଦ୍ମପୁର ର ତିରୁପତି ନିଶଙ୍କ, ଓକିଲ ସଂଘ ସଭାପତି ବ୍ରହ୍ମାନନ୍ଦ ପଟ୍ଟନାୟକ, ବରିଷ୍ଠ ଆଇନଜୀବୀ ଉମା ଚରଣ ପଟ୍ଟନାୟକ, ସମାଜ ସେବୀ ତଥା ଆଇନଜୀବି ପ୍ରଦୀପ କୁମାର ଦାଶ, ଗୁଣପୁର ପୌର ଉପାଧ୍ୟକ୍ଷ ଶିବ ପ୍ରସାଦ ଗୌଡ, ବ୍ଲକ ଉପାଧ୍ୟକ୍ଷ ସୁଦର୍ଶନ ଶବର, ପୁର୍ବତନ ଜିଲ୍ଲା ପରିଷଦ ଅଧ୍ୟକ୍ଷ ବିଜୟ ଗମାଙ୍ଗ, ପୁର୍ବତନ ବ୍ଲକ ଅଧ୍ଯକ୍ଷ ଅଶ୍ବିନୀ ଗମାଙ୍ଗ, ରାୟଗଡ଼ ଜିଲ୍ଲା ବିଜେଡି ଯୁବ ସଭାପତି ପିଙ୍କୁ ପଣ୍ଡା, ବିଜେଡି ଟାଉନ ସଭାପତି ରାମ ପଣ୍ଡା,ସମାଜସେବୀ ଅକ୍ଷୟ ଦାସ, ମିଲି ପାଢି, ମୁନା ପାଣି, ଏସ. ବାବା ପ୍ରଶାଦ, ଲାଡି ଇଶ୍ବର ରାଓ, ଯୁବ ଆଇନଜୀବୀ ବିଶ୍ବନାଥ ସାହୁ, ରମେଶ ଲିମା, ଅନିଲ ସାଉକାର, ଶକ୍ତି ଦାଶ,ସୁରେନ୍ଦ୍ର ମିଶ୍ର, ପଦ୍ମ ଚରଣ ପଣ୍ଡା, କୈଳାସ ସଡଙ୍ଗି, ଓନା ନାଗ ଭୁଷଣ ରାଓ, ସ୍ରିନିବାସ ସ୍ବାଇଁ ପ୍ରମୁଖ ଭାଗ ନେଇଥିଲେ।
