ଓଡ଼ିଶାର ବରପୁତ୍ର ଙ୍କ ବର ପ୍ରତିଫଳିତ ହେବନି କି ? ବରିଷ୍ଠ ଆଇନଜୀବି ଉମା ପଟ୍ଟନାୟକ…!

ଏଥର ସମ୍ଭାଳ ବ୍ୟୁରୋ ( ଗୁଣପୁର)- ରାଜ୍ୟରେ ଆଉ ୫ଜିଲ୍ଲା ଯୋଡ଼ି ହେବାର ଖବର ପ୍ରସାର ହେବାପରେ ରାୟଗଡ଼ା ଜିଲ୍ଲା ଗୁଣପୁର ଠାରେ ଏହାକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଇଛି । ଗୁଣପୁର ଉପ ଖଣ୍ଡ କଳିଙ୍ଗ ସାମ୍ବାଦିକ ସଂଘର ବାର୍ଷିକ ଉତ୍ସବ ରେ ପ୍ରତିଭା ସମ୍ମାନ ରେ ସମ୍ମାନୀତ ହେବା ଅବସରରେ ସ୍ଥାନୀୟ ଓକିଲ ସଂଘର ବରିଷ୍ଠ ଆଇନଜୀବୀ ଉମା ଚରଣ ପଟ୍ଟନାୟକ ଓଡ଼ିଶାର ବରପୁତ୍ର ଗୁଣପୁର ବାସୀ ଙ୍କୁ ଦେଇଥିବା ବର ପ୍ରତିଫଳିତ ହେବନି କି ବୋଲି ପ୍ରଶ୍ନ କରି ଛନ୍ତି । ରାଜ୍ୟରେ ୩୦ଗୋଟି ଜିଲ୍ଲା ହେବା ସମୟରେ ଗୁଣପୁର ଅଞ୍ଚଳ ବାସୀ ରାଜ୍ୟର ଏକ ବୃହତ୍ ଉପଖଣ୍ଡ ଭାବେ ପରିଗଣିତ ହେଉଥିବା ଗୁଣପୁର ସବ୍ ଡିଭିଜନ କୁ ଜିଲ୍ଲା କରିବା ନେଇ ଅଞ୍ଚାଲବସୀଙ୍କ ଦାବୀ ପରେ ତତ୍ କାଳୀନ ମୁଖ୍ୟ ମନ୍ତ୍ରୀ ଓଡ଼ିଶାର ବରପୁତ୍ର ସ୍ବର୍ଗତ ବିଜୁବାବୁ ଆଗାମୀ ଦିନରେ ନିଶ୍ଚିତ ଭାବେ ଗୁଣପୁର କୁ ଏକ ଜିଲ୍ଲା ଭାବେ ଘୋଷଣା କରାଯିବ ବୋଲି ପ୍ରତିଶ୍ରୁତି ଦେଇଥିଲେ । ପରନ୍ତୁ ତାଙ୍କରି ଦାୟଦ ନବୀନ ବାବୁ ଏ କଥା କୁ ଭୁଲିଗଲେ ବୋଲି ସାଧାରଣରେ କ୍ଷୋଭ ପ୍ରକାଶ ପାଇଛି। ବିଜୁ ବାବୁଙ୍କ ସେହି ପ୍ରତିଶ୍ରୁତିକୁ ମନେପକାଇ ବରିଷ୍ଠ ଓକିଲ ଉମା ପଟ୍ଟନାୟକ ଏହାକୁ ଦୋହରାଇ ଏନେଇ ଜନସଚେତନତା ଜାଗୃତ କରିବା ନିମନ୍ତେ ଉତ୍ସବ ରେ ଉପସ୍ଥିତ ସାମ୍ବାଦିକ ଙ୍କୁ ସୂଚନା ଦେଇ ଉପସ୍ଥିତ ଜନ ସାଧାରଣ ଙ୍କୁ ଦାବୀ ଉପସ୍ଥାପନ କରିବା ନିମନ୍ତେ ଅନୁରୋଧ କରିଛନ୍ତି। ଏହା ପରେ ଉପସ୍ଥିତ ବୁଦ୍ଧିଜୀବୀ,କବି,ଲେଖକ,ମହିଳା ଏବଂ ବିଦ୍ୟାର୍ଥୀଙ୍କ ମଧ୍ୟରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଥିବା ଦେଖିବାକୁ ମିଳିଛି।ଗୁଣପୁର ଜିଲ୍ଲା ଗଠନ ଦାବୀ କୁ ରାଜ୍ୟପାଳ ଏବଂ ମୁଖ୍ୟମନ୍ତ୍ରୀ ଙ୍କ ନିକଟରେ ଉପସ୍ଥାପନା କରାଇବା ନିମନ୍ତେ ଜନ ସଚେତନା ଜାଗୃତ କରିବା ପାଇଁ ରାୟଗଡ଼ା ଜିଲ୍ଲା ବିକାଶ ପରିଷଦ ଲୋକଙ୍କ ପାଖରେ ପହଞ୍ଚିବ ବୋଲି ଗୁଣପୁର ଉପଖଣ୍ଡ ଆବାହକ ସୁନିଲ କୁମାର୍ ଦାଶ କହିଛନ୍ତି । ଏତତ୍ ସମ୍ପର୍କ ରେ ଜନ ସାଧାରଣ ଙ୍କ ଦସ୍ତଖତ ସମ୍ବଳିତ ଏକ ସ୍ମାରକ ପତ୍ର ମହାମହିମ ରାଜ୍ୟପାଳ ଏବଂ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରେରଣ କରା ଯିବ । ଆବଶ୍ୟକ ପଡିଲେ ଏକ ପ୍ରତିନିଧି ଦଳ ଏମାନଙ୍କୁ ବୁବନେଶ୍ଵ ର ଯାଇ ସାକ୍ଷାତ କରିବେ ବୋଲି ମଧ୍ୟ ଶ୍ରୀ ଦାଶ ଦୋହରାଇଛନ୍ତି ।