ପୋଲିସ ଓ ଅବକାରୀ ବିଭାଗ ନିଦ ଭାଙ୍ଗିବ କେବେ ।
ଏଥର ସମ୍ଭାଳ ଗୁଣୁପୁର : କିଛି ବର୍ଷ ଧରି ସ୍ଥାନୀୟ ଗୁଣପୁର ରେଳଷ୍ଟେସନ ଛକ ନିକଟସ୍ଥ ମୁଖ୍ୟ ରାସ୍ତା ର ଗୋଟିଏ ବେସରକାରୀ ବିଦ୍ୟାଳୟ ନିକଟରେ ବେଆଇନ ଦେଶୀ ମଦ ଦୋକାନ ରହିଥିବା ନେଇ ଅଭିଯୋଗ ହୋଇ ଆସୁଥିଲେ ମଧ୍ୟ ଏଥିପ୍ରତି ସ୍ଥାନୀୟ ଅବକାରୀ ଓ ପୋଲିସ ବିଭାଗ ପକ୍ଷରୁ କୌଣସି ପଦକ୍ଷେପ ନିଆଯାଉ ନଥିବା ଚର୍ଚ୍ଚାର ବିଷୟ ପାଲଟିଛି। ଏହା କୁ ନେଇ ବର୍ତ୍ତମାନ ପ୍ରଶ୍ନ ଉଠୁଛି ଆଉ କେବେ ଏମାନଙ୍କ ନିଦ ଭାଙ୍ଗିବ ? ବିଦ୍ୟାଳୟ ନିକଟ ରେ ଦୋକାନ ଏଭଳି ଦୋକାନ ଟିଏ ରହିବା ଦ୍ୱାରା ବିଦ୍ୟାର୍ଥୀ ଙ୍କ ଉପରେ ଏହାର କୁପ୍ରଭାବ ପଡିବା ସମ୍ଭାବନାକୁ ଦୂରେଇ ଦିଆଯାଇନପାରେ ବୋଲି ସ୍ଥାନୀୟ ବୁଦ୍ଧିଜୀବୀ ମହଲରେ ଆଶଙ୍କା ସୃଷ୍ଟି ହୋଇଛି ।ସ୍ଥାନୀୟ ଗୁଣପୁର ଅବକାରୀ ବିଭାଗ ଏବଂ ସ୍ଥାନୀୟ ପୋଲିସ ବିଭାଗ ଏବଂ ପେଟ୍ରୋଲିଂ ବୃନ୍ଦ ଙ୍କ ଦୃଷ୍ଟିକୁ ଏହି ମୁଖ୍ୟ ରାସ୍ତାରେ ରହିଥିବା ବେଆଇନ ଦେଶୀ ମଦ ଦୋକାନ ଅବଗତ ନ ହେବା ବହୁ ଚିନ୍ତାର ବିଷୟ ବୋଲି କୁହାଯାଉଛି । ଜୈ ନିକ ସାମ୍ବାଦିକ ଏହି ବିଷୟରେ ବାରମ୍ବାର ଅଭିଯୋଗ କରିବାରୁ ତାଙ୍କ ବିରୋଧରେ ମିଥ୍ୟା କେସ କରି ଜୀବନ ବର୍ବାଦ କରିଦେବା ପାଇଁ ମଧ୍ୟ ଧମକ ମିଳିଥିବା କଥା ଶୁଣିବାକୁ ମିଳିଛି ।ଏପରିକି ଗୁଣପୁର ଆଦର୍ଶ ଥାନା ରେ କିଛି ବର୍ଷ ଧରି ବିନା ଅନୁସନ୍ଧାନ ରେ ସାମ୍ବାଦିକ ଙ୍କ ଉପରେ ପୋଲିସ ମିଥ୍ୟା କେସ ରୁଜୁ କରୁଥିବା କଥା ଉଠୁଛି । ଏହାକୁ ନେଇ ବିଭାଗ ପ୍ରତି ଅଙ୍ଗୁଳି ଉଠୁଥିବା ସହ ସଂପୃକ୍ତ ବିଭାଗ ସହ ବେଆଇନ କାର୍ଯ୍ୟକରୁଥିବା ଲୋକଙ୍କ କୋମଳ ମଧୁଚନ୍ଦ୍ରିକା ରହିଥିବା ଅଭିଯୋଗ ଆସିଛି ।ସ୍ଥାନୀୟ ଗୁଣପୁର ଆଦର୍ଶ ପୋଲିସ ଥାନା ରେ କେସ ଏବଂ କାଉଣ୍ଟର କେସ ରେ ଗୋଟିଏ ର ଚାର୍ଜ ସିଟ ଦେଇ ସାମ୍ବାଦିକଙ୍କ ଚାର୍ଜସିଟ ବର୍ଷବର୍ଷ ଧରି ନ ଦେବା ପଛରେ ସାମ୍ବାଦିକଙ୍କୁ ହଇରାଣ କରିବା ଉଦ୍ଧେଶ୍ୟ ରହିଥିବା ସ୍ପଷ୍ଟ ପ୍ରତିପାଦିତ ହୋଇଛି ବୋଲି କୁହାଯାଇଛି । ଏଥିପ୍ରତି ଉପଖଣ୍ଡ ଏବଂ ଜିଲ୍ଲା କର୍ତ୍ତୃପକ୍ଷ ଦୃଷ୍ଟି ଦେବା ପାଇଁ ଦାବୀ ହେଉଛି ।