!!! ରାମନାଗୁଡା ରୁ ସୁଭଜିତ୍ ପଟ୍ଟନାୟକ ଙ୍କ ରିପୋର୍ଟ !!!
ଏଥର ସମ୍ଭାଳ (ରାମନାଗୁଡା) – ରାୟଗଡା ଜିଲ୍ଲା ରାମନାଗୁଡା ବ୍ଲକ୍ ଅନ୍ତର୍ଗତ କେନ୍ଦୁଗୁଡ଼ା ଆଶ୍ରମ ବିଦ୍ୟାଳୟ ଠାରେ ଚଳିତ ମାସ ୧୮ ଓ ୧୯ ତାରିଖ ଦୁଇ ଦିନ ଧରି ବାର୍ଷିକ କ୍ରିଡା ଉତ୍ସବ ଅନୁଷ୍ଠିତ ହୋଇଯାଇଛି । ସ୍ୱାସ୍ଥ୍ୟ ହିଁ ସମ୍ପଦ ତଥା ଛାତ୍ରଛାତ୍ରୀଙ୍କ ଅଣ ପାଠ୍ୟକ୍ରମର ବିକାଶକୁ ଆଧାର କରି ମୁଖ୍ୟଅତିଥି ରୂପେ ଭାମିନୀ ପଞ୍ଚାୟତର ସରପଞ୍ଚ ସୁଶ୍ରୀ ରିତୁ ପ୍ରଭା ଗମାଙ୍ଗ ଓ ମୁଖ୍ୟବକ୍ତା ରୂପେ ଆଞ୍ଚଳିକ ସଂଯୋଜକ ଶ୍ରୀ ଭୈରବ ପ୍ରସାଦ ରଥ ଏବଂ ବିଦ୍ୟାଳୟ ପରିଚାଳନା କମିଟିର ସ୍ଥାୟୀ ସଭାପତି ଶ୍ରୀ ମାଗତା ଗମାଙ୍ଗ ସଭାପତି ରୂପେ ଆସନ ଗ୍ରହଣ କରିଥିଲେ।
ପ୍ରଧାନ ଶିକ୍ଷକ ଶ୍ର୍ରୀ ଦିଲୀପ କୁମାର ଚୌଧୁରୀଙ୍କ ସୁପରିଚାଳନା ରେ ସମସ୍ତ ଶିକ୍ଷକ ଓ ଶିକ୍ଷୟିତ୍ରୀଙ୍କ ତତ୍ବାବଧାନରେ ଛାତ୍ରଛାତ୍ରୀମାନଙ୍କ ମଧ୍ୟରେ ଦୌଡ, ଲମ୍ବା ଡିଆଁ, ଉଚ୍ଚାଡ଼ିଆଁ . ଦଉଡି ଡିଆଁ,ଅଖା ଦୌଡ଼, ଲେମ୍ବୁ ଚାମଚ,ସଟ୍ ଫୁଟ୍ ଇତ୍ୟାଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ସେମାନଙ୍କ ମଧ୍ୟରୁ ପ୍ରଥମ,ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ଚୟନ କରାଯାଇଥିଲା। କାର୍ଯ୍ୟକ୍ରମର ଉଦ୍ ଯାପନ ଦିବସରେ ଛାତ୍ରମାନେ ପ୍ରଧାନଶିକ୍ଷକଙ୍କୁ ବିଦ୍ୟାଳୟର କ୍ରିଡ଼ା ପତାକା ହସ୍ତାନ୍ତର କରିଥିଲେ।
