!!! ରାମନାଗୁଡା ରୁ ଶୁଭଜିତ୍ ପଟ୍ଟନାୟକ ଙ୍କ ରିପୋର୍ଟ !!!
ଏଥର ସମ୍ଭାଳ (ରାମନାଗୁଡା) – ରାୟଗଡ ଜିଲ୍ଲା ରାମନାଗୁଡା ବ୍ଲକ ର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ଥିବା ନୂତନ କୋଠା କୁ ବିପଦ ସାଜିପାରେ ବହୁ ପୁରାତନ ବିରାଟ ବଡ଼ ଜାମୁକୋଳି ଗଛ । ରାୟଗଡା ଜିଲ୍ଲା ରାମନାଗୁଡା ଅଞ୍ଚଳରେ ଦିନକୁ ଦିନ ରୋଗୀ ସଂଖ୍ୟା ବୃଦ୍ଧି ପାଉଥିବା ବେଳେ ରୋଗୀ ବୃଦ୍ଧି ସଂଖ୍ୟା ନଜର ରେ ରଖି ରାଜ୍ୟ ସରକାର ରାମନାଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିମନ୍ତେ ଅଟକଳ ଦୁଇ କୋଟି ଦୁଇ ଲକ୍ଷ ଟଙ୍କା ବ୍ୟୟ ରେ ସ୍ୱାସ୍ଥ୍ୟ କେନ୍ଦ୍ରର ବିଭିନ୍ନ ବିଭାଗର ଡାକ୍ତର ,ପରୀକ୍ଷାଗାର ପାଇଁ ନୂତନ କୋଠା ନିର୍ମାଣ କରିଥିଲେ , ସ୍ୱାସ୍ଥ୍ୟ କେନ୍ଦ୍ର ପରିସରରେ ନୂତନ କୋଠା କୁ ଲାଗି ବହୁ ପୁରାତନ ଜାମୁକୋଳି ଗଛ ବିପଦ ସାଜିପାରେ ବୋଲି ଗତ କିଛି ଦିନ ଧରି ବାରମ୍ବାର ବିଭିନ୍ନ ଖବର କାଗଜ ରେ ପ୍ରକାଶ ପାଉଥିଲେ ମଧ୍ୟ ଜିଲ୍ଲା ପ୍ରଶାସନ ଓ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ସୁଦ୍ଧା କାର୍ଯ୍ୟାନୁଷ୍ଠାନ ଗ୍ରହଣ କରିବା ବଦଳ ରେ ଶୋଇ ହୋଇରହିଥିବା ଭଳି ଜଣାପଡୁଛି ।ଏହି ଘଟଣା ସମ୍ପର୍କରେ ବାରମ୍ବାର ଖବର ପ୍ରସାରଣ କରାଯାଇଥିଲେ ମଧ୍ୟ ଯଥା ବରଂ ତଥା ପରଂ ସଦୃଶ ହୋଇ ପଡିଛି । ଯାହାକି ଭବିଷ୍ୟତରେ ଗଛ ଶୁଖିଯିବା କିମ୍ବା ବାତ୍ୟା ପ୍ରଭାବ ରେ ସେହି ନିର୍ମାଣଧୀନ ନୂତନ କୋଠା ଉପରେ ପଡ଼ି କୋଠା ଟି ଭାଙ୍ଗିଯିବା କିମ୍ବା ଚିକିତ୍ସାଧୀନ ରୋଗୀ ଙ୍କ ପାଇଁ ବିପଦ ର କାରଣ ହୋଇପାରେ ବୋଲି ବୁଦ୍ଧିଜୀବୀ ମହଲରେ ଉଦ୍ ବେଗ ପ୍ରକାଶ ପାଉଛି ।ଉକ୍ତ ଜାମୁକୋଳି ଗଛ କୁ ସେହି ସ୍ଥାନରୁ ହଟାଇବା ନିମନ୍ତେ ସାଧାରଣ ରେ ବାରମ୍ବାର ଦାବି ହୋଇ ଆସୁଥିଲେ ସୁଦ୍ଧା ବିଭାଗୀୟ ଅଧିକାରୀ କିମ୍ବା ଜିଲ୍ଲା ପ୍ରଶାସନ ଏହି ସମସ୍ୟା ପ୍ରତି ଦୃଷ୍ଟି ଦେଇ ନଥିବାରୁ ଅସନ୍ତୋଷ ର ଦାନା ବାନ୍ଧୁଛି । ଏହି ବିରାଟକାୟ ଜାମୁକୋଳି ଗଛ କୁ ଉକ୍ତ ସ୍ଥାନରୁ ହଟାଇବା ସମ୍ପର୍କରେ ଚଳିତ ମାସ ୮ ତାରିଖ ଦିନ ନୂତନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର କୋଠା ଲୋକାର୍ପଣ ସମୟରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଲାଲ ମୋହନ ରାଉତରାୟ ଙ୍କୁ ଦୃଷ୍ଟି ଆକର୍ଷଣ କରାଯାଇଥିବା ବେଳେରାମନାଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଭାରପ୍ରାପ୍ତ ଚିକିତ୍ସା ଅଧିକାରୀ ଙ୍କ ସହିତ କଥା ବାର୍ତ୍ତା କରି ସମାଧାନ କରିବାକୁ ପ୍ରତିଶୃତି ଦେଇଥିଲେ କିନ୍ତୁ ଦୀର୍ଘ ୩ ମାସ ବିତି ଯାଇଥିଲେ ମଧ୍ୟ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଲାଲ ମୋହନ ରାଉତରାୟ ଚୁପ କାହିଁକି ବୋଲି ପ୍ରଶ୍ନ ଉଠିଛି । ଯଦି ଏହି ବିରାଟ କାୟ ଜାମୁକୋଳି ଗଛ କୁ ନେଇ ବିପଦ ଆସିଲେ ବିଭାଗୀୟ ଅଧିକାରୀ ଦାୟୀ ରହିବେ କି ? ଏହି ବିରାଟକାୟ ଜାମୁକୋଳି ଗଛ ସେହି ସ୍ଥାନ ରୁ ହଟା ନଯିବା ପଛରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କର୍ମଚାରୀ ଙ୍କ ସ୍ୱାର୍ଥ ରହିଛି ନା ନା ଆଉ କାହାର ଚାପ ପଡୁଛି ତାକୁ ନେଇ ଉଠିଛି ଅନେକ ପ୍ରଶ୍ନ ,ଏମିତି ଏବେ ବିଭିନ୍ନ ପ୍ରକାର ପ୍ରଶ୍ନ ଉଙ୍କି ମାରୁଛି ସାଧାରଣ ଜନତା ଙ୍କ ମନରେ ।ରାମନାଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରୁ ବିରାଟ କାୟ ଜାମୁକୋଳି ଗଛ କୁ ହଟାଇବା ନିମନ୍ତେ ଜିଲ୍ଲା ପ୍ରଶାସନ ଦୃଷ୍ଟି ଦେଇ ସମସ୍ୟାର ସମାଧାନ କରିବା ପାଇଁ ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।
