ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡ ଜିଲ୍ଲା ଗୁଣୁପୁର ସଦର ମହକୁମାର ସ୍ଥିତ ସ୍ଥାନୀୟ ବଂଶଧରା ଘରୋଇ ଆବାସିକ ବିଦ୍ୟାଳୟରେ ଅଟଳ ସ୍ମୃତି କମିଟି ( ସାମାଜିକ, ସାଂସ୍କୃତିକ ଏଵଂ ଅଣ ରାଜନୈତିକ ସଂଗଠନ)ପକ୍ଷରୁ ଭାରତ ର ଭୂତ ପୂର୍ବ ପ୍ରଧାନ ମନ୍ତ୍ରୀ ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ କମିଟି ପକ୍ଷରୁ ସଭାପତି ସୂର୍ଯ୍ୟ ନାରାୟଣ ରଥ ପ୍ରଥମେ ବାଜପେୟୀଙ୍କ ତୈଳ ଚିତ୍ର ରେ ପୁଷ୍ପମାଲ୍ୟ ଅର୍ପଣ କରିଥିଲେ। ଆୟୋଜିତ କାର୍ଯ୍ୟକ୍ରମରେ ଉପସ୍ଥିତ ଅତିଥି ମାନେ ବାଜପେୟୀଙ୍କ ଜୀବନୀ ତଥା ଆଦର୍ଶ ଉପରେ ସମ୍ୟକ୍ ଆଲୋଚନା କରିଥଲେ। ଆବାହକ ଚିନ୍ମୟ ପାଣିଗ୍ରାହୀ କାର୍ଯ୍ୟକ୍ରମ କୁ ସଂଯୋଜନା କରିଥିବା ବେଳେ ଏହି କାର୍ଯ୍ୟକ୍ରମରେ ବରିଷ୍ଠ ଶିକ୍ଷାବିତ ସୂର୍ଯ୍ୟ ନାରାୟଣ ରଥ , ସମାଜସେବୀ ଶ୍ରୀମତୀ ଅମ୍ବିକା ରାଣୀ ମହାପାତ୍ର, ନନ୍ଦିନୀ ପଣ୍ଡା, ଲକ୍ଷ୍ମୀ ନାରାୟଣ ମହାଙ୍କୁଡ, ସୁନିଲ କୁମାର ଗୌଡ, ବସନ୍ତ ମିଶ୍ର, ନଗର ଯୁବ ସଭାପତି ରାମଚନ୍ଦ୍ର ପଣ୍ଡା, ଯୁବ ନେତା ଫାଲଗୁନୀ ଶବର, ଆଇନଜୀବୀ ଇନ୍ଦ୍ରାକ୍ଷି ପ୍ରସାଦ ଦାଶ, ଯୁବ ସାମ୍ବାଦିକ ଶକ୍ତି ପ୍ରଦ ଦାଶ,ସୁନୀଲ କୁମାର ସାବତ ପ୍ରମୁଖ ଯୋଗ ଦେଇ ସହଯୋଗ କରିଥିଲେ।
ଅଟଳ ସ୍ମୃତି କମିଟି ପକ୍ଷରୁ ବାଜପେୟୀ ଙ୍କ ଜନ୍ମ୍ ଜୟନ୍ତୀ ପାଳିତ…!
