ଏଥର ସମ୍ଭାଳ ବ୍ୟୁରୋ(ଗୁଣପୁର)- ମହାତ୍ମା ଗାନ୍ଧୀ ଇଣ୍ଟରନେସନାଲ୍ ପବ୍ଲିକ୍ ସ୍କୁଲ୍ ର ସପ୍ତମ ତମ ବାର୍ଷିକ ଉତ୍ସବ ମହା ସମାରୋହରେ ସ୍ଥାନୀୟ ଗୁଣ୍ଡିଚା ମନ୍ଦିର ନିକଟସ୍ଥ ଆମ୍ବ ତୋଟା ଠାରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ଆୟୋଜିତ ସଭାରେ ମୁଖ୍ୟ ଅତିଥିଭାବେ ସ୍ଥାନୀୟ ବିଧାୟକ ଶ୍ରୀ ରଘୁନାଥ ଗମାଙ୍ଗ, ସମ୍ମାନୀତ ଅତିଥି ଭାବେ ଗୁଣପୁର ମହାବିଦ୍ୟାଳୟର ଅଧ୍ୟକ୍ଷ ଡ଼ଃ .ସୂର୍ଯ୍ୟ ନାରାୟଣ ପଣ୍ଡା,ଅନ୍ୟତମ ଅତିଥି ଭାବେ ଭାରପ୍ରାପ୍ତ ଗୁଣପୁର ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ସୃଜନ ମଲ୍ଲିକ, ବିଦ୍ୟାଳୟର ସଭାପତି ଶ୍ରୀ ବ୍ରଜ ସୁନ୍ଦର ପାଢ଼ୀ, ସମ୍ପାଦକ ଶ୍ରୀ ବାଣୀ ପ୍ରସାଦ ନାୟକ ଓ ନିର୍ଦ୍ଦେଶକ ଶ୍ରୀ ଦିଲ୍ଲୀପ କୁମାର ରାଜୁଗୁରୁ ମହାପାତ୍ର ଯୋଗଦେଇଥିଲେ । ମୂଖ୍ୟ ଅତିଥି ଶ୍ରୀଯୁକ୍ତ ଗମାଙ୍ଗ ତାଙ୍କ ବାକ୍ତବ୍ୟରେ ପିଲାଙ୍କ ଉଜ୍ବଳ ଭବିଷ୍ୟତ କାମନା କରିବା ସହ ସୁନ୍ଦର କାର୍ଯ୍ୟକ୍ରମକୁ ଦେଖି ଅନୁଷ୍ଠାନର ପରିଚାଳନା କମିଟି ଓ ଅଧ୍ୟକ୍ଷ ଓ ଶିକ୍ଷକ, ଶିକ୍ଷୟତ୍ରୀଙ୍କୁ ଧନ୍ୟବାଦ୍ ଜଣାଇ ଶୁଭ ମନାସି ଥିଲେ। ସମ୍ମାନିତ ଅତିଥି ଡକ୍ଟର ସୂର୍ଯ୍ୟ ନାରାୟଣ ପଣ୍ଡା ପିଲାଙ୍କୁ ବର୍ତ୍ତମାନ ଯୁଗରେ ପିଲାମାନେ ଦୈନନ୍ଦିନ ଜୀବନରେ ବିଜ୍ଞାନର ସାହାଯ୍ୟ ଓ ସହଯୋଗରେ କିପରି ଅଗ୍ରଗତି କରିପାରିବେ ସେହି ପ୍ରସଙ୍ଗକୁ ଉପସ୍ଥାପନ କରି ଥିଲେ। ପିଲାମାନେ ସବୁବେଳେ ଏକ ଉଚ୍ଚ ଆକାଂକ୍ଷା ନେଇ ଜୀବନର ଲକ୍ଷ ରଖି ଭବିଷ୍ୟତରେ ଯେପରି ଓ ଏ ଏସ , ଆଈ ଏ ଏସ ଭଳି ଉଚ୍ଚ ପରୀକ୍ଷା ପାଇଁ ପ୍ରସ୍ତୁତି ହେବା ପାଇଁ ଉପଦେଶ ଦେଇଥିଲେ। ସେହିପରି ସମ୍ମାନୀୟ ଅତିଥି ଶ୍ରୀଯୁକ୍ତ ସୁଜନ ମଲିକ ତାଙ୍କ ବକ୍ତବ୍ୟରେ ବର୍ତ୍ତମାନ ସମୟରେ ଅଭିଭାବକ ମାନଙ୍କ ଭାବନାକୁ ଗୁରୁତ୍ଵ ଦେଇ ପିଲାକୁ କିପରି ଜୀବନରେ ଜଣେ ଆଦର୍ଶ ମନୁଷ୍ୟ ରୂପେ ଗଢି ତୋଳିବେ ସେ ବିଷୟ ରେ ସମ୍ୟକ୍ ଧାରଣା ପ୍ରଦାନ କରିଥିଲେ। ପିଲାମାନଙ୍କୁ ମଜାଳିଆ ଗଳ୍ପ ମଧ୍ୟମରେ ଉଚିତ୍ ଦିଗ୍ ଦର୍ଶନ ପ୍ରଦାନ କରିଥିଲେ। ଅତିଥି ମାନଙ୍କୁ ଅନୁଷ୍ଠାନ ପକ୍ଷରୁ ଉପଢୌକନ ଓ ମାନ ପତ୍ର ପ୍ରଦାନ କରି ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମରେ ପ୍ରଥମେ ଜାତୀୟ ସଙ୍ଗୀତ ଗାନ କରାଯାଇଥିଲା ପରେ ଅତିଥି ମାନଙ୍କୁ ପୁଷ୍ପ ଗୁଚ୍ଛ ଦେଈ ସମ୍ମାନିତ କରାଯାଇଥିଲା। ବେଦ ଉଚ୍ଚାରଣ ସହ ଦ୍ଵୀପ ପ୍ରଜ୍ବଳନ ଓ ପିଲାଙ୍କ ଦ୍ଵାରା ପ୍ରାରମ୍ଭିକ ସଙ୍ଗୀତ ପରିବେଷଣ କରାଯାଇଥିଲା। ସଭା ଆରମ୍ଭରେ ବିଦ୍ୟାଳୟ ର ଶିକ୍ଷୟତ୍ରୀ ମହିତା ପାଣି ଅତିଥି ଙ୍କ ପରିଚୟ ସହ ସ୍ଵାଗତ ଭାଷଣ ଦେଇଥିବା ବେଳେ ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ପି॰କଲ୍ୟାଣୀ ବାର୍ଷିକ ବିବରଣୀ ପାଠ କରିଥିଲେ ଓ ଶିକ୍ଷୟତ୍ରୀ ସ୍ମରଣିକା ପଟ୍ଟନାୟକ ମଞ୍ଚ ପରିଚାଳନା କରିଥିଲେ । ପରେ ବିଦ୍ୟାର୍ଥୀ ଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ସାଂସୃତିକ କାର୍ଯ୍ୟକ୍ରମ କୁ ଶିକ୍ଷୟତ୍ରୀ ଅନୁରାଧା ମଣ୍ଡଳ ପରିଚାଳନା କରିଥିବା ବେଳେ ମଞ୍ଚ ଉପରେ ପିଲାଙ୍କୁ ନାଚ ଗୀତ ପରିବେଷଣ ରେ ଶିକ୍ଷୟତ୍ରୀ ମନୋଶ୍ଵିନି ବାଉରୀ , ବୃନ୍ଦାବତି ଶବର ଓ ସପ୍ନା ସିଂ ଆଦି ସହଯୋଗ କରିଥିଲେ। ଶେଷରେ ବିଦ୍ୟାଳୟ ପକ୍ଷରୁ ଆୟୋଜିତ ବାର୍ଷିକ କ୍ରୀଡା ଉତ୍ସବ ର ବିଭିନ୍ନ ପ୍ରତିଯୋଗିତା ରେ କୃତି ବିଦ୍ୟାର୍ଥୀ ଙ୍କୁ ମଞ୍ଚସ୍ଥ ଅତିଥି ଓ ଆବାହିତ ଅତିଥି ତଥା ନିମନ୍ତ୍ରିତ ଅତିଥି ଭାବେ ମହର୍ଷି ଗୁରୁକୁଳ କଲେଜର ଅଧ୍ୟକ୍ଷ ସନ୍ତୋଷ କୁମାର ଗୁରୁ , ଆଇନଜୀବୀ ଇନ୍ଦ୍ରକ୍ଷୀ ପ୍ରସାଦ ଦାସ, ସମାଜ ସେବୀ ଉମା ପ୍ରସାଦ ଦାସଙ୍କ ଦ୍ଵାରା ପୁରସ୍କାର ସହ କୃତିତ୍ୱ ପତ୍ର ପ୍ରଦାନ କରାଯାଇ ପ୍ରଶଂସିତ କରାଯାଇଥିଲା । ଏହି ବାର୍ଷିକ ଉତ୍ସବ ପାଳନ ରେ ବହୁ ସଂଖ୍ୟାରେ ଅଭିଭାବକ ମାନେ ଯୋଗ ଦେଇ ଏହାକୁ ସମ୍ପୂର୍ଣ୍ଣ ଭାବେ ସାଫଲ୍ୟ କରିଥିଲେ ।
