ଏଥର ସମ୍ଭାଳ ବ୍ୟୁରୋ(ଗୁଣୁପୁର)- ରାୟଗଡା ଜିଲ୍ଲା ଗୁଣପୁର ବାଇପାସ୍ ଛକ ନାଗଭୂଷଣ ପ୍ରତିମୂର୍ତ୍ତି ଠାରେ ସିପିଆଇ (ଏମ୍ଏଲ) ଲିବରେସନ ର ଝାଡ଼ଖଣ୍ଡ ର ପଲିଟିବ୍ୟୁରୋ ସଦସ୍ୟ ଜନାର୍ଦ୍ଦନ ପ୍ରସାଦ ଓ ଆନ୍ଧ୍ର ପ୍ରଦେଶ ର ଏନ ମୂର୍ତ୍ତୀ ଏବଂ ରାଜ୍ୟ ସମ୍ପାଦକ ଯୁଧିଷ୍ଟିର ମହାପାତ୍ର ରାଧାକାନ୍ତ ସେଠୀ ଶ୍ରମିକ ନେତା ମହେନ୍ଦ୍ର ପରିଡା କୃଷକ ନେତା ଅଶୋକ ପ୍ରଧାନ ସମେତ ରାଜ୍ୟ ନେତୃବୃନ୍ଦ ସହ ପ୍ରତିନିଧି ମାନେ ପୁଷ୍ପ ମାଲ୍ୟାର୍ପଣ କରିବା ସହ ଆଦିବାସୀ ମାନଙ୍କ ପାରମ୍ପରିକ ନାଚ ଗିତ ସହ ଏକ ବିଶାଲ ଶୋଭାଯାତ୍ରା ବାହାରି ଗୁଣପୁର ପୁରୁଣା ବସଷ୍ଟାଣ୍ଡ ଠାରେ ଜନ ସଂକଲ୍ପ ସଭା ଅନୁଷ୍ଠିତ ହୋଇଥିଲା।
ଉକ୍ତ ସାଧାରଣ ସଭାରେ ରାଜ୍ୟ ସମ୍ପାଦକ ଯୁଧିଷ୍ଟିର ମହାପାତ୍ର ସମେତ ସି ପି ଆଇ ( ଏମଏଲ) ଲିବରେସନ କେନ୍ଦ୍ର କମିଟି ସଭ୍ୟ ଜନାର୍ଦ୍ଦନ ପ୍ରସାଦ ଓ ଆନ୍ଧ୍ର ପ୍ରଦେଶ କେନ୍ଦ୍ର କମିଟି ସଭ୍ୟ ଏନ ମୂର୍ତ୍ତୀ,ରାଧାକାନ୍ତ ସେଠି, ମହେନ୍ଦ୍ର ପରିଡା – ସବିତା ବରଜ ,ମୁରଲୀ ବେହେରା , ମନ୍ଦାକିନୀ ସେଠି ,ବୃନ୍ଦାବନ ବିଡିକା ଓ ଅନାନ୍ୟ ସାଥି ମାନେ ରାଜ୍ୟ ଓ କେନ୍ଦ୍ର ସରକାରଙ୍କ ନୀତି ବିରୁଦ୍ଧ ରେ ସମବେତ ଲୋକଙ୍କୁ ଉଦବୋଧନ ଦେଇଥିଲେ। ଗଣତନ୍ତ୍ର ବଞ୍ଚlଅ ଓ ଦେଶ ବଞ୍ଚାଓ, ଦେଶରେ ଗରିବ ଲୋକ ମାନଙ୍କ ଉପରେ ବୁଲଡୋଜର ରାଜକୁ ବନ୍ଦ କରିବା,କେନ୍ଦ୍ର ସରକାର ଆଣିଥିବା ଜଂଗଲ ଆଇନ ୨୦୨୨ ଓ ଗ୍ରାମ ସଭା କୁ ଅକାମୀ କରିବା ଚକ୍ରାନ୍ତ କୁ ବନ୍ଦ କରିବା,ସମସ୍ତଙ୍କୁ ସିଲିଂ ବହିର୍ଭୂତ ଜମି – ଜଂଗଲ ଜମି – ଘର ଡିହ ପଟା ଯୋଗାଇ ଦେବା, ଧାନର ସହାୟକ ମୂଲ୍ୟ କୁଇଣ୍ଟାଲ ୩୦୦୦ ଟଙ୍କା ସହ ଭାଗଚାଷୀ ମାନଙ୍କୁ ଚାଷି ର ମାନ୍ୟତା ପ୍ରଦାନ କରିବା ଓ ବିଦ୍ୟୁତ ଆଇନ ବାତିଲ କରିବା ପ୍ରଭୃତି ଦାବୀ ରହିଛି ।
