!!! ରାୟଗଡା ରୁ ଜିଲ୍ଲା ପ୍ରତିନିଧି ବଳରାମ ମଲ୍ଲିକ ଙ୍କ ରିପୋର୍ଟ !!!
ଏଥର ସମ୍ଭାଳ(ରାୟଗଡା)- ଭାରତର ବିଶିଷ୍ଟ କ୍ରୀଡ଼ାବିତ ମେଜର ଦୟାଚନ୍ଦଙ୍କ ଜନ୍ମ ବାର୍ଷିକୀ ଅବସରରେ ଆଜି ରାୟଗଡା ବ୍ଳକ ପିତମହଲ ଠାରେ ଜାତୀୟ କ୍ରୀଡା ଦିବସ ଅନୁଷ୍ଠିତ ହୋଇ ଯାଇଛି । ଏହି ଅବସରରେ ପିତାମହଲ ପଞ୍ଚାୟତ ପକ୍ଷରୁ ପିତାମହଲ ରିତମ୍ ମହାବିଦ୍ୟାଳୟ ପଡ଼ିଆରେ ବରିଷ୍ଠ ଓ କନିଷ୍ଟ ଦଳର ମାରାଥନ ସହ କବାଡି ଖେଳର ଆୟୋଜନ କରାଯାଇଥିଲା ।
ଉକ୍ତ ଉତ୍ସବ ରେ ମୁଖ୍ୟ ଅତିଥି ଭାବେ ବିଧାୟକ ପ୍ରାର୍ଥୀ ଶ୍ରୀଯୁକ୍ତ ବସନ୍ତ ଉଲ୍ଲାକା, ସମାଜ ସେଵୀ ମହେନ୍ଦ୍ର ଉଲ୍ଲାକା, ଗୋବିନ୍ଦ ଉଲ୍ଲାକା, ଯୋଗଦାନ କରିଥିବା ବେଳେ ଉମେଶ ତାଡିଙ୍ଗୀ, ଚନ୍ଦ୍ରଶେଖର ଖରସେଲୀ ବଂଶ ଏବଂ ସୋମନାଥ ଜାକାକା, ପିତାମହଲ ଗ୍ରାମ ପଂଚାୟତର ସରପଞ୍ଚ ଟୁଟୁ ତାଡିଙ୍ଗୀ ଏବଂ ତାଡ଼ମା ସରପଞ୍ଚ, ସମିତି ସଭ୍ୟା, ପିତାମହଲ ନାଏବ ସରପଞ୍ଚ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । କାର୍ଯ୍ୟକ୍ରମ କୁ ପଲମା ବିଦ୍ୟାଳୟର କ୍ରୀଡା ଶିକ୍ଷକ ବାବୁଲା ମେଲାକା ଏବଂ ଶିକ୍ଷୟିତ୍ରୀ ଭବାନୀ ପୁଲାକା ପରିଚାଳନା କରିଥିଲେ । ଏଥିରେ ବାବୁଲା ମେଲାକା , ମନୋଜ ନାୟକ,ଏବଂ ଭବାନୀ ପୁଲାକା ତାଙ୍କୁ ସହଯୋଗ କରିଥିଲେ । ଏହି ଅଞ୍ଚଳର ଆଦିବାସୀ କ୍ରୀଡା ପ୍ରେମୀ ମାନଙ୍କ କ୍ରୀଡା କ୍ଷେତ୍ରରେ ଉନ୍ନତି ଲାଗି ଏଠାରେ ଏକ ମିନିଷ୍ଟାଡ଼ିଅମ ର ସ୍ଥାପନ ପାଇଁ ପ୍ରଶାସନ ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି ।
