ଏଥର ସମ୍ଭାଳ ବ୍ୟୁରୋ(ଗୁଣପୁର)- ରେଳ ବିଭାଗ ର ବିଶାଖାପାଟଣା ଡି ଆର ଏମ 29 ତାରିଖ ଦିନ ଏକ ସ୍ୱତନ୍ତ୍ର ରେଳ ରେ ଗୁଣପୁର ପରିଦର୍ଶନ କୁ ଆସିଥିଲେ ।ପାରଳାଖେମୁଣ୍ଡି ଠାରୁ ଗୁଣପୁର ପର୍ଯ୍ୟନ୍ତ ସମସ୍ତ ଷ୍ଟେସନ ଗୁଡିକ ର ସ୍ଥିତି ଓ ଆବଶ୍ୟକତା ଗୁଡିକୁ ପଚାରି ବୁଝିଥିଲେ । ଗୁଣପୁର ପହଞ୍ଚିବା ପରେ ବୁଦ୍ଧିଜୀବୀ ମାନଙ୍କ ସହ ବିଭିନ୍ନ ବିଷୟ ଆଲୋଚନା କରିଥିଲେ । ଡି.ଆର .ଙ୍କ ଏହି ପରିଦର୍ଶନ ସମୟ ରେ ଅଞ୍ଚଳ ବାସିନ୍ଦା ଓ ବୁଦ୍ଧିଜୀବୀ ମାନେ ଗୁଣପୁର ରେଳ ବିଭାଗର ଜାଗା ଗୁଡିକୁ ଦୁର୍ବୁତ୍ତ ମାନଙ୍କ ଦ୍ଵାରା ଅକ୍ତିଆର କରି ଘର, ଦୋକାନ ଓ କୋଠା ବାଡ଼ି ନିର୍ମାଣ କରିଥିବା ବିଷୟ ଦୃଷ୍ଟି ଆକର୍ଷଣ କରିଥିଲେ । ରେଳ ବିଭାଗ ର ଇନ୍ସପେକ୍ଟର ଆଫ ୱାର୍କ ଏହି ସମସ୍ତ ବିଷୟ ତଦାରଖ କରିବା ନିୟମ ରହିଥିବା ବେଳେ ସେ କେମିତି ଏହାକୁ ଅଣଦେଖା କରିଲେ ବୋଲି କହି ଡି ଆର ଏମ ନିଜେ ସମସ୍ତ ରେଳ ବିଭାଗ ର ଜବରଦଖଲ ଜାଗା ଗୁଡିକୁ ବୁଲି ବୁଲି ଦେଖିଥିଲେ । ଅନେକ ସ୍ଥାନରେ ଜବର ଦଖଲ କାରୀ ମାନେ ଆବାସ, ବ୍ୟବସାୟ କେନ୍ଦ୍ର ଇତ୍ୟାଦି ନିର୍ମାଣ ହୋଇଥିବା ଦେଖି ଆଶ୍ଚର୍ଯ୍ୟ ପ୍ରକାଶ କରିଥିଲେ । ଯୁବ ସମାଜ ସେବୀ ତଥା ସାମ୍ବାଦିକ ଚିନ୍ମୟ ପାଣିଗ୍ରାହୀ ସମସ୍ତ ବିଷୟକୁ ରେଳ ବିଭାଗ ଅଧିକାରୀ ମାନଙ୍କୁ ବୁଝିଥିବା ବେଳେ ସାମାଜିକ କର୍ମୀ ଉମା ଦାଶ ଓ ବି ସତୀଶ କୁମାର ଏହି ସମ୍ପର୍କରେ ପୂର୍ବରୁ ବାରମ୍ବାର ଇନ୍ସପେକ୍ଟର ଅଫ ୱାର୍କ ଙ୍କୁ ଜଣାଇବା ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହୋଇ ନଥିବା ଜଣାଇଥିଲେ । କ୍ଷେତ୍ର ପରିଦର୍ଶନ ପରେ ରେଳ ବିଭାଗ ର ଜାଗା କୁ ସାଧାରଣ ଜନତାଙ୍କ ଜବରଦଖଲ ,ନିର୍ମାଣ କୁ ଦେଖି ଇନ୍ସପେକ୍ଟର ଅଫ ୱାର୍କ ଙ୍କ ଉପରେ ବିରକ୍ତି ଭାବ ପ୍ରକାଶ କରି ତାଙ୍କୁ ନିଜ କାର୍ଯ୍ୟ ରୁ ନିଲମ୍ବିତ କରାଯିବ ବୋଲି କହିଥିଲେ । ରେଳ ବିଭାଗ ଯାଗା ଗୁଡିକୁ ଅନେକ ଜବରଦଖଲ କାରୀ ମାନେ ଜବର ଦଖଲ କରିଥିବା ବେଳେ କିଛି ଜବରଦଖଲ ନିଜର ଜାଗା କହି ବିକ୍ରି କରିଦେଇଥିବା ରେଳ କର୍ମଚାରୀ ମାନେ ଦେଖି ଏ ବିଷୟ ରେ ତୁରନ୍ତ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୁତି ଦେଇଯାଇଛନ୍ତି । ରେଳ ବିଭାଗ ର ଏଭଳି ଅଚାନକ ପରିଦର୍ଶନ ଜବରଦଖଲ କାରୀ ଙ୍କ ମନରେ ଛନକା ପସେଇଦେଈଥିବା ବେଳେ ପ୍ରଧାନମନ୍ତ୍ରୀ ଆବାସ ଯୋଜନାରେ ଅର୍ଥ ପାଇଥିବା ହିତାଧିକାରୀଙ୍କ ବିତରେ ଭାଲେଣି ପଡ଼ିଯାଇଛି ।
