!!! ରାୟଗଡା ଜିଲ୍ଲା କୋଲନରା ରୁ ପ୍ରତିନିଧି ମୋନଜ ନାଲାଙ୍କ ରିପୋର୍ଟ !!!
ଏଥର ସମ୍ଭାଳ (କୋଲନରା) – ଛାତ୍ରଛାତ୍ରୀ ମାନଙ୍କୁ ବିଦ୍ୟାଳୟ ଶିକ୍ଷା ପ୍ରତି ଆକୃଷ୍ଟ କରିବା ତଥା ପୌଷ୍ଟିକ ଖାଦ୍ୟ ଯୋଗାଇଦେବାକୁ ସରକାର ବିଦ୍ୟାଳଗୁଡିକରେ ମଧ୍ୟାହ୍ନ ଭୋଜନ ବ୍ୟଵସ୍ଥା କରିଛନ୍ତି। ତେବେ ରାୟଗଡ଼ା ଜିଲ୍ଲା କୋଲନରା ବ୍ଲକ ରେ ସରକାରଙ୍କ ଏହି ଯୋଜନା ବାଟବଣା ହୋଇ ପଡ଼ିଛି। ଏହି ବ୍ଲକ୍ ଅନ୍ତର୍ଗତ ପିଣ୍ଡାପଦର୍ ସରକାରୀ ଉଚ୍ଚ ବିଦ୍ୟାଳୟରେ ଖୋଦ୍ ଭାରପ୍ରାପ୍ତ ପ୍ରଧାନଶିକ୍ଷୟତ୍ରୀ ପିଲାମାନଙ୍କୁ ଦିଆଯାଉଥିବା ମଧ୍ୟାହ୍ନ ଭୋଜନରେ ଚଞ୍ଚକତା କରୁଥିବା ଭଳି ଗୁରୁତର ଅଭିଯୋଗ ଆଣିଛନ୍ତି ସେହି ବିଦ୍ୟାଳୟ ର ମଧ୍ୟାହ୍ନ ଭୋଜନ ରୋଷେଇ ଦାୟିତ୍ଵ ରେ ଥିବା ପାଚିକା ଓ ସହାୟିକା। ପାଚିକା କୁନି ହିକକାଙ୍କ କହିବା ଅନୁଯାୟୀ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ଜ୍ୟୋତ୍ସ୍ନାରାଣୀ ମତ୍ତ। ପ୍ରତିଦିନ ଉପସ୍ଥିତ ପିଲାଙ୍କ ଆବଶ୍ୟକତା ଠାରୁ କମ୍ ପରିମାଣ ର ଚାଉଳ,ତେଲ ଓ ପନିପରିବା ରୋଷେଇ ପାଇଁ ଦେଉଛନ୍ତି। ଫଳରେ ଛାତ୍ରଛାତ୍ରୀ ମାନେ ଭଲରେ ଦୁଇମୁଠା ଖାଇବାକୁ ନପାଇ ଉପାସରେ ରହୁଛନ୍ତି। ପାଚିକା ମାନେ ପ୍ରଧାନ ଶିକ୍ଷୟତ୍ରୀଙ୍କୁ ଏହି ବିଷୟରେ ପଚାରିବାରୁ, ଓଲଟି ସେ ସେମାନଙ୍କୁ ଚାଉଳ ଚୋର, ଭାତ ଚୋର ବୋଲି ଅପବାଦ ଦେଇ ଗାଳିଗୁଲଜ କରିଥିବା ପାଚିକା ମାନେ ଅଭିଯୋଗ କରିଛନ୍ତି। ବିଦ୍ୟାଳୟରେ କାର୍ଯ୍ୟରତ ଶିକ୍ଷକ ଶିକ୍ଷୟତ୍ରୀ ମାନେ ମଧ୍ୟ ଏହି ଘଟଣାକୁ ସ୍ବୀକାର କରିଛନ୍ତି। ଖୋଦ୍ ବିଦ୍ୟାଳୟ ପରିଚାଳନା ସମିତି ସଭାପତି ଶ୍ରୀଯୁକ୍ତ ଅଭି କୁଲସିକା ଓ ୱାର୍ଡ ମେମ୍ବର ଶ୍ରୀଯୁକ୍ତ ଶଙ୍କର ଗାଣ୍ଟା ଙ୍କ ଉପସ୍ଥିତି ରେ ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ମତ୍ତ। ଶିକ୍ଷକଶିକ୍ଷୟତ୍ରୀ ମାନଙ୍କୁ ଛାତ୍ରଛାତ୍ରୀଙ୍କ ଉପସ୍ଥାନ ରେଜିଷ୍ଟର ରେ ପ୍ରକୃତ ଉପସ୍ଥାନ ଠାରୁ ଅଧିକ ଉପସ୍ଥାନ ଦେଖାଇ ଉପସ୍ଥାନ ପକେଇବାକୁ ଧମକ ଦେବା ଭଳି ଘଟଣା ପଦାକୁ ଆସିଛି।
ଏପରିକି ପ୍ରଧାନଶିକ୍ଷୟତ୍ରୀଙ୍କ ସ୍ଵାମୀ ଶ୍ରୀଯୁକ୍ତ ସରୋଜ କୁମାର ଆଚାର୍ଯ୍ୟ,ଯେ’କି ଜିଲ୍ଲା ମୁଖ୍ୟଚିକିତ୍ସାଳୟ, ରାୟଗଡ଼ା ର ରକ୍ତଭଣ୍ଡାରରେ କାର୍ଯ୍ୟ କରନ୍ତି, ପ୍ରତିଦିନ ବିଦ୍ୟାଳୟକୁ ଆସି ମଧ୍ୟାହ୍ନଭୋଜନ ରୋଷେଇ କାର୍ଯ୍ୟରେ ଦଖଲଅନ୍ଦାଜି କରିବା ସହ ପାଚିକାମାନଙ୍କ ସହ ଯୁକ୍ତିତର୍କ କରିବା ଭଳି ସଙ୍ଗୀନ ଅଭିଯୋଗ ଆସିଛି। ଗରିବ ଆଦିବାସୀ ହରିଜନ ଛାତ୍ରଛାତ୍ରୀ ମାନଙ୍କ ପେଟରୁ କାଟି ପ୍ରଧାନ ଶିକ୍ଷୟତ୍ରୀ ହେରଫେର କରୁଥିବା ସମୟରେ ପରିଚାଳନା ସମିତି ତଥା ବ୍ଲକ ସ୍ତରୀୟ ଅଧିକାରୀ ଙ୍କ ଭୂମିକା ନେଇ ଅଭିଭାବକ ମହଲରେ ପ୍ରଶ୍ନବାଚୀ ସୃଷ୍ଟି ହୋଇଛି। ଆଳୁ ଖୋଳୁଖୋଳୁ ମହାଦେବ ବାହାରିଲା ଭଳି ପ୍ରଧାନଶିକ୍ଷୟତ୍ରୀ ବିଦ୍ୟାଳୟ ପାଇଁ ଆସୁଥିବା ବିଭିନ୍ନ ସରକାରୀ ଅନୁଦାନ ବାଟମାରଣା କରୁଥିବା ଭଳି ବିଷୟ ପଦାକୁ ଆସିଛି। କେହି ପ୍ରତିବାଦ କଲେ ମୁଁ ମନ୍ତ୍ରୀ ଜଗନ୍ନାଥ ସାରକାଙ୍କ ପାଖଲୋକ, ମୋର କେହି କିଛି କରିପାରିବେନାହିଁ, ମୁଁ ତମ ସମସ୍ତଙ୍କ ନାମରେ କେସ କରିବି ବୋଲି ପ୍ରଧାନଶିକ୍ଷୟତ୍ରୀ ଧମକ ଦେଉଛନ୍ତି।ଜିଲ୍ଲା ଶିକ୍ଷା ଅଧିକାରୀଙ୍କୁ ଏହି ବିଷୟରେ ଏକ ସ୍ମାରକ ପ୍ରଦାନ ପୂର୍ବକ ଦୁର୍ନୀତିଗ୍ରସ୍ତ ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିବୁ ବୋଲି ଶିକ୍ଷକ ଶିକ୍ଷୟତ୍ରୀ ତଥା ପାଚିକା ମାନେ କହିଛନ୍ତି।
