କମ୍ପାନୀ ବନାମ ଜମି ଫେରସ୍ତ …!

!!! ରାୟଗଡା ରୁ ଜିଲ୍ଲା ପ୍ରତିନିଧି ବଳରାମ ମଲ୍ଲିକଙ୍କ ରିପୋର୍ଟ  !!!

ଏଥର ସମ୍ଭାଳ (ରାୟଗଡା) – ରାୟଗଡ଼ା ଜିଲ୍ଲାର କଂସାରିଗୁଡା ଠାରେ ଆଦିତ୍ୟ ଆଲୁମିନା ପକ୍ଷରୁ କମ୍ପାନୀ ନିର୍ମାଣ କରାଯିବ ବୋଲି ଏଠାର ବାସିନ୍ଦା ଙ୍କୁ ବିସ୍ଥାପିତ କରାଯାଇଥିଲା । ବିସ୍ଥାପିତ ହେବାର ଦୀର୍ଘ ୧୪ବର୍ଷ ବିତି ଯାଇ ଥିଲେବି ଆଜିଯାଏଁ ଏମାନଙ୍କୁ ସରକାରଙ୍କ ପକ୍ଷରୁ କୌଣସି ସୁବିଧା ଯୋଗାଇ ଦିଆଯାଇ ନଥିବା ଗ୍ରାମ ବାସୀ ଅଭିଯୋଗ କରିଛନ୍ତି ।  ଏଠାକାର ବାସିନ୍ଦା ପାଣି,ରାସ୍ତା,ପିଲାଙ୍କ ପାଠପଢା ରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏଣୁ ଏହି କଂସାରିଗୁଡା ୧୪୧ ଡି. ପି ପରିବାରର ସଦସ୍ୟ ମାନେ ରାୟଗଡ଼ା ଜିଲ୍ଲାପାଳ ଙ୍କ ନିକଟକୁ ଆସି ଏକ ଦାବିପତ୍ର ଦେଇଛନ୍ତି । ଏଥିରେ ସେମାନେ ୧୪ବର୍ଷ ହେବ ଏହା କାର୍ଯ୍ୟ କ୍ଷମ ହୋଇ ପାରୁ ନଥିବାରୁ ଆଗାମୀ ଦିନରେ ଏହାକାର୍ଯ୍ୟ କ୍ଷମ ହୋଇ ପାରିବ କି ନାହିଁ ସେ ଉପରେ ସନ୍ଦେହ ପ୍ରକାଶ କରି ସେମାନଙ୍କୁ ତାଙ୍କରି ଜାଗା ଫେରାଇ ଦେଇ ପୂର୍ବ ଭଳି ରହିବାର ସୁଯୋଗ ଦେବା ନିମନ୍ତେ ଅନୁରୋଧ କରିଛନ୍ତି ।