!!! ରାୟଗଡାରୁ ପ୍ରତିନିଧି ବଳରାମ ମଲ୍ଲିକଙ୍କ ରିପୋର୍ଟ !!!
ଏଥର ସମ୍ଭାଳ (ରାୟଗଡା)- ଜିଲ୍ଲା ସଡକ ସୁରକ୍ଷା କମିଟି ବୈଠକ ଜିଲ୍ଲା ପାଳ ରାୟଗଡ ସରୋଜ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା l ଜିଲ୍ଲାପାଳଙ୍କ କାର୍ଯ୍ୟଳୟ ଚିନ୍ତନ କକ୍ଷରେ ଅନୁଷ୍ଠିତ ବୈଠକରେ ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା, ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡ଼ାକ୍ତର ଲାଲମହନ ରାଉତରାୟ ଯୋଗଦାନ କରି ଦୈନିକ ସଡକ ଦୁର୍ଘଟଣାରେ ଅନେକ ଲୋକଙ୍କ ଧନ ଜୀବନ ହାନି ଘଟୁଥିବା ରୁ ସେହି ସମୟରେ କ୍ଷତ ବିକ୍ଷତ ମାନଙ୍କ ପାଖରେ ତତକ୍ଷଣାତ ପହଞ୍ଚି ସେମାନଙ୍କ ଜୀବନ ରକ୍ଷା କରିବା ଏବଂ ସଡ଼କ ଦୁର୍ଘଟଣା ହ୍ରାସ କରିବାଉପରେ ବୈଠକ ଆଲୋଚନା କରିଥିଲେ l ଏହି ବୈଠକରେ ଵିଶେଷ କରି ଜିଲ୍ଲାରେ ବହୁଳ ଭାବରେ ଘଟୁଥିବା ସଡକ ଦୁର୍ଘଟଣା ସ୍ଥାନ, କେଉଁ ସମୟରେ ଏବଂ କେଉଁ ମାସରେ ବିଶେଷ ଦୁର୍ଘଟଣା ଘଟୁଥିବା ଉପରେ ବିଗତ ଦୁବର୍ଷର ତଥ୍ୟ ଉପସ୍ଥାପନ କରି ତାହାର ନିରାକରଣ ଉପରେ ଆଲୋଚନା କରାଯାଇଥିଲା l ପୋଲିସ ବିଭାଗ ସୂତ୍ରରୁ ଜଣାପଡ଼ିଛି ଯେ ଗତ ୨୦୨୦ବର୍ଷରେ ୨୭୨ଟି ସଡ଼କ ଦୁର୍ଘଟଣା ଘଟିଥିବା ବେଳେ ୧୧୦ଜଣ ମୃତ୍ୟୁବରଣ କରିଥିଲେ l ସେହିପରି ୨୦୨୧ବର୍ଷରେ ୨୯୭ଟି ଦୁର୍ଘଟଣା ଘଟିଥିବା ବେଳେ ୧୩୩ଜଣ ମୃତ୍ୟୁବରଣ କରିଥିଲେ ଏବଂ ଚଳିତବର୍ଷ ୪ମାସ ଭିତରେ ୧୦୬ଟି ଦୁର୍ଘଟଣା ଘଟିଥିବା ବେଳେ ୪୭ଜଣ ମୃତ୍ୟୁବରଣ କରିଥିବା ଜଣାପଡ଼ିଛି l
ଜିଲ୍ଲାରେ ଏହିଭଳି ଦୁର୍ଘଟଣା ଜନିତ ଘଟଣା ଓ ମୃତକୁ ଦେଖି ବୈଠକରେ ଜିଲ୍ଲାପାଳ ଉଦବେଗ ପ୍ରକାଶ କରିଥିଲେ l ଜିଲ୍ଲା ପାଳ ରାୟଗଡ ଓ ଆରକ୍ଷୀ ଅଧିକ୍ଷକ ବୈଠକରେ ବିଭିନ୍ନ ବିଭାଗୀୟ ଅଧିକାରୀମାନଙ୍କ ସହିତ ଦୁର୍ଘଟଣା ପ୍ରବଣ ସ୍ଥାନଗୁଡ଼ିକ ଉପରେ ଆଲୋଚନା କରିଥିଲେ l ଜିଲ୍ଲାର ରାୟଗଡ, ଶେଷଖାଲ, ଚାନ୍ଦିଲ, ଆମ୍ବଦଳା ଅଂଚଳରେ ବିଶେଷ ଭାବରେ ଦୁର୍ଘଟଣା ଘଟିଥିବା ଜଣାପଡିଛି l ଏହି ଦୁର୍ଘଟଣା ଵିଶେଷ କରି ଡିସେମ୍ବର, ଜାନୁଆରୀ ,ଫେବ୍ରୁଆରୀ, ଜୁନ ଏବଂ ସେପ୍ଟେମ୍ବର ମାସରେ ଅଧିକାକାଂଶ ଭାବରେ ଘଟୁଛି l ଦୁର୍ଘଟଣା ପ୍ରାୟ ଆପରାହ୍ଣ ୩.୦୦ଘଟିକାରୁ ୯.୦୦ଘଟିକା ମଧ୍ୟରେ ଘଟୁଥିବା ତଥ୍ୟରୁ ଜଣାପଡିଛି l ଦୁର୍ଘଟଣା ଘଟିବାର ମୁଖ୍ୟ କାରଣ ଗୁଡ଼ିକର ଉପରେ ଆଲୋଚନା କରାଯାଇଥିଲା l ସଡକ ନିର୍ମାଣ ତୃଟିଗୁଡ଼ି ଶୀଘ୍ର ସୁଧୁରିବା ନିମନ୍ତେ ଜାତୀୟ ରାଜପଥ କର୍ତ୍ତୃପକ୍ଷ, ପୂର୍ତ୍ତି ବିଭାଗ,ଗ୍ରାମୀୟ ନିର୍ମାଣ ବିଭାଗକୁ ଜିଲ୍ଲାପାଳ ନିର୍ଦେଶ ଦେଇଛନ୍ତି l ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ଘଟୁଥିବା ସ୍ଥାନରେ ଗୁଡ଼ିକର ପୋଲିସ ବିଭାଗ ତରଫରୁ ଚିହ୍ନଟ କରାଯାଇଛି l ଏହି ସ୍ଥାନରେ ମାନଙ୍କରେ ଵିଶେଷ ଧ୍ୟାନ ଦେବାକୁ ଜିଲ୍ଲା ପାଳ କହିଥିଲେ l ଟିକିରି ଥାନା ଅନ୍ତର୍ଗତ କlଳିଆପଡ଼ା ଘlଟିରେ ବାରମ୍ବାର ଘଟୁଥିବାରୁ ସଡ଼କ ତ୍ରୁଟି ନିର୍ମାଣ ସୁଧାରିବା ନିମନ୍ତେ ଯଏଣ୍ଟ କମିଟି ମାଧ୍ୟମରେ ଅନୁଧ୍ୟାନ କରିବାକୁ ଜିଲ୍ଲାପାଳ ଶ୍ରୀ ମିଶ୍ର ନିର୍ଦ୍ଧେଶ ଦେଇଛନ୍ତି l ଜିଲ୍ଲାରେ ସଡକ ସୁରକ୍ଷା ନିୟମକୁ କଡ଼ାକଡ଼ି ଭାବେ ପାଳନ କରିବା ନିମନ୍ତେ ଵିଶେଷ କରି ହେଲମେଟ ବ୍ୟବହାର,ମଧ୍ୟପlନ କରି ଗାଡ଼ି ଚଳାଚଳ ଉପରେ ଯାଞ୍ଚ କରିବାକୁ ଜିଲ୍ଲାପାଳ କହିଥିଲେ l ସଡ଼କ ଦୁର୍ଘଟଣା ଜନିତ କ୍ଷେତବିକ୍ଷତ ଵ୍ୟକ୍ତି ମାନଙ୍କୁ ତୁରନ୍ତ ଚିକିତ୍ସା ନିମନ୍ତେ ହସ୍ପିଟାଲକୁ ନେଇ ଚିକିତ୍ସା କରିବାକୁ ଜନସାଧାରଣଙ୍କୁ ସଚେତନ କରିବାକୁ କହିଛନ୍ତି l ସେମାନଙ୍କୁ ପ୍ରଶଂସା ପତ୍ର ଓ ପୁରସ୍କାର ଦିଆଯିବ l ଉଦ୍ଧାରକାରୀଙ୍କୁ କୌଣସି ଥାନାକୁ ଡାକାଯିବ ନାହିଁ କି ସଖି କରାଯିବ ନାହିଁ ବୋଲି ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକ କହିଥିଲେ l ଏହି ବୈଠକରେ ସଡ଼କ ସୁରକ୍ଷା କମିଟିର ସଦସ୍ୟ ମାନେ, ଟ୍ରକମାଲିକ ସଂଘ,ବୁସମାଳିକ ସଂଘ, ବିଭିନ୍ନ ବିଭାଗୀୟ ଅଧିକାରୀ ମାନେ ଯୋଗଦନ କରିଥିଲେ l ଶେଷରେ ଆଞ୍ଚଳିକ ପରିବହନ ଅଧିକାରୀ,ରାୟଗଡ, ହେମେନ୍ଦ୍ର ନାଥ ନାୟକ ଧନ୍ୟବାଦ ଅର୍ପଣ କରିଥିଲେ ।