ପୌର ପରିଷଦ ର ଟିକଟ କଲେକ୍ଟର ଗିରଫ; ଅନ୍ୟଙ୍କ ପାଳି କେବେ ?

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ସୋସିଆଲ ମିଡିଆରେ ଘୁରି ବୁଲୁଥିବା ଏକ ଅଡିଟ ରିପୋର୍ଟର ତଥ୍ୟ ଅନୁଯାୟୀ ଗୁଣପୁର ପୋୖର ପରିଷଦ ର କୋଷାଧ୍ୟକ୍ଷ ମାଲିକେଶ୍ୱର ରାଓ ଭତ୍ତା ଟଙ୍କା ହଡପ କରିଥିବା ଘଟଣା ନେଇ ବିଭିନ୍ନ ଖବର କାଗଜରେ ଖବର ପ୍ରକାଶ ହେବାପରେ ରାୟଗଡା ଦୁର୍ନୀତି ନିବାରଣ ବିଭାଗ ପକ୍ଷରୁ ପୋୖର ପରିଷଦ ର ନଥିପତ୍ର ଯାଞ୍ଚ କରାଯାଇ ମାଲିକେଶ୍ୱର ଉଠିଥିବା ଭତ୍ତା ବାବଦ ଟଙ୍କାରୁ ୨୫ ଲକ୍ଷ ୨୦ ହଜାର ୨ଶହଟଙ୍କା ଆତ୍ମସାତ କରିଥିବା ଅଭିଯୋଗରେ ଗିରଫ କରାଯାଇଥିବା ଖବର ମିଳିଛି ।ଗିରଫ କରିଏହାଙ୍କୁ ଜୟପୁର ଭଜିଲାନ୍ସ କୋର୍ଟ ରେ ହାଜର କରାଯିବା ପରେ ଜାମିନ ନାମଞ୍ଜୁର ହେବାରୁ ଜେଲକୁ ପଠାଯାଇଥିବା ଜଣାପଡିଛି । ଏହି ଗିରିଫଦାରୀକୁ ନେଇ ସାଧାରଣରେ ଅନେକ ପ୍ରଶ୍ନ ଉଠିଛି । କେବଳ ଏହାନୁହଁ ଏଭଳି ପରିଷଦର ଉନ୍ନତି ନାମରେ ବିଭିନ୍ନ ପାଣ୍ଠିରୁ ଖର୍ଚ୍ଚ ଜରା ଯାଇଥିବା ଅର୍ଥ ବାଟମାରଣା ହୋଇଥିବା ଏବଂ ଏଥୁରେ ଅନେକ ସମ୍ପୃକ୍ତ ଥିବା ଖବର ପ୍ରକାଶ ପାଇବା ପରେବି କୌଣସି ଜର୍ଯ୍ୟାନୁଷ୍ଠାନ ହୋଇନଥିବା ଏବଂ ଏତତ୍ ସମ୍ପର୍କିତ ଅଡିଟ ରିପୋର୍ଟକୁ ଲୁଚାଇ ରଖିଥିବା ବେଳେ ଏହି ଅଡିଟ ହେବାର ଦୀର୍ଘ ଦିନପରେ ଅଫିସ ଫାଇଲ ରୁ ରିପୋର୍ଟ ଗଣ ମାଧ୍ୟମକୁ ଆଣିଲା କିଏ ? ତତ୍କାଳୀନ ସମୟରେ ମାଟ୍ରିକ ଫେଲ କରିଥିବା କୁହାଯାଉଥିବା ଟିକଟ କଲେକ୍ଟର ଙ୍କୁ କୋଷାଧ୍ୟକ୍ଷ ଭାବେ ଦାୟୀତ୍ୱ ହସ୍ତାନ୍ତର କରିବା ନିମନ୍ତେ କିଏ ଫାଇଲ ଉପସ୍ଥାପନା କରିଥିଲେ ଏବଂ ଏହାକୁ କେଉଁ ଅଧିକାରୀ ଏହାକୁ ଏପ୍ରୁଭ କରିଥିଲେ ? ବିନା ସାକ୍ଷାତକାରରେ କେମିତି କିଏ କର୍ମଚାରୀଙ୍କୁ ନିଯୁକ୍ତି ଦେଇଛନ୍ତି ? ଏଥିରୁ ସେ କେତେ ଟଙ୍କା ହାତ ଗୁଞ୍ଜ। ପାଇଛନ୍ତି ? ଏଗୁଡିକ ର ତଦନ୍ତ କେବେ ହେବ ? ଏହି ଅଭିଯୋଗ ଗୁଡିକରେ ସଂଶ୍ଲିଷ୍ଟ ବ୍ୟକ୍ତି ଙ୍କୁ କେବେ ଗିରଫ ଜରାଯାଇ କୋର୍ଟ ଚାଲାଣ କରାଯିବ ବୋଲି ରାୟଗଡା ଜିଲ୍ଲା ଦୁର୍ନୀତି ସଂଘର୍ଷ ଅଭିଯାନ ଶାଖାର ଆଇନ ଉପଦେଷ୍ଟା ପ୍ରଦୀପ ଦାଶ ପ୍ରଶ୍ନ କରିଛନ୍ତି । ଏସବୁ ଗୁଡିକର ଯାଞ୍ଚ କରାଗଲେ ପୋୖର ପରିଷଦରେ ହୋଇଥିବା ଦୁର୍ନୀତି ଉପରୁ ପରଦା ଉଠିବ ବୋଲି ସାଧାରଣ ରେ ଆଶା ସଞ୍ଚାର ପାଇଛି ।