ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – ମାନବ ଜୀବନ ରେ ମୂଲ୍ୟବୋଧ ର ଅବକ୍ଷୟ କୁ ରୋକିବା ନିମନ୍ତେ ଛାତ୍ର ଛାତ୍ରୀ ମାନଙ୍କୁ ନୀତିଶାସ୍ତ୍ର ଓ ମୂଲ୍ୟବୋଧ ର ଶିକ୍ଷା ପ୍ରଦାନ କରାଯିବା ଜରୁରୀ ବୋଲି ସୂଚାଇ ଏହାକୁ ବିଦ୍ୟାର୍ଥୀ ଙ୍କ ଶିଲାବସ୍ ରେ ଯୋଗ କରିବା ନିମନ୍ତେ ଏକ ଡ୍ରାଫ୍ଟ ଶିଲାବସ୍ ସହ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଓଡିଶା ଦୁର୍ନୀତି ସଂଘର୍ଷ ମଞ୍ଚ ପକ୍ଷରୁ ପ୍ରସ୍ତାବ ଦେଇ ଅନୁରୋଧ କରାଯାଇଥିଲା । ମଞ୍ଚ ପକ୍ଷରୁ ଦୀର୍ଘ ବର୍ଷ ର ସଂଘର୍ଷ ପରେ ବର୍ତ୍ତମାନ ଓଡିଶା ରାଜ୍ୟ ପାଠ୍ୟ ପୁସ୍ତକ ପ୍ରସ୍ତୁତି ଓ ଉତ୍ପାଦ ବ୍ୟୁରୋ ର ବୋର୍ଡ଼ ରୁମ୍ ରେ ଓଡିଶା ରାଜ୍ୟ ଉଚ୍ଚ ଶିକ୍ଷା ପରିଷଦ ଦ୍ୱାରା ” ନୀତିଶାସ୍ତ୍ର ଓ ମୂଲ୍ୟବୋଧ ” ଶିକ୍ଷା ପାଠ୍ୟ ଖସଡ଼ା ର ପ୍ରଥମ ଭାଗ ମାନ୍ୟବର ଉଚ୍ଚ ଶିକ୍ଷା ମନ୍ତ୍ରୀ ଡ଼ା ଅରୁଣ ସାହୁ ଉନ୍ମୋଚନ କରିଛନ୍ତି । ବହୁ ବର୍ଷ ପରେ ମଧ୍ୟ ରାଜ୍ୟ ସରକାର ମଞ୍ଚ ପକ୍ଷରୁ ଦିଆଯାଇଥିବା ପ୍ରସ୍ତାବ କୁ ଗ୍ରହଣ କରି କାର୍ଯ୍ୟକାରୀ କରିଥିବା ହେତୁ ମଞ୍ଚ ର ରାଜ୍ୟ ସମ୍ପାଦକ ତଥା ପ୍ରାକ୍ତନ ଆଇ ଏ ଏସ୍ ଅଫିସର ଶ୍ରୀ ଜଗବନ୍ଧୁ ଷଡ଼ଙ୍ଗୀ ମାନ୍ୟବର ମୁଖ୍ୟମନ୍ତ୍ରୀ ଏବଂ ଉଚ୍ଚ ମନ୍ତ୍ରୀ ଙ୍କୁ ଅଭିନନ୍ଦନ ଜଣାଇଛନ୍ତି । ଛାତ୍ର ଛାତ୍ରୀ ଙ୍କ ଠାରେ ସକରାତ୍ମକ ଚରିତ୍ର , ସହାନୁଭୂତି ଶୀଳ ମଣିଷ ପଣିଆ , ଦାୟିତ୍ୱ ପୂର୍ଣ୍ଣ ନାଗରିକ ବୋଧ ଓ ଅନୁକମ୍ପା ର ବିକାଶ କରାଇବା ଉଦ୍ଦେଶ୍ୟ ରେ ଓଡିଶା ରାଜ୍ୟ ଉଚ୍ଚ ଶିକ୍ଷା ପରିଷଦ ଅନୁକୂଲ୍ୟ ରେ ବିଦ୍ୟାର୍ଥୀ ଙ୍କ ନିମନ୍ତେ ଏହି ପାଠ୍ୟ ଖସଡ଼ା ଲାଗୁ କରାଯାଇଥିବା ଜଣା ପଡ଼ିଛି । ବ୍ୟକ୍ତି ବିଶେଷ , ଗୋଷ୍ଠି ତଥା ସମଗ୍ର ମାନବ ଜାତି ନିମନ୍ତେ ଏକ ପୋଷଣୀୟ ଜୀବନ ଧାରା କୁ ପ୍ରୋଚ୍ଛାୟିତ କରିବା ଲକ୍ଷ ନେଇ ଏହାର ସମ୍ପୂର୍ଣ୍ଣ ଶିଲାବସ୍ କୁ ୬ ଟି ୟୁନିଟ ରେ ବିଭକ୍ତ କରାଯାଇଛି ଏବଂ ଯୁକ୍ତ ତିନି ସ୍ଥର ର ସମସ୍ତ ବିଜ୍ଞାନ , କଳା ଓ ବାଣିଜ୍ୟ ପାଠ୍ୟ କ୍ରମ ର ୬ ଟି ସେମିଷ୍ଟାର ରେ ଗୋଟିଏ ଲେଖାଏଁ ୟୁନିଟ ସାମିଲ କରାଯାଇଛି । ପ୍ରତ୍ୟେକ ୟୁନିଟ ୨୫ ମାର୍କ ବିଶିଷ୍ଟ ହେବ ଏବଂ ଏହାକୁ ପଢ଼ା ଯିବା ପାଇଁ ୧୫ ଗୋଟି ପିରିୟଡ଼ ରହିବା ପାଈଁ ସ୍ଥିର କରାଯାଇଛି । ଏହି ଉନ୍ମୋଚନ ଉତ୍ସବ ରେ ସମ୍ମାନିତ ଅତିଥି ଭାବେ ଉଚ୍ଚ ଶିକ୍ଷା ପରିଷଦ ର ସଚିବ ଶାଶ୍ୱତ ମିଶ୍ର ଯୋଗଦେଇ ବିଦ୍ୟାର୍ଥୀ ମାନେ ଏହି ପାଠ୍ୟ ଖସଡ଼ା ର ବହି ନକିଣି ମଧ୍ୟ ୱେବ ସାଇଟ ରୁ ଡ଼ାଉନଲୋଡ଼ କରିପାରିବେ ବୋଲି କହିଛନ୍ତି । ଅନ୍ୟ ତମ ଅତିଥି ଭାବେ ଉଚ୍ଚ ଶିକ୍ଷା ପରିଷଦ ର ଉପାଧକ୍ଷ ପ୍ରଫେସର ଅଶୋକ କୁମାର ଦାସ ଯୋଗଦେଇ ଏହି ବିଷୟ ବସ୍ତୁ କୁ ମହାବିଦ୍ୟାଳୟ ରେ କାର୍ଯ୍ୟରତ ସମାଜ ତତ୍ୱ , ରାଜନୀତି ବିଜ୍ଞାନ ଓ ଇତିହାସ ଅଧ୍ୟାପକ ମାନେ ପଢ଼ାଇ ପାରିବେ ବୋଲି ମତବ୍ୟକ୍ତ କରିଛନ୍ତି । ଏହି ପାଠ୍ୟ କ୍ରମ କୁ ମହାବିଦ୍ୟାଳୟ ସମେତ ପ୍ରାଥମିକ ବିଦ୍ୟାଳୟରେ ମଧ୍ୟ ଲାଗୁ କରାଇବା ନିମନ୍ତେ ଓଡିଶା ଦୁର୍ନୀତି ସଂଘର୍ଷ ମଞ୍ଚ ପକ୍ଷରୁ ଦାବୀ କରାଯାଇଥିବା ବେଳେ ଆଦିବାସୀ ଅଧୁସିତ ଅଞ୍ଚଳ ବିଦ୍ୟାଳୟ ଗୁଡିକ ର ଅଧ୍ୟୟନ ରତ ବିଦ୍ୟାର୍ଥୀ ମାନେ ଅନେକ ଜ୍ଞାନ ଆରୋହଣ କରିପାରିବେ ବୋଲି ରାୟଗଡା ଜିଲ୍ଲା ଶାଖା ର ଆବାହକ ଶକ୍ତି ପ୍ରଦ ଦାଶ ଆଶା ପ୍ରକଟ କରିଛନ୍ତି ।
