!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଜୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ(ଗୁଣପୁର)- ଗୁଣପୁର ସହରର ଏକ ମାତ୍ର ମହିଳା ମହାବିଦ୍ୟାଳୟ ର କୋଠା ଭୁଶୁଡି ପଡିବା ଅବସ୍ଥାରେ । ଅନେକ ଦକ୍ଷ ରାଜନେତା ଓ ଅଧିକାରୀ ମାନେ ଏହି ବିଷୟରେ ଜାଣି ମଧ୍ୟ ଅଜଣା ଭଳି ରହୁଥିବା ଅଭିଯୋଗ । ୧୯୯୪ ମସିହାରେ ଗୁଣପୁର ସହରରେ ମହିଳା ମହାବିଦ୍ୟାଳୟ ର ଆବଶ୍ୟକ ତା କୁ ଅନୁଭବ କରି ଗୁଣପୁର ର ଅନେକ ବଦାନ୍ୟ ବ୍ୟକ୍ତି ଓ ସମାଜସେବୀ ମାନେ ପ୍ରୟାସ କରି ମହିଳା ମହାବିଦ୍ୟାଳୟ ଗଢ଼ି ତୋଳିଥିଲେ । ଗୁଣପୁର ର ବରିଷ୍ଠ ଆଇନଜୀବୀ ଶ୍ରୀ ଉମା ଚରଣ ପଟନାୟକ ଙ୍କ ଭାଉଜ ସ୍ଵର୍ଗତ ଜି.ଥ।ୟ।ର।ମା ଙ୍କ ସ୍ମୃତି ରେ ମହାବିଦ୍ୟାଳୟ କରିବା ନିମନ୍ତେ ସେ ଟଙ୍କା ଦେଇ ମହିଳା ମହାବିଦ୍ୟାଳୟ କରିବା ନିମନ୍ତେ ପ୍ରୟାସ କରିଥିଲେ । ତତ୍କାଳୀନ ପରିଚାଳନା କମିଟିର ସଦସ୍ୟ ମାନେ ଏହି ମହାବିଦ୍ୟାଳୟ କୁ ପୁରୁଣା ତହସିଲ ପରିସରରେ ଚାଲୁ କରିଥିଲେ । ପରବର୍ତ୍ତୀ ସମୟ ରେ ବିଧାୟକ ଙ୍କ ଅନୁଦାନ ରେ ପର୍ଯ୍ୟାୟ କ୍ରମ ରେ ନୂତନ କୋଠା ନିର୍ମାଣ କରାଯାଇ ମହାବିଦ୍ୟାଳୟ ନଅ ଗୋଟି ଶ୍ରେଣୀ କକ୍ଷ ରେ କାର୍ଯ୍ୟ ଚାଲୁ ରହିଲା । ଏହି ଥ।ୟ।ର।ମା ମହିଳା ମହାବିଦ୍ୟାଳୟ ନିମନ୍ତେ ବର୍ତ୍ତମାନ କାର୍ଯ୍ୟକାରୀ ହେଉଥିବା ସ୍ଥାନରେ ମୋଟ ୪ ଏକର ୫୦ ସେଣ୍ଟ ଜାଗା ସରକାରୀ ନିୟମ ପ୍ରକାରେ ପଞ୍ଜିକୃତ ହୋଇ ରହିଛି , ଯେଉଁ ଜାଗାରେ ମହାବିଦ୍ୟାଳୟ ର ଆବଶ୍ୟକ ଭିତ୍ତିଭୂମି ସହ ଖେଳ ପଡିଆ ଇତ୍ୟାଦି ନିମନ୍ତେ ଯୋଜନା ରହିଥିଲା । କିନ୍ତୁ ସରକାର ଙ୍କ ନିର୍ଦ୍ଦେଶ ପରେ ଯୁକ୍ତ ଦୁଇ ଓ ଯୁକ୍ତ ତିନି ବିଭାଗ କୁ ଅଲଗା କରାଯାଇ ମୋଟ ୯ ଗୋଟି ଶ୍ରେଣୀ କକ୍ଷ କୁ ଦୁଇ ଭାଗରେ ବାଣ୍ଟି ଯୁକ୍ତ ୨ ନିମନ୍ତେ ରହିଲା ମାତ୍ର ୩ ଗୋଟି କକ୍ଷ । ଅନ୍ୟପକ୍ଷରେ ଖେଳ ପଡିଆ ଇତ୍ୟାଦି ମଧ୍ୟ ଯୋଜନା ବିହୀନ ଭାବେ ଦୁଇ ବିଭାଗ ଯୁକ୍ତ ୨ ଓ ଯୁକ୍ତ ୩ ନିମନ୍ତେ ସମବେତ ଭାବେ ଛଡା ଯାଇଛି । ଏହି ଯୁକ୍ତ ୨ ମହିଳା ମହାବିଦ୍ୟାଳୟ ନିମନ୍ତେ ପରିଶେଷରେ ମିଳିଥିବା ୩ ଗୋଟି ଶ୍ରେଣୀ କକ୍ଷ ନିଅଣ୍ଟିଆ ହୋଇଥିଲେ ମଧ୍ୟ ଶ୍ରେଣୀ ଚାଲୁ ରହିଥିଲା । ପରବର୍ତ୍ତୀ ମୁହୂର୍ତ୍ତରେ ତତ୍କାଳୀନ ବିଧାୟକ ଶ୍ରୀ ତ୍ରିନାଥ ଗମାଙ୍ଗ ପରିସ୍ଥିତି କୁ ଅନୁଭବ କରି ଅନୁଦାନ ଦେଇଥିବା ପରେ ସେହି ଅନୁଦାନ ରେ ନିର୍ମିତ କକ୍ଷ ଗୁଡ଼ିକ ରେ ଲାଇବ୍ରେରୀ ଓ କମନ ରୁମ କରାଯାଇଥିଲା । ବର୍ତ୍ତମାନ ଉକ୍ତ ଲାଇବ୍ରେରୀ କୋଠା ଓ ଶ୍ରେଣୀ କୋଠ। ଗୁଡିକ ସମ୍ପୂର୍ଣ୍ଣ ଜରାଜୀର୍ଣ୍ଣ । ଲାଇବ୍ରେରୀ ଓ କମନ ରୁମ ଗୁଡ଼ିକ ଉପରୁ ମାଟି ଝଡି ମୂଷା ଓ ସାପ ଙ୍କ ଆଶ୍ରୟ ସ୍ଥଳୀ ପାଲଟିଛି । ବଳକା ରହିଥିବା ୩ ଗୋଟି ଶ୍ରେଣୀ କକ୍ଷ ରେ ବର୍ତ୍ତମାନ ୪୨୦ ବିଦ୍ୟାର୍ଥୀ ଶିକ୍ଷା ଗ୍ରହଣ କରୁଛନ୍ତି । ଆବଶ୍ୟକ କୋଠା ଅଭାବ କାରଣରୁ ଦୁଇ ଗୋଟି ସିଫ୍ଟ ରେ ଶିକ୍ଷା ଦାନ କରାଯାଉଛି ।
ବହୁ ଦିନ ପୂର୍ବରୁ ଏନ॰ଏ॰ସି ଦ୍ୱାରା ନିର୍ମିତ ଏକ କକ୍ଷ ରେ ଗୁଂଜା ଗୁଂଜି ହୋଇ ବହୁ କଷ୍ଟରେ ମହାବିଦ୍ୟାଳୟ ର ପ୍ରିନ୍ସିପାଲ ଓ ମହାବିଦ୍ୟାଳୟ ର କାର୍ଯ୍ୟ।ଳୟ ଚାଲୁଛି । ଏହି ଭଳି ଅବ୍ୟବସ୍ଥା ଓ ବିପଦ ସଙ୍କୁଳ କୋଠା ମାନଙ୍କ ରେ ଶ୍ରେଣୀ ଗୃହ ତଥା ମହାବିଦ୍ୟାଳୟ ଚାଲୁଥିବା ବେଳେ ଆବଶ୍ୟକ ଖେଳ ପଡିଆ, ଶିକ୍ଷାର୍ଥୀ ମାନଙ୍କ ନିମନ୍ତେ କମନ ରୁମ ମନୋରଞ୍ଜନ କେନ୍ଦ୍ର, ଲାଇବ୍ରେରୀ କକ୍ଷ, ବ୍ୟକ୍ତିଗତ ଶିକ୍ଷା ସାଧନ କେନ୍ଦ୍ର, କମ୍ପୁଟର ଲ୍ୟାବ ଏହି ମହାବିଦ୍ୟାଳୟ ପଢ଼ୁଥିବା ଶିକ୍ଷାର୍ଥୀ ଓ ଅଧ୍ୟ।ପିକା ମାନଙ୍କ ନିମନ୍ତେ ସାତ ସ୍ୱପ୍ନ ପାଲଟିଛି । ସହର ର ମଧ୍ୟଭାଗରେ ରହି ମଧ୍ୟ ଏହି ଏକ ମାତ୍ର ମହିଳା ମହାବିଦ୍ୟାଳୟ ଗ୍ରାମାଞ୍ଚଳରେ ଥିବା ପ୍ରାଥମିକ ବିଦ୍ୟାଳୟ ଭଳି ଦୁରାଵସ୍ଥା ରେ ଗତି କରୁଛି । ସବୁଠାରୁ ବଡ଼ ଆଶ୍ଚର୍ଯ୍ୟ ର କଥା ହେଉଛି ସରକାର ଙ୍କ ନିର୍ଦ୍ଦେଶ ପରେ ସମସ୍ତ ମହାବିଦ୍ୟାଳୟ ମାନଙ୍କ ରେ ପ୍ରଥମେ ବିଧାୟକ ଓ ପରେ ସ୍ଥାନୀୟ ଉପ ଜିଲ୍ଲାପାଳ ପରିଚାଳନା କମିଟିର ଅଧ୍ୟକ୍ଷ ହୋଇଥିଲେ ମଧ୍ୟ କୌଣସି ଅଧିକାରୀ ମହାବିଦ୍ୟାଳୟ ର ଭିତ୍ତିଭୂମି ଅନୁଧ୍ୟାନ କରିବାକୁ ଆସି ନଥିବା ପରିତାପର ବିଷୟ । ଘରୋଇ ଶିକ୍ଷା ଅନୁଷ୍ଠାନ ଗୁଡିକୁ ଆବଶ୍ୟକ ଭିତ୍ତିଭୂମି ନିମନ୍ତେ ସରକାର ବାଧ୍ୟ କରୁଥିବା ବେଳେ ମହିଳା ମହାବିଦ୍ୟାଳୟ ର ଏହିଭଳି ପରିସ୍ଥିତି ରେ ଶିକ୍ଷ।ର୍ଥୀ ମାନେ କେଉଁ ଭଳି ଶିକ୍ଷା ଗ୍ରହଣ କରିବେ ତାହା ସାଧାରଣ ରେ ପ୍ରଶ୍ନବାଚୀ ସୃଷ୍ଟି କରିଛି । ମହାବିଦ୍ୟାଳୟ ର ଏହି ଦୁରାଵସ୍ଥା ନେଇ ରାୟଗଡ଼ା ଜିଲ୍ଲା ବିକାଶ ପରିଷଦ ସରକାର ଓ ଅଧିକାରୀ ଙ୍କ ଦୃଷ୍ଟି ଆକର୍ଷଣ ନିମନ୍ତେ ଅନୁରୋଧ କରିଥିବା ବେଳେ ଗୁଣପୁର ର ଏକ ମାତ୍ର ମହିଳା ମହାବିଦ୍ୟାଳୟ ପ୍ରତି ସରକାରଙ୍କ ଉଦାସୀନତା ମନୋଭାବ କୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଦୃଢ ନିନ୍ଦା କରିଛି ।
