ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଗୁଣପୁର ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ର କୁ ଉପଖଣ୍ଡର ମାନ୍ୟତା ପାଇବା ପରଠାରୁ ଏଯାବତ ଏହା ଚକାଚକ ହୋଇଥିବା ଦେଖା ଯାଇନଥିବା ବେଳେ ସ୍ଥାନୀୟ କିଛି ଚାଟୁକାର ଙ୍କୁ ଧରି କେବଳ କାଗଜ କଲମରେ ସବୁକିଛି କରିସାରୁଥିବା ହସ୍ପିଟାଲ କର୍ତ୍ତୃପକ୍ଷ ଏହାର ଚକାଚକ କରିବା ତତ୍ପରତା କୁ ଦେଖି ଏଠାରେ ଭର୍ତ୍ତି ଥିବା ରୋଗୀ ଓ ଜନସାଧାରଣ ଏହାକୁ ସହଜେ ଗ୍ରହଣ କରିପାରିନଥିଲେ । ପରନ୍ତୁ କିଛି ଘଣ୍ଟା ପରେ ଯେତେବେଳେ ଜଣାଗଲା ଏଠାକୁ ସମୀକ୍ଷା ନିମନ୍ତେ କେନ୍ଦ୍ରୀୟ ଟିମ ଆସୁ ଥିବାରୁ ଏ ଭଳି ଚକାଚକ କରାଯାଇଛି ପରେ ସାଧାରଣରେ ଆଶ୍ଵସ୍ତି ଆସିଛି ।ଏହାକୁ ନେଇ କିଛି ବ୍ୟକ୍ତି କଟାକ୍ଷ କରି କହିଛନ୍ତି, ପୁଣି କେବେ ଆସିବେ କେନ୍ଦ୍ରୀୟ ଟିମ ।
ଗୁଣପୁର ଉପଖଣ୍ଡରୁ ବିଜୁ କଲ୍ୟାଣ ସ୍ୱାସ୍ଥ୍ୟ ଯୋଜନାକୁ ଜଣେ ନେତା ମନୋନୀତ ହୋଇଥିଲେ ମଧ୍ୟ ସେ କେବେବି ଏହି ଚିକିତ୍ସାଳୟ ପ୍ରତି ଦୃଷ୍ଟି ଦେଇ ନଥିବା ଅଭିଯୋଗ ହୋଇ ଆସୁଥିବା ବେଳେ କେନ୍ଦ୍ରୀୟ ଟିମ ଗସ୍ତ ସାଧାରଣ କୁ ଉତ୍ସାହିତ କରିଛି । କେନ୍ଦ୍ର ମାତୃ ମଙ୍ଗଳ ମନ୍ତ୍ରାଳୟର କେନ୍ଦ୍ରୀୟ ତିମ୍ବ ଡ଼ଃ ,ପଦ୍ମିନୀ କାଶ୍ୟପଙ୍କ ନେତୃତ୍ୱରେ ଗୁଣପୁର ଠାରେ ପହଞ୍ଚି ସମୀକ୍ଷା କରି ଫେରିଛନ୍ତି । କେନ୍ଦ୍ରୀୟ ଟିମକୁ ଏଠାର ସମସ୍ତ ସମସ୍ୟା ସମ୍ପର୍କରେ ଅବଗତ କରାଯାଇଛି । ଟିମ ଏଠାରୁ ଯିବାପରେ ରାଜ୍ୟ ସରକାରଙ୍କ ସହ ଆଲୋଚନା କରି ସମସ୍ୟାର ସମାଧାନ କରିବେ ବୋଲି ପ୍ରତିଶୃତି ମଧ୍ୟ ଦେଇଛନ୍ତି । ଦେଖିବାଜୁ ରହିଲା ଏଠାର ଜନତା କେଉଁ ସ୍ୱାଦର ଦିଲ୍ଲୀକାଲଡୁ ପାଉଛନ୍ତି ।