!!! ଗଞ୍ଜାମ ଜିଲ୍ଲା ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ(ବ୍ରହ୍ମପୁର)- ଜଳ ଯୋଗାଣ ଭଳି ଅତ୍ୟାବଶ୍ୟକ ସେବା ସଂସ୍ଥା ରେ କାର୍ଯ୍ୟରତ କର୍ମଚାରୀ ମାନଙ୍କ ବିଭିନ୍ନ ସମସ୍ୟା ଦୀର୍ଘ ବର୍ଷ ଧରି ସମାଧାନ ହେଉନଥିବାରୁ ଏବଂ ଏହାର ସମାଧାନ ପାଇଁ ଓଡ଼ିଶା ପାଇପ୍ ଜଳ କର୍ମଚାରୀ ସଂଘ ତରଫରୁ ବିଭାଗୀୟ କର୍ତ୍ତୃପକ୍ଷଙ୍କୁ ବାରମ୍ବାର ଅନୁରୋଧ କରି ପତ୍ର ପ୍ରଦାନ କରାଯାଇଥିଲେ ମଧ୍ୟ କର୍ତ୍ତୃପକ୍ଷ ବିଶେଷ କରି ଭଞ୍ଜନଗର ବିଭାଗୀୟ ଅଧିକ୍ଷଣ ଯନ୍ତ୍ରୀ ସଂଘର ଦାବି ପ୍ରତି ଅଣଦେଖା କରୁଥିବାରୁ ସଂଘ ତରଫରୁ ଧାରଣା ଓ ସ୍ମାରକପତ୍ର ପ୍ରଦାନ କାର୍ଯ୍ୟକ୍ରମ ଆଜି ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ରେ ଖଣ୍ଡ ସମ୍ପାଦକ ସୁରେନ୍ଦ୍ରନାଥ ରାଉତ ଙ୍କ ଅଧ୍ୟକ୍ଷତା କରିଥିବାବେଳେ ସଂଘର ରାଜ୍ୟ ଉପସଭାପତି ରବି କୁମାର ପାଣିଗ୍ରାହୀ, ରାଜ୍ୟ ଯୁଗ୍ମ ସମ୍ପାଦକ ଦୁର୍ଗା ପ୍ରସାଦ ଦାସ, ରାଜ୍ୟ ସଂଗଠନ ସଭାପତି ସୀମାଞ୍ଚଳ ପଣ୍ଡା, ଭଞ୍ଜନଗର ଓକିଲ ସଂଘ ସଭାପତି ସନ୍ତୋଷ କୁମାର ନାୟକ, ସମ୍ପାଦକ ଜ୍ଞାନେନ୍ଦ୍ର କୁମାର ନାୟକ ଏବଂ ରାଜ୍ୟକାର୍ଯ୍ୟାଳୟ ସମ୍ପାଦକ ଦୀନବନ୍ଧୁ ଶ୍ରୀପଲ୍ଲବ ପ୍ରମୁଖ କର୍ତ୍ତୃପକ୍ଷ ଙ୍କ ଅବହେଳାର ଦୃଢ଼ ପ୍ରତିବାଦ କରି ତୀବ୍ର ସମାଲୋଚନା କରିଥିଲେ ।
ସଂଘ ର ପ୍ରଦତ୍ତ ୧୨ ଦଫା ଦାବି ଆଶୁ ସମାଧାନ ନହେଲେ ଆଗାମୀ ଦିନରେ ଆନ୍ଦୋଳନାତ୍ମକ ପଦକ୍ଷେପ ଗ୍ରହଣ କରିବା ପାଇଁ ସଂଘ ବାଧ୍ୟ ହେବ ଏବଂ ଆଗାମୀ ଦିନରେ ଆନ୍ଦୋଳନ ବ୍ୟାପକ କରାଯିବ ବୋଲି ଉପସ୍ଥିତ କର୍ମକର୍ତ୍ତାମାନେ ପ୍ରକାଶ କରିଛନ୍ତି । ଆବଶ୍ୟକ ସ୍ଥଳେ ଆସନ୍ତା ୨୦ରିଖ ଠାରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ଦିଆଯିବ ଏବଂ କାର୍ଯ୍ୟବନ୍ଦ ଆନ୍ଦୋଳନ ଭଳି ଦୃଢ଼ ପଦକ୍ଷେପ ଗ୍ରହଣ କରିବାକୁ ସଂଘ ବାଧ୍ୟ ହେବବୋଲି ଦୃଢ଼ ଚେତାବନୀ ଦେଇଛନ୍ତି । ଏହି ଧାରଣା କାର୍ଯ୍ୟକ୍ରମ ରେ ଭଞ୍ଜନଗର ଶାଖା ସମ୍ପାଦକ କାକସ୍ଥ ସାହୁ, ଆସ୍କ ସମ୍ପାଦକ ଜହଲାଲ ମୁନି, ପୋଲସରା ଶାଖା ସମ୍ପାଦକ ମନୋରଞ୍ଜନ ଖାଡଙ୍ଗା, ଯୁଗ୍ମ ସମ୍ପାଦକ ଦାଶରଥି ଦାସଙ୍କ ସମେତ ସଂଘ ର ଫୁଲବାଣୀ ଜିଲ୍ଲା ପ୍ରତିନିଧି ଅମୂଲ୍ୟ କୃଷ୍ଣ ସାହୁ,ଶାଖା ସମ୍ପାଦକ ସୀମାଞ୍ଚଳ ଗୌଡ, ବୌଦ୍ଧ ଜିଲ୍ଲା ପ୍ରତିନିଧି ସନ୍ତୋଷ କୁମାର ଗୌଡ଼, ଏବଂ ଦେବୀ ପ୍ରସାଦ ଦିହୁଡି, କାର୍ତ୍ତିକ ସାହୁ, ବସନ୍ତ ପଟ୍ଟନାୟକ, ନରସିଂହ ସାହୁ,ଶିଶିର କୁମାର ଜେନା ସମେତ ବେଲଗୁଣ୍ଠା, ବେଗୁନିଆପଡ଼ା, ଧରାକୋଟ, ଜଗନ୍ନାଥ ପ୍ରସାଦ ,ସୋରଡା, କବିସୂର୍ଯ୍ୟନଗର,ପୁରୁଷୋତ୍ତମପୁର, ବୁଗୁଡ଼ା ଆଦି ପ୍ରଭୃତି ଅଂଚଳର ବହୁ କର୍ମଚାରୀ ଅଂଶଗ୍ରହଣ କରିଥିଲେ ।