ରାୟଗଡା ଜିଲ୍ଲାର ବିକାଶରେ ସହଭାଗିତା ଜେ.କେ କାଗଜ କଳ…!
!!! ରାୟଗଡା ଜିଲ୍ଲା ପ୍ରତିନିଧି ପି.ଦିଲ୍ଲୀପ କୁମାରଙ୍କ ରିପୋର୍ଟ !!!
ଏଥର ସମ୍ଭାଳ(ରାୟଗଡା)- ରାୟଗଡା ଜିଲ୍ଲାରେ ବିକାଶ କ୍ଷେତ୍ରରେ ସହଭାଗିତା ରଖିଚାଲିଛି ଜେ.କେ କାଗଜ କଳ କାରଖାନା ପ୍ରକାଶ ଥାଉ କି ୧୯୬୨ ମସିହାରେ ରାୟଗଡ଼ା ଜିଲ୍ଲା କୋଲନରା ବ୍ଲକ ଅଧିନସ୍ତ ଚାନ୍ଦିଲି ପଞ୍ଚାୟତ ଅନ୍ତର୍ଗତ ଜେ.କେ ପୁର ଠାରେ ସ୍ଥାପନ କରାଯାଇଥିଲା।ଜେ.କେ କାଗଜ କଳ କାର ଖାନା ହେବା ଫଳରେ ଆଜି ଆଦିବାସୀ ଅଧୁର୍ତ୍ସିତ ତଥା ବଣ ଜଙ୍ଗଲ ପରିପୂର୍ଣ୍ଣ ରାୟଗଡ଼ା ଜିଲ୍ଲା ସମଗ୍ର ଭାରତ ବର୍ଷରେ ବେସ ପରିଚିତ ସହରରେ ପାଲଟି ଯାଇଛି।ରାୟଗଡା ଜିଲ୍ଲାରେ ଏହି କାରଖାନା ଯୋଗୁଁ ବହୁତ ପ୍ରକାରର ସୁବିଧା ହୋଇଛି ଆଦିବାସୀ ଅଧୁର୍ତ୍ସିତ ଅଞ୍ଚଳ ହୋଇଥିବାରୁ ସର୍ବଦା ଅବହେଳିତ ହେଉଥିବା ଅଞ୍ଚଳ ଆଜି ବିକାଶ ପଥେ ଆଗେଇ ଚାଲିଛି।ଜିଲ୍ଲାରେ ଶିକ୍ଷା,ସ୍ଵାସ୍ତ୍ୟ ଓ ଗମାଗମନର ମାନଚିତ୍ରରେ ମଧ୍ୟ ପରିବର୍ତ୍ତନ ଘଟିଛି,ପରେ ଦାଦନ ଖଟିବାକୁ ବାହାରକୁ ଯାଉଥିବା ବହୁତ ବେକାର ଯୁବକ ଓ ଯୁବତୀ ନିଜ ଶିକ୍ଷାଗତ ଯୋଗ୍ୟତା ଅନୁଯାୟୀ ଚାକିରୀ ପାଇ ଉପକୃତ ହୋଇଛନ୍ତି।କୁଲି ମଜୁରିଆ ଠାରୁ ଆରମ୍ଭ କରି ଉଚ୍ଚ ପଦସ୍ତ ବିଭିନ୍ନ ଚାକିରୀରେ ଥଇଥାନ ହୋଇଛନ୍ତି।
ଅଞ୍ଚଳବାସୀ ଏପରିକି ଅଭିଭକ୍ତ କୋରାପୁଟ ଓ କଳାହାଣ୍ଡି ଅଞ୍ଚଳବାସୀ ମଧ୍ୟ ଚାକିରୀ ସୁବିଧା ପାଇବା ସହ ବିଭିନ୍ନ ପ୍ରକାର ବ୍ୟବସାୟର ସୁବିଧା ପାଇ ଲାଭବାନ ହୋଇଛନ୍ତି।ଜେ.କେ କାଗଜକଳରେ କାର୍ଯ୍ୟରତ କର୍ମଚାରୀଙ୍କ ପରିବାରକୁ ବାସସ୍ଥାନ,ଶିକ୍ଷା,ସ୍ଵାସ୍ତ୍ୟ ଭଳି ମୌଳିକ ସୁବିଧା ମଧ୍ୟ ଯୋଗେଇଦେଉଛି ଓ ହାଇସ୍କୁଲ,ଯୁକ୍ତ ଦୁଇ ମହା ବିଦ୍ୟାଳୟ ,ଇ.ଏସ.ଆଇ ମେଡିକାଲର ସୁବିଧା ମଧ୍ୟ ରହିଛି।ସ୍ଥାନୀୟ ଅଞ୍ଚଳର କୌଣସି ପରିବାର ର ଚିକିତ୍ସା ସମସ୍ୟାରେ ଅଧିକ ଚିକିତ୍ସା ନିମନ୍ତେ ବାହାରକୁ ସ୍ଥାନାନ୍ତର କରିବା ସମୟରେ କାରଖାନା ତରଫରୁ ମାଗଣା ଆମ୍ବୁଲାନ୍ସ ସୁବିଧା ମଧ୍ୟ ଯୋଗେଇ ଦିଆଯାଉଛି।ଅଞ୍ଚଳ ବାସୀଙ୍କ କ୍ରୀଡା ଓ ମନୋରଞ୍ଜନ ପାଇଁ କ୍ଳବ, ଷ୍ଟାଡିୟମ,ଉଦ୍ୟାନ ଆଦିର ସୁବିଧା ମଧ୍ୟ ରହିଛି।ଅନେକ ଗ୍ରାମରେ ବୃକ୍ଷରୋପଣ, ପାନୀୟଜଳ,ବିଦ୍ୟୁତ ଓ ବିଭିନ୍ନ ପ୍ରକାର ସୁବିଧା ଯୋଗେଇଦିଆଯାଇଛି।ଏ ନେଇ ସୂଚନା ଦେଇଛନ୍ତି ଜେ.କେ କାଗଜକଳ ଲୋକସମ୍ପର୍କ ଅଧିକାରୀ ସୁନୀଲ କୁମାର ନାଥ।ଜିଲ୍ଲାର ଲୋକପର୍ବ ଚଇତିରେ ପ୍ରତିବର୍ଷ ପ୍ରଶାସନକୁ ସହଯୋଗର ହାତ ବଢ଼ାଇଥିବା ନେଇ ସୂଚନା ଦେଇଛନ୍ତି।