ଆୟୁଷଡାକ୍ତରଙ୍କ କାର୍ଯ୍ୟବନ୍ଦ ସହ ଆନ୍ଦୋଳନ ଚେତାବନୀ ।

!!! ରାୟଗଡା ରୁ ଜିଲ୍ଲା ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡା)- ରାୟଗଡଜିଲ୍ଲାରେ କାର୍ଯ୍ୟରତ ଆୟୁଷ ଡାକ୍ତରମାନେ ଚାକିରିରେ ନିୟମିତ ଦାବୀନେଇ ଅକ୍ଟୋବର 2 ତାରିଖରୁ କାର୍ଯ୍ୟବନ୍ଦ ସହ ଆନ୍ଦୋଳନର ଚେତାବନୀ ଦେଇଛନ୍ତି। ୨୦୦୭ରୁ ଜିଲ୍ଲାରେ ୧୫ ଏବଂ ରାଜ୍ୟରେ ମୋଟ ୧୧୫୫ ଆୟୁଷ ଡାକ୍ତର ବିଭିନ୍ନ ପ୍ରାଥମିକ ଓ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଦୀର୍ଘ ୧୭ବର୍ଷ ହେଲା କାମ କରୁଛନ୍ତି।ବନ୍ୟା,ବାତ୍ୟା,ଏବଂ କୋବିଡ଼ ଭଳି ମହାମାରୀ ସମୟରେ ମଧ୍ୟ ରୋଗୀ ସେବାରେ ଅବହେଳା କରିନାହାନ୍ତି, ବିଶେଷକରି ପଂଚାୟତସ୍ତରୀୟ ରୋଗୀସେବା ଓ ସ୍ୱାସ୍ଥ୍ୟ ସଚେତନରେ ବିଶେଷ ଭୂମିକା ଗ୍ରହଣ କରୁଥିଲେ ମଧ୍ୟ ଏମାନଙ୍କ ପ୍ରତି ବୈମାତୃକ ମନୋଭାବ ଅତ୍ୟନ୍ତ ଦୁଃଖଦାୟକ।

୨୦୧୯ ସାଧାରଣ ନିର୍ବାଚନପୂର୍ବରୁ ରାଷ୍ଟ୍ରୀୟ ସ୍ୱାସ୍ଥ୍ୟମିଶନ ଅଧିନରେ ଥିବା ପାରାମେଡିସ୍କ ମାନଙ୍କୁ ନିୟମିତ କରାଗଲା ଏବଂ ସେହିସମୟରେ ଏମାନକୁ ନିୟମିତ କରାଯିବାର ପ୍ରତିଶ୍ରୁତି ଦିଆଯାଇଥିଲେ ମଧ୍ୟ କାର୍ଯ୍ୟକାରୀ କରାଯାଇନି।ଏହି ଆୟୁଷ ଡାକ୍ତରମାନେ ମଧ୍ୟ ରାଷ୍ଟ୍ରୀୟ ସ୍ୱାସ୍ଥ୍ୟ ମିଶନରେ କାମ କରୁଛନ୍ତି।ଏଣୁ ଏମାନଙ୍କୁ ତୁରନ୍ତ ନିୟମିତ କରାନଗଲେ ,ଅକ୍ଟୋବର ୨ ତାରିଖରୁ ଅସହଯୋଗ ଆନ୍ଦୋଳନ କରାଯିବବୋଲି ଅଲଓଡ଼ିଶା ଆୟୁଷ ଡାକ୍ତରସଂଘ,ରାୟଗଡଜିଲ୍ଲା ସଭାପତି ସିଦ୍ଧାର୍ଥ ମଲ୍ଲିକ ଓ ସମ୍ପାଦକ ଭଗବତପ୍ରସାଦ ପାଢ଼ୀଙ୍କ ନେତୃତ୍ୱରେ ଏକ ଦାବିପତ୍ର ଜିଲ୍ଲା ପାଳ ସରୋଜକୁମାର ମିଶ୍ର ଓ ସିଡିଏମ ଓ ଆର୍ତ୍ତବନ୍ଧୁ ନାୟକଙ୍କୁ ପ୍ରଦାନ କରିଛନ୍ତି।