!!! ରାୟଗଡା ରୁ ଜିଲ୍ଲା ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ(ରାୟଗଡା)- ରାୟଗଡା ଜିଲ୍ଲା ଜେମାଦେଇପେଣ୍ଠ ବ୍ଲକ ୨୦୧୭ରେ ହୋଇ ଥିବା ପ୍ରଳୟଙ୍କରୀ ବନ୍ୟାରେ ବୈରାଗୀ ହାଲୁଆ ପଞ୍ଚାୟତରେ ଥିବା ନେଲେ ମେଟା ଗ୍ରାମ ବନ୍ୟା ଘେରରେ ଥିବାବେଳେ ଗ୍ରାମବାସୀ ନାହିଁ ନଥିବା ଅସୁବିଧା ଭୋଗିଥିଲେ।ଭୋକ ଉପାସରେ ଦୀର୍ଘଦିନ ଧରି ଜଳବନ୍ଦୀରେ ରହିଥିଲେ ମଧ୍ୟ ଗାଁବାସୀ ନିଜର ପୈତୃକ ଗୃହ ତଥା ସମ୍ପତ୍ତି ଛାଡ଼ି ଆସିବାକୁ ଇଚ୍ଛା କରି ନଥିଲେ।ରାୟଗଡ଼ା ଜିଲା ପ୍ରଶାସନ ଏହିସବୁ ଅସୁବିଧାକୁ ଦୃଷ୍ଟିରେ ରଖି ପଞ୍ଚାୟତ ଠାରୁ ଅଳ୍ପ ଦୂରରେ ଗାଁ ଲୋକଙ୍କ ପାଇଁ ଆବାସ ଯୋଜନାରେ ଘର ଓ ପାଣି ଯୋଗାଇ ଦେଇଥିଲେ।କିନ୍ତୁ ଦୀର୍ଘ ଚାରିବର୍ଷ ବିତି ଯାଇଥିଲେ ମଧ୍ୟ ଗ୍ରାମର ଲୋକ ଉକ୍ତ ଘରେ ରହିବାକୁ ଇଛା ପ୍ରକାଶ କରୁନାହାନ୍ତି କିମ୍ବା ଉକ୍ତ ଘରର ଯତ୍ନ ମଧ୍ୟ ନେଉନାହାନ୍ତି।ଫଳରେ ଅଳିଆ ଆବର୍ଜନା ଓ ଲଟା ବୁଦାରେ ରହି ଘର ସବୁ ନଷ୍ଟ ହେବାକୁଲାଗିଲାଣି।ଗାଁକୁ ଯାଇଥିବା ପାଣି ପାଇପ ଫାଟି ନଷ୍ଟ ହେବାକୁ ବସିଥିଲା ବେଳେ ଗାଁକୁ ଫେରିବା ପାଇଁ ପଞ୍ଚାୟତ ନିର୍ବାହୀ ଯନ୍ତ୍ରୀ ଜି ପାତ୍ର ଅନେକ ଅନୁରୋଧ କରିଥିଲେ ମଧ୍ୟ ଗ୍ରାମବାସୀ ଏଥୁପ୍ରତି କଣ୍ଠପାତ କରୁନାହାନ୍ତି।ଏ ସମ୍ପର୍କରେ ତହସିଲଦାର ଉମାଶଙ୍କର ବେହେରାଙ୍କୁ ପଚରାଯିବାରୁ ସେ କହିଥିଲେ ଯେ, ଜୀବନ ହେଉଛି ମୂଲ୍ୟବାନ।ତେଣୁ ପ୍ରଥମେ ଜୀବନ ବଞ୍ଚାଇବା ପରେ ଭିଟାମାଟି।ତେଣୁ ସେମାନଙ୍କ ମଧ୍ୟରେ ପୁନର୍ବାର ସଚେତନତା ସୃଷ୍ଟି କରିବାକୁ ସେ ଗୁରୁତ୍ଵ ଦେଉଥିବା କହିଥିଲେ।