!!! ରାୟଗଡ଼ା ଜିଲ୍ଲା କୋଲନରା ରୁ ପ୍ରତିନିଧି ମୋନଜ ନାଲା ଙ୍କ ରିପୋର୍ଟ !!!
ଏଥର ସମ୍ଭାଳ(କୋଲନରା) – ରାୟଗଡା ଜିଲ୍ଲା କୋଲନରା ବ୍ଲକ ଅଧିନ କାଟିକଣା ଗ୍ରାମରେ ଆଜି ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ କାଟିକଣା ପଞ୍ଚାୟତର ଆଖପାଖ ଅଞ୍ଚଳର ଶତାଧିକ ଲୋକେ ବିଜେଡ଼ିର ସାମିଲ ହୋଇଛନ୍ତି। ଜିଲ୍ଲା ବିଜେଡି ସଭାପତି ତଥା ବିଜୁ ସ୍ୱାସ୍ଥ୍ୟ କଲ୍ୟାଣ ଉପଦେଷ୍ଟା ସୁଧୀର ଦାସ ଓ ଅନୁସୂଚିତ ଜାତି ଜନଜାତି ତଥା ପଛୁଆ ବର୍ଗ ଉନ୍ନୟନ ବିଭାଗ ମନ୍ତ୍ରୀ ଜଗନ୍ନାଥ ସାରକାଙ୍କ ଉପସ୍ଥିତିରେ ଆଜି କୈଳାଶପୁର ଗ୍ରାମ ପଞ୍ଚାୟତର ସମିତିସଭ୍ୟ ରବୀନ୍ଦ୍ର କଣ୍ଡାଗରୀଙ୍କ ସହ ଭୋଇମଡା, କାଟିକଣା, ଝରଡି ଓ କୈଳାଶପୁର ଗ୍ରାମ ପଞ୍ଚାୟତର ଶତାଧିକ ଲୋକେ ଆଜି ବିଜେଡିରେ ସାମିଲ ହୋଇଛନ୍ତି।
ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ଆଦର୍ଶରେ ଅନୁପ୍ରାଣିତ ହୋଇ କୋଲନରା ବ୍ଲକ ଖ ଜନରେ ଥିବା ଉକ୍ତ ୪ ଗୋଟି ପଞ୍ଚାୟତର ବହୁ ନବୀନ ପ୍ରେମୀ ବିଜେଡ଼ିରେ ସାମିଲ ହୋଇଛନ୍ତି, ଆଗକୁ ପଞ୍ଚାୟତ ନିର୍ବାଚନ ରହିଥିବା ବେଳେ ଏହି ମିଶ୍ରଣ ପର୍ବ ବିଜେଡି ଦଳ ପାଇଁ ଶୁଭ ସଙ୍କେତ ପ୍ରମାଣିତ କରୁଛି ଏବଂ କଂଗ୍ରେସ ଗଡ଼ କୁହାଯାଉଥିବା ଖ ଜନ ଆଗାମୀ ପଞ୍ଚାୟତ ନିର୍ବାଚନରେ ନିଶ୍ଚିତ ଭାବେ ବିଜେଡି ଦାଖଲ କରିବ ବୋଲି ବିଜେଡି ଜିଲ୍ଲା ସଭାପତି ସୁଧୀର ଦାସ କହିଛନ୍ତି। ଆଜିର ଏହି ମିଶ୍ରଣ ପର୍ବରେ କୋଲନରା ବ୍ଲକ ବିଜେଡି ସଭାନେତ୍ରୀ ସୋମି ହିମିରିକା, ବଡ଼ ଖିଲାପଦର ସମିତିସଭ୍ୟ ମାଦାରାଓ କଣ୍ଡାଗରୀ, କୋଲନରା ବିଜୁ ଯୁବ ଜନତା ଦଳର ସଭାପତି ଜି ରବିକୁମାର ପ୍ରମୁଖ ଉପସ୍ଥିତ ଥିବା ବେଳେ ଅଞ୍ଚଳର ବିଜେଡି କର୍ମୀ ଇଦି ଚନ୍ଦ୍ରଶେଖର ନାଇଡୁ, ଇପିଲି ପ୍ରସାଦ, ପ୍ରସାଦ କଣ୍ଡାଲା, ଅଜି କଣ୍ଡାଗରୀଙ୍କ ସମେତ ବହୁ ବିଜେଡି କର୍ମୀମାନେ ଉପସ୍ଥିତ ରହିଥିଲେ।
