ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର/ପୁରୀ)- ମିରାଡ଼ି ଗ୍ରାମରେ ତ୍ରିନାଥ ସେବା ପ୍ରତିଷ୍ଠାନ ଯୁବକ ସଂଘ ଦ୍ୱାରା ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଅନ୍ତର୍ଗତ ଶିଶୁଅ ପଞ୍ଚାୟତର ମିରାଡି ଗ୍ରାମରେ ତ୍ରିନାଥ ସେବା ପ୍ରତିଷ୍ଠାନ ଯୁବକ ସଂଘ ର ସମସ୍ତ ସଦସ୍ୟ ଏକାଠି ହୋଇ ଗ୍ରାମର ରାସ୍ତା ଘାଟ, କ୍ଲବ୍ ପରିସର ସଫେଇ କରୁଥିବାର ଦେଖିବାକୁ ମିଳିଥିଲା।
ଏହି କାର୍ଯ୍ୟକ୍ରମରେ ତ୍ରିନାଥ ସେବା ପ୍ରତିଷ୍ଠାନ ଯୁବକ ସଂଘର ସଭାପତି ବିଭୁ ସ୍ୱାଇଁ ସଂଘର ସମସ୍ତ ସଦସ୍ୟ ମାନଙ୍କୁ ଏକାଠି କରି ଗ୍ରାମକୁ ରୋଗ ମୁକ୍ତ ଓ ସ୍ୱଚ୍ଛ ସୁନ୍ଦର କରିବା ପାଇଁ ଗ୍ରାମର ରାସ୍ତା ଘାଟ , କ୍ଲବ୍ ପରିସର ସଫେଇ କରିଥିଲେ।ଏଥିରେ ତ୍ରିନାଥ ସେବା ପ୍ରତିଷ୍ଠାନ ଯୁବକ ସଂଘର ସଦସ୍ୟ କୃଷ୍ଣ ଚନ୍ଦ୍ର ସ୍ୱାଇଁ,ହରିହର ଲେଙ୍କା,ହରିହର ସେଠୀ,ମିଥୁନ ଜେନା, ସିଦ୍ଧାନ୍ତ ସେଠୀ,ଭାଗବତ ପରିଡ଼ା ଓ ଅନ୍ୟ ସଦସ୍ୟ ମିଶି ସହଯୋଗ କରିଥିଲେ ।
