ରାୟଗଡ଼ରେ ସ୍ଥାୟୀ ଲୋକ ଅଦାଲତର ଗୁରୁତ୍ୱପୂର୍ଣ୍ଣ ରାୟ …!

!!! ରାୟଗଡା ରୁ ଜିଲ୍ଲା ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡା)- ରାୟଗଡ଼ ର ସ୍ଥାୟୀ ଲୋକ ଅଦାଲତର ଏକ ଗୁରୁତ୍ୱପୂର୍ଣ୍ଣ ବୈଠକ ଅଦାଲତର ଅଧ୍ୟକ୍ଷ ହିମାଂଶୁ ଶେଖର ବ୍ରହ୍ମାଙ୍କ ସଭାପତିତ୍ଵରେ ଅନୁଷ୍ଠିତ ହୋଇଯାଇଛି। ଉକ୍ତ ଚୈଠକରେ ସଦସ୍ୟ ଡଃ. ଦୁଷ୍ମନ୍ତ କୁମାର ମହାନ୍ତି ଓ ଡଃ. ସାଲଭା ରାଜୁଙ୍କ ଉପସ୍ଥିତରେ ଅଦାଲତରେ ତିନୋଟି ଭତ୍ତା ସମ୍ବନ୍ଧୀୟ ଓ ଦୁଇଟି ଆବଶ୍ୟକୀୟ ସାମଗ୍ରୀ ପ୍ରଦାନ ସମ୍ବନ୍ଧୀୟ ମକଦ୍ଦମାର ସମାଧାନ କରାଯାଇଛି । ସ୍ଥାୟୀ ଲୋକ ଅଦାଲତର ନିର୍ଦ୍ଧେଶ କ୍ରମେ ରାୟଗଡ଼ା ଗୋଷ୍ଠୀ ଉନ୍ନୟନ ଅଧିକାରୀ ଲକ୍ଷ୍ମୀ ନାରାୟଣ ସାବତ , ମଧୁବାବୁ ପେନସନ ଯୋଜନା ଅନ୍ତର୍ଗତ ଦୁଇ ହିତାଧିକାରୀଙ୍କୁ ରାସନ ସାମଗ୍ରୀ ଯୋଗାଇଥିଲେ । ଏଥି ସହ ଅଦାଲତଙ୍କ ନିର୍ଦ୍ଦେଶକ୍ରମେ ରାୟଗଡ଼ା ସହରରେ ବ୍ରାହ୍ମଣ ସାହିରେ ଦୀର୍ଘଦିନ ରୁ ଜମା ହୋଇଥିବା ଅଳିଆ ଆବର୍ଜନା ପୌର ପରିଷଦ ସଫା କରିଥିଲେ । ରାୟଗଡ଼ା ଜିଲ୍ଲା ସ୍ଥାୟୀ ଲୋକ ଅଦାଲତ ଜନସାଧାରଣଙ୍କୁ ସାଧାରଣ ସେବା ଓ ସୁବିଧା ଯଥା ସ୍ବାସ୍ଥ୍ୟ, ପାନୀୟ ଜଳ ଯୋଗାଣ , ବିଦ୍ୟୁତ୍ ସେବା,,ବାର୍ଦ୍ଧକ୍ୟ ଭତ୍ତା, ରେସନ , ଆଧାରକାର୍ଡ ପ୍ରଦାନ ଇତ୍ୟାଦି କ୍ଷେତ୍ରରେ ନ୍ୟାୟ ପ୍ରଦାନ ପାଇଁ ଉଦ୍ଦିଷ୍ଟ । ଜନସାଧାରଣଙ୍କୁ ବିନା ଖର୍ଚ୍ଚରେ ଏହାର ସୁଯୋଗ ନେବା ପାଇଁ ସ୍ଥାୟୀ ଲୋକ ଅଦାଲତ ତରଫରୁ ଅନୁରୋଧ କରାଯାଇଛି।