ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ସ୍ଥାନୀୟ ମନ୍ତ୍ରୀ ଙ୍କର ଶୁଭ ଦେବାର ଦୁଇ ବର୍ଷ ଛଅ ମାସ ପରେ ମଧ୍ୟ ଆରମ୍ବ ହୋଇପାରିଲା ନାହିଁ ମାଉସୀମା ଛକ-ଶ୍ରୀ ଲିଙ୍ଗରାଜ ମନ୍ଦିର ରାସ୍ତାର ବଡ଼ଶଙ୍ଖ ଠାରେ ଡ୍ରେନ ନମ୍ବର-୭ ଉପର ପୋଲ।ବାରମ୍ବାର କେବଳ ପ୍ରତିଶ୍ରୁତି ରେ ସାଧାରଣ ଲୋକଙ୍କୁ ଭୁଆଁ ବୁଲାଉଛନ୍ତି ସ୍ଥାନୀୟ ବିଧାୟକ।ଓଡ଼ିଶାର ପ୍ରସିଦ୍ଧ ମନ୍ଦିର ମାଳିନୀ ମହାପ୍ରଭୁ ଶ୍ରୀ ଲିଙ୍ଗରାଜ ମନ୍ଦିର ଅବସ୍ଥିତ ଥିଲେ ମଧ୍ୟ ବର୍ଷା ହେଲେ ରଥ ରୋଡ଼ ସମ୍ପୂର୍ଣ୍ଣ କୃତ୍ରିମ ନଦୀର ଭ୍ରମ ସୃଷ୍ଟି କରୁଛି।ବର୍ଷା ହେଲେ ଯାତାୟାତ ସମ୍ପୂର୍ଣ୍ଣ ଠଫ ହେଇଯାଉଛି।ଏହି ରାସ୍ତାରେ ପ୍ରତିଦିନ ଶ୍ରୀ ଲିଙ୍ଗରାଜ ମନ୍ଦିର କୁ ଶ୍ରଦ୍ଧାଳୁ ଆସନ୍ତି ଓ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏହାର ପ୍ରତିବାଦରେ ଭୁବନେଶ୍ୱର ସାଙ୍ଗଠନିକ ଜିଲ୍ଲା ବିଜେପିର ଲିଙ୍ଗରାଜ ମଣ୍ଡଳ ଯୁବ ମୋର୍ଚ୍ଚା ପକ୍ଷରୁ ଯୁବ ମୋର୍ଚ୍ଚା ସଭାପତି ଶରତ ମହାପାତ୍ର ଙ୍କ ନେତୃତ୍ୱରେ ବିକ୍ଷୋଭ ପ୍ରଦର୍ଶନ କରାଯାଉଥିଲା।ଏଥିରେ ଜିଲ୍ଲା ଯୁବ ମୋର୍ଚ୍ଚା ସଭାପତ ରଶ୍ମିରଞ୍ଜନ ମୁଦୁଲି,ରାଜ୍ୟ ଯୁବ ମୋର୍ଚ୍ଚାରୁ ମନୋଜ ପଶ୍ଚିମକବାଟ,ସୁଜିତ ସାହୁ, ଲିଙ୍ଗରାଜ ମଣ୍ଡଳ ସଭାପତି ସୁରେନ୍ଦ୍ର ପ୍ରଧାନ,ସ୍ଥାନୀୟ ନେତା ଶିବ ବେହେରା, ମଣ୍ଡଳ କାର୍ଯ୍ୟକର୍ତା ହିମାଦ୍ରୀ ମହାପାତ୍ର, ସବିତା ପଟ୍ଟନାୟକ, ସୁନୀଲ ସେଠୀ, ବିଜୟ କୁମାର ସାହୁ, ସଞ୍ଜୟ ବାରିକ,ତପନ ମହାଶୂର ପ୍ରମୁଖ ଯୋଗଦେଇ ଥିଲେ।
