ରାୟଗଡା ସହରରେ ମହିଳା ଥାନା ନିମନ୍ତେ ଦାବି କଲା ବିଜେପି …!

!!! ରାୟଗଡା ରୁ ଜିଲ୍ଲା ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡା)- ରାୟଗଡା ସହରର ଏକ ମହିଳା ଥାନା ସ୍ଥାପନ ପାଇଁ ଦାବୀ କରିଛି ବିଜେପି।ଏ ନେଇ ରାୟଗଡା ମହିଳା ମୋର୍ଚ୍ଚା ନଗର ଟିମ ତରଫରୁ ଏକ ଦାବୀପତ୍ର ଜିଲ୍ଲା ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମାଙ୍କୁ ସାକ୍ଷାତ କରି ମହିଳା ମାନଙ୍କ ସୁରକ୍ଷା ଦୃଷ୍ଟିରୁ ସହରରେ ଏକ ମହିଳା ଥାନା ସ୍ଥାପନ ପାଇଁ ଦାବୀ କରିଥିଲେ।ବିଭିନ୍ନ ସମୟରେ ମହିଳା ମାନେ ସମ୍ମୁଖୀନ କରୁଥିବା ସମସ୍ୟା ଗୁଡିକ ସଙ୍କା ଅନୁଭବ କରି ପ୍ରକାଶ କରିପାରିଥାନ୍ତେ।

ଯଦି ସହରରେ ଏକ ମହିଳା ଥାନା ସ୍ଥାପନ କରି ସେଠାରେ ମହିଳା ଥାନା ଅଧିକାରୀଙ୍କୁ ନିୟୋଜିତ କରାଯାଏ ତା ହେଲେ ମହିଳା ମାନେ ବିନା ସଙ୍କୋଚରେ ନିଜ ଉପରେ ହେଉଥିବା ସମସ୍ୟା ଗୁଡିକର ଅଭିଯୋଗ କରିପାରିବେ।ଦାବୀପତ୍ର ପ୍ରଦାନ ସମୟରେ ମହିଳା ମୋର୍ଚ୍ଚା ନଗର ସଭାନେତ୍ରୀ ଲକ୍ଷ୍ମୀ ବୁରୁଡି,ନଗର ସଭାପତି ଶ୍ୟାମ ସୁନ୍ଦର ଦାଶଙ୍କ ସମେତ ମହିଳା ମୋର୍ଚ୍ଚାର କର୍ମକର୍ତା ମାନେ ଉପସ୍ଥିତ ଥିଲେ।