କେବେ ସରିବ ନକଲି ସାର୍ଟିଫିକେଟ ର ସଠିକ ଯାଞ୍ଚ ; ବନ୍ଧା ହେବେ ନକଲି ଶିକ୍ଷକ ଓ ଶିକ୍ଷୟତ୍ରୀ…!
ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ନକଲି ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ଧରପଗଡ଼ କରିବା ପାଇଁ ରାଜ୍ଯ ସରକାର ନିର୍ଦ୍ଦେଶ ଦେଇଥିଲେ ହେଁ ଏହାକୁ ଅଧୀନସ୍ଥ କର୍ମଚାରୀ ଠିକ୍ ଭାବେ କାର୍ଯ୍ୟକାରୀ କରି ନାହାଁନ୍ତି। ଫଳରେ ପ୍ରତ୍ୟକ ବର୍ଷ ବିଭାଗରେ ନିଯୁକ୍ତ ପ୍ରାପ୍ତ ଶିକ୍ଷକ ଓ ଶିକ୍ଷୟିତ୍ରୀ ଙ୍କ ସାର୍ଟିଫିକେଟ ଗୁଡିକ ଯାଞ୍ଚ କରାଯାଉଛି। ପୂର୍ବ ଭଳି ଚଳିତ ବର୍ଷ ମଧ୍ୟ ସାର୍ଟିଫିକେଟ ଯାଞ୍ଚ କରିବା ନିମନ୍ତେ ଗୋଷ୍ଠୀ ଶିକ୍ଷାଧିକାରୀ ମାନେ ତାରିଖ ଧାର୍ଯ୍ୟ କରିଛନ୍ତି। ଏହାକୁ ନେଇ ଶିକ୍ଷକ ଓ ଶିକ୍ଷୟିତ୍ରୀମାନଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି। ପ୍ରତ୍ୟେକ ବର୍ଷ ଶିକ୍ଷକ ଓ ଶିକ୍ଷୟିତ୍ରୀ ମାନେ ସେମାନଙ୍କ ସାର୍ଟିଫିକେଟ୍ ର ଅବିକଳ ନକଲ ନେଇ ମୂଳ ସାର୍ଟିଫିକେଟ୍ ସହ ଯାଞ୍ଚ କରାଇ ସାରିଥିବା ବେଳେ ପୁନଃରପି ବିଭାଗୀୟ ଅଧିକାରୀ ଙ୍କ ଏହି ପ୍ରକ୍ରିୟା ପ୍ରତି ଶିକ୍ଷକ ଓ ଶିକ୍ଷୟିତ୍ରୀ ବିମୁଖ ହେଉଛନ୍ତି। କେତେ ବେଳେ ସାର୍ଟିଫିକେଟ ଯାଞ୍ଚ ନାମରେ ମୂଳ ସାର୍ଟିଫିକେଟ ର ଅବିକଳ ନକଲ ମଗାଯାଉଛି ତ ଅନ୍ୟ କେତେବେଳେ ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ଯ ଦେବା ନିମନ୍ତେ ସାର୍ଟିଫିକେଟ ର ଅବିକଳ ନକଲ ମଗାଯାଉଛି। ବାରମ୍ବାର ଏଭଳି ଅବିକଳ ନକଲ ପ୍ରଦାନ କରି ଶିକ୍ଷକ ଓ ଶିକ୍ଷୟିତ୍ରୀ ଅତିଷ୍ଠ ହୋଇ ପଡୁଥିବା ପ୍ରକାଶ କରିଛନ୍ତି। ଶିକ୍ଷା ବିଭାଗ ର କିରାଣୀ ଠାରୁ ଆରମ୍ଭ କରି ବିଭାଗୀୟ ମୁଖ୍ୟ ଅଧିକାରୀ ସଭିଏଁ ସେମାନଙ୍କ ଅଧୀନରେ କିଛି ନକଲି ଶିକ୍ଷକ ଓ ଶିକ୍ଷୟିତ୍ରୀ ରହିଥିବା ଅବଗତ ଥାଇ ମଧ୍ୟ ଏ ବିଷୟରେ ନୀରବତା ଅବଲମ୍ବନ କରି ଆସୁଛନ୍ତି ବୋଲି ଅଭିଯୋଗ ଉଠିଛି। ଯଦ୍ୱାରା ଅନେକ ବ୍ୟକ୍ତି ନକଲି ସାର୍ଟିଫିକେଟ ପ୍ରଦାନ କରି ବେଶ ଆରାମ ରେ ଚାକିରି କରି ଆସୁଥିବା କୁହାଯାଉଛି । ବର୍ତ୍ତମାନ୍ ହେବାକୁ ଥିବା ଯାଞ୍ଚ ପ୍ରକ୍ରିୟା ଠିକ୍ ଭାବେ କରିବା ନିମନ୍ତେ ଏବଂ ପ୍ରଦତ୍ତ କରିଥିବା ବିକଳାଙ୍ଗ, ତାଲିମ୍ ଓ ଶିକ୍ଷାଗତ ଯୋଗ୍ୟତା ସାର୍ଟିଫିକେଟ୍ ଗୁଡିକର ସଠିକତା ଜାଣିବା ନିମନ୍ତେ ସମ୍ପୃକ୍ତ ଅଧିକାରୀ ଙ୍କ ସହ ଯୋଗାଯୋଗ କରିବା ପାଇଁ ଦାବୀ ହେଉଛି। ଏହା ହେଲେ ଆଗାମୀ ଦିନରେ ନକଲି ସାର୍ଟିଫିକେଟ୍ ଦେଇ ଚାକିରି ହାତେଇ ନେଇଥିବା ବ୍ୟକ୍ତି ମାନଙ୍କ ଅସଲି ମୁଖା ପଦାକୁ ଆସିପାରିବ। ଯାଞ୍ଚ ପରେ ଯେଉଁ ମାନେ ନକଲି ସାର୍ଟିଫିକେଟ ଦେଇ ନିଯୁକ୍ତି ପାଇଛନ୍ତି ସେମାନଙ୍କ ବିରୁଦ୍ଧରେ ମକଦ୍ଦମା ଦାୟର କରିବା ସହ ବର୍ତ୍ତମାନ୍ ସୁଦ୍ଧା ରାଜ୍ୟ କୋଶ ରୁ ହାତେଇ ନେଇଥିବା ଟଙ୍କା ସୁଦ୍ଧ ସହ ଫେରସ୍ତ କରାଇବା ଭଳି ଠୋସ ପଦକ୍ଷେପ ସହ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଦାବୀ ହେଉଛି । ଏଭଳି କରାଗଲେ ଆଗାମୀ ଦିନରେ ନକଲି ସାର୍ଟିଫିକେଟ ଦେଇ ଚାକିରୀ ହାସଲ କରିଥିବା ବ୍ୟକ୍ତି ଙ୍କୁ ଆମ୍ଭେ ସୂଚାଇବୁ ବାବୁ ଏଥର ସମ୍ଭାଳ…!