ଭୂଦାନ ଆନ୍ଦୋଳନର ପୁରୋଧା ସନ୍ଥ ବିନୋବା ଭାବେଙ୍କ ୧୨୬ ତମ ଜୟନ୍ତୀ ପାଳିତ।
!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ(ଗୁଣପୁର) – ରାୟଗଡ଼ାଜିଲ୍ଲା ଗୁଣୁପୁର ସେବାସମାଜ ପରିସରରେ ଆଚାର୍ଯ୍ୟ ବିନୋବାଭାବେଙ୍କ ୧୨୬ ତମ ଜୟନ୍ତୀ ପାଳିତ ହୋଇଯାଇଛି। ସନ୍ଥ ବିନୋବା ୧୪ ବର୍ଷକାଳ ପ୍ରାୟ ୭୦ ହଜାର କିଲୋମିଟର ପଦଯାତ୍ରା କରି ୪୨ ଲକ୍ଷ ଏକର ଜମି ଧନୀ ଓ ଜମିଦାରଙ୍କ ଠାରୁ ମାଗି ଗରୀବ ଆଦିବାସୀଙ୍କୁ ଦାନ କରିଥିଲେ। ୧୯୫୫ ମସିହା ସେପ୍ଟେମ୍ବର ୧୧ ତାରିଖରେ ଗୁଣପୁର ନିକଟ ବିକ୍ରମପୁର ଆସିଥିଲେ,ସାଥିରେ ଜୟପ୍ରକାଶ ନାରାୟଣ, ରତନ ଦାସ,ବିଶ୍ୱନାଥ ପଟ୍ଟନାୟକ ରହିଥିଲେ।
ସେପ୍ଟେମ୍ବର ୨୮ ପର୍ଯ୍ୟନ୍ତ ରାମନାଗୁଡା ବ୍ଲକ କୁଜେନ୍ଦ୍ରୀଠାରେ ରହି ଭୁଦାନ ଆନ୍ଦୋଳନ ଆରମ୍ଭ କରିଥିଲେ। ତାଙ୍କର ଜନ୍ମତିଥିରେ ସେବାସମାଜର ପ୍ରତିଷ୍ଠାତା ସଦସ୍ୟା ତଥା ପଦ୍ମଶ୍ରୀ ଶାନ୍ତିଦେବୀ ଦ୍ବୀପ ପ୍ରଜ୍ୱଳନ କରି ବିନୋବାଜୀଙ୍କ ସ୍ମୃତି ଚାରଣ କରିଥିଲେ।ଏହି କାର୍ଯ୍ୟକ୍ରମ କୁ ଅନୁଷ୍ଠାନର ସମ୍ପାଦିକା ରାଜେଶ୍ୱରୀ ଦଳାଇ କାର୍ଯ୍ୟକ୍ରମ ପରିଚାଳନା କରିଥିଲେ।