“ମାଗଣା ଖାଦ୍ୟ ଓ ବସ୍ତ୍ର ବାଣ୍ଟିଲେ କାସିମ୍ ଚାଚା”…!

!!! ରାୟଗଡା ରୁ ଜିଲ୍ଲା ପ୍ରତିନିଧି ପି.ଦିଲ୍ଲୀପ କୁମାରଙ୍କ ରିପୋର୍ଟ !!! 

ଏଥର ସମ୍ଭାଳ(ରାୟଗଡ଼ା) – ରାୟଗଡା ଜିଲ୍ଲା କଲ୍ୟାଣସିଂହପୁର ନିଜେ ଗରିବ ହୋଇ ବି ଅନ୍ୟ ଜଣେ ଗରିବର ପେଟକୁ ଚିହୁଥିବା ଜଣେ ବଦାନ୍ୟ ବ୍ୟକ୍ତି ଜଣକ ହେଲେ ମହମ୍ମଦ କାସିମ।ଦିନେ ପେଟ ଚାଖଣ୍ଡକ ପାଇଁ ଗାଁ ଗାଁ ବୁଲି ଶେଷରେ କଲ୍ୟାଣସିଂହପୁର ବ୍ଲକ୍ ସଦର ମହକୁମାର ପୁରୁଣା ବସଷ୍ଟାଣ୍ଡ ନିକଟରେ ଛୋଟିଆ ଚିକେନ୍ ସେଣ୍ଟର ଦୋକାନ ଦେଇ ନିଜକୁ ଆତ୍ମନିର୍ଭରଶୀଳ ହୋଇ ଦୁଇ ପଇସା ରୋଜଗାର କରିଥିଲେ କାସିମ୍ ଚାଚା।ଏହାପରେ ଅନ୍ୟର ଭୋକିଲା ପେଟକୁ ଚିହ୍ନିବା ପାଇଁ ପ୍ରତି ଗୁରୁବାର ଦିନ ଗରିବଙ୍କୁ ଦୁଇ ମୁଠା ଭାତ ଦେଇ ବେଶ ଚର୍ଚ୍ଚାକୁ ଆସିଥିଲେ କାସିମ ଚାଚା ପୂର୍ବ ଦିନରେ ବର୍ଷା ଆସିଥିବାରୁ ଛତା ବାଣ୍ଟିଥିବା ବେଳେ ଆଜି ସେ ଗରିବଙ୍କୁ ବସ୍ତ୍ର ବାଣ୍ଟିଥିବା ଦେଖିବାକୁ ମିଳିଥିଲା।ଗତ ତିନି ବର୍ଷ ହେବ ଗରିବଙ୍କୁ ମାଗଣାରେ ପ୍ରତି ଗୁରୁବାର ଦିନ ଦୁଇମୁଠା ଖାଦ୍ୟ ପହଞ୍ଚାଇବା ବେଳେ ତାଙ୍କ ସାଥୀରେ ତାଙ୍କ ଧର୍ମପତ୍ନୀ ମଧ୍ୟ ହାତ ମିଳାଇଛନ୍ତି। ସେହିପରି କାସିମ ଚାଚାଙ୍କ କାମ କୁ ଦେଖି ରାଜ୍ୟ ଓ ରାଜ୍ୟ ବାହାରୁ ଗରିବଙ୍କ ପାଇଁ କାସିମ ଚାଚାଙ୍କୁ କିଏ ଅର୍ଥ ପଠାଇ ଲୋକଙ୍କୁ ଖାଦ୍ୟ ଓ କିଏ ବସ୍ତ୍ର ଆଉ କିଏ ଆମିଷ ଦେବା ପାଇଁ ମଧ୍ୟ କାସିମଙ୍କ ହାତକୁ ହାତ ମିଶାଉଥିବା ଦେଖିବାକୁ ମିଳିଛି।କାସିମ୍ ନିଜେ ମୁସଲିମ ସଂପ୍ରଦାୟ ହୋଇଥିଲେ ବି ତାଙ୍କ ନିକଟରେ ନା ମୁସଲିମ୍ ନା ହିନ୍ଧୁ ନା ଖ୍ରୀଷ୍ଟିଆନ ଭଳି ଭେଦଭାବ କିଛି ଅଛି।