!!! ରାୟଗଡା ରୁ ଜିଲ୍ଲା ପ୍ରତିନିଧି ପି.ଦିଲ୍ଲୀପ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ(ରାୟଗଡ଼ା) –ରାୟଗଡା ଜିଲ୍ଲା ଗୁଣୁପୁର ଉପଖଣ୍ଡ ଗ୍ରାମାଞ୍ଚଳରେ ମୌଳିକ ସମସ୍ୟା ଦୂରୀକରଣ ନିମନ୍ତେ ରାଜ୍ୟ ସରକାରଙ୍କ ଅନେକ ଯୋଜନା ରହିଛି,ହେଲେ ପ୍ରଶାସନିକ ଉଦାସୀନତା ଯୋଗୁଁ ଲୋକଙ୍କ ନିକଟରେ ପହଂଚି ପାରୁନାହିଁ ଯୋଜନା। ଗୋଟେପଟେ ଦେଶ ସ୍ୱାଧୀନତାର ଅମୃତ ମହୋତ୍ସବ ପାଳନ କରୁଥିବା ବେଳେ,ଏବେବି ଗାଁ ଗଣ୍ଡାକୁ ପକ୍କା ରାସ୍ତାଟିଏ ନିର୍ମାଣ ହୋଇପାରୁନାହିଁ । ରାୟଗଡା ଜିଲ୍ଲା ରାମାନଗୁଡା ବ୍ଳକ କୁଜେନ୍ଦ୍ରୀ ପଞ୍ଚାୟତର ଏଦୁରବଲସା ଗ୍ରାମର ଜନସଂଖ୍ୟା ପ୍ରାୟ ପାଞ୍ଚଶହ। ଗୁଣୁପୁର ଗୁମୁଡ଼ା ମୁଖ୍ୟରାସ୍ତାରେ ଆଠ କିଲୋମିଟର ଯାଇ ଦୁଇ କିଲୋମିଟର ଭିତରକୁ ଗଲେ ପଡେ ଏହିଗ୍ରାମ।ପଞ୍ଚାୟତ ତରଫରୁ ଦୁଇ ତିନି ବର୍ଷତଳେ ମାଟିରାସ୍ତା କରାଯାଇଥିଲା।ବର୍ତ୍ତମାନ ଏସବୁ ଧୋଇ ହୋଇଯାଇଛି।ରାସ୍ତା ସାରା ବଡ଼ ବଡ଼ ଖାଲ ଗୁଡାକ ଭର୍ତ୍ତି।
ବର୍ତ୍ତମାନ ବର୍ଷାୠତୁ ଯୋଗୁଁ ରାସ୍ତା ଆହୁରି କଦର୍ଯ୍ୟ ହୋଇ ପଡିଛି।ଫଳରେ ଯାତାୟାତରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଏଠାକାର ଲୋକେ।ରାସ୍ତାର ସମସ୍ୟା ଯୋଗୁଁ ଗୁଲୁମୁଣ୍ଡା କିମ୍ବା ସୁଭଦ୍ରାପୁର ଦେଇ ଅଧିକ ୧୪ କିଲୋମିଟର ବୁଲି ଗୁଣୁପୁର ଆସିବାକୁ ପଡୁଛି।ଶିକ୍ଷା,ସ୍ୱାସ୍ଥ୍ୟ,ବଜାର, ବ୍ୟାଙ୍କ ପ୍ରତ୍ୟେକ କ୍ଷେତ୍ରରେ ଗୁଣୁପୁର ଉପରେ ନିର୍ଭର କରୁଥିବା ଏହି ଗ୍ରାମବାସୀ ଏବେ ମୌଳିକ ସୁବିଧାରୁ ବଞ୍ଚିତ ରାସ୍ତା ନଥିବା ପ୍ରତିଗ୍ରାମକୁ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନାରେ ପକ୍କାରାସ୍ତା ନିର୍ମାଣ କରିବା ବ୍ୟବସ୍ଥା ରହିଛି।ହେଲେ ଏଯାଏଁ ବାବୁ ମାନଙ୍କ ଦୃଷ୍ଟି ଏହି ଗ୍ରାମରେ ପଡିନଥିବା ଦୁର୍ଭାଗ୍ୟ ଜନକ।ତେଣୁ ତୁରନ୍ତ ଗ୍ରାମକୁ ପକ୍କାସଡକ ନିର୍ମାଣ କରିବାପାଇଁ ଗ୍ରାମବାସୀ ଦାବୀ କରିଛନ୍ତି।ଏ ନେଇ ଗୁଣୁପୁର ଗ୍ରାମ୍ୟ ଉନ୍ନୟନ ବିଭାଗର କାର୍ଯ୍ୟ ନିର୍ବାହିଯନ୍ତ୍ରୀଙ୍କୁ ଅବଗତ କରାଇବାରୁ ଏହା ତାଙ୍କ ଅଧୀନରେ ଯାଉନାହିଁ।ଯଦି ଗ୍ରାମବାସି ଆବେଦନ କରିବେ ବିଚାରକୁ ନିଆଜିବ ବୋଲି ସୂଚନା ଦେଇଛନ୍ତି। କେବେ ତିଆରିହେବ ପକାରାସ୍ତା କେବେ ଉପକୃତ ହେବେ ଗ୍ରାମବାସୀ ତାହା ଆଗାମୀ ସମୟ ହିଁ କହିବ।
