ଜିଲ୍ଲାପରିଷଦ ଅଧ୍ୟକ୍ଷା ଙ୍କ ଅଚାନକ ପରିଦର୍ଶନ…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ପଦ୍ମପୁର) – ଆଜି ବରଗଡ ଜିଲ୍ଲାପରିଷଦ ଅଧ୍ୟକ୍ଷା ଶ୍ରୀମତୀ ମୁକ୍ତା ସାହୁ, ବରଗଡ ଜିଲ୍ଲା ପରିଷଦ ଉପାଧ୍ୟକ୍ଷ ଶ୍ରୀମାନ ମଦନ ଦୀପ ଝାରବନ୍ଧ ବ୍ଲକ ଅଞ୍ଚଳ କୁ ତୋଫାନୀ ଗ୍ରସ୍ତ ରେ ବାହାରିବା ସମୟ ରେ ପାଇକମାଳ ବ୍ଳକ ଅନ୍ତର୍ଗତ ଲଖମରା ଡାକ୍ତରଖାନା ରେ ପ୍ରବଳ ଲୋକଗହଳି କୁ ଦେଖି ଗାଡିରୁ ଓଲ୍ହାଇ ଡାକ୍ତରଖାନା ପରିଦର୍ଶନ କରିଥିଲେ। କୋଭିଡ ଭେକସିନ ନେବା ପାଇଁ ଲୋକେ ଆଗ୍ରହର ସହ ଏଭଳି ଭିଡ଼ ହୋଇଥିବା ଜାଣିବାକୁ ପାଇଥିଲେ ।

ହେଲେ ପର୍ଯ୍ୟାପ୍ତ ପରିମାଣ ର ଭେକସିନ ନଥିବା ହେତୁ ଲୋକେ ଠେଲାପେଲା ହୋଇ ଭେକସିନ ନେବାକୁ ଆଶା କରୁଥିବାବେଳେ ମାତ୍ର ୨ ଜଣ ମହିଳା ସ୍ବାସ୍ଥ୍ୟକର୍ମୀ ଏବଂ ୧୬୦ ଡୋଜ ଭେକସିନ କୁ ନେଇ ଶ୍ରୀମତୀ ସାହୁ କ୍ଷୋଭ ପ୍ରକାଶ କରିବା ସହିତ ସ୍ଥାନୀୟ ମେଡିକାଲ ଅଫିସର ଡାକ୍ତର ଅତିଷ ପୁଞ୍ଜି ଙ୍କ ସହ ଆଲୋଚନା କରିସାରିଲା ପରେ ତହସିଲଦାର,ଏସ.ଡି.ଏମ.ଓ ପଦ୍ମପୁର ଙ୍କ ସହ ଏ ବିଷୟରେ ଅବଗତ କରିଥିଲେ। ଭେକସିନ ସେଣ୍ଟର ମାନଙ୍କ ରେ ୨ ଜଣ ଯାଗାରେ ୪ ଜଣ ମହିଳା ସ୍ବାସ୍ଥ୍ୟକର୍ମୀ ଯୋଗାଇବା ସ‌ହିତ ପର୍ଯ୍ୟାପ୍ତ ପରିମାଣ ର କୋଭିଡ ଭେକସିନ ଯୋଗାଇଦେବାକୁ ଶ୍ରୀମତୀ ସାହୁ ଦାବୀ କରିଛନ୍ତି।