!!! ବରଗଡ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପଦ୍ମପୁର) – ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ବରିକେଲ ଠାରେ ଗୋପବନ୍ଧୁ କଲ୍ୟାଣ ସମିତି ବରିକେଲ ଆନୁକୂଲ୍ୟରେ କୋଭିଡ ଯୋଦ୍ଧା ସମ୍ବର୍ଦ୍ଧନା ଉତ୍ସବ ସ୍ୱାଧୀନତା ଦିବସ ଅବସରରେ ମହା ସମାରୋହରେ ପାଳିତ ହୋଇଯାଇଛି। ମୁଖ୍ୟ ଅତିଥି ଭାବେ ଜମଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ଚିକିତ୍ସାଧିକାରୀ ଡାକ୍ତର ତ୍ୟାଗରାଜ ସିଂ, ସମ୍ମାନିତ ଅତିଥି ଭାବେ ବରିକେଲ ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ସୈାଦାମିନୀ ମେହେର, ମୁଖ୍ୟବକ୍ତା ଭାବେ ଭେଉଁରିଆ ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମତୀ ରଜନୀ ସାହୁ ଏବଂ ବକ୍ତା ଭାବେ ବିଶିଷ୍ଟ ଶିକ୍ଷାବିତ ଅବସର ପ୍ରାପ୍ତ ପ୍ରଫେସର ଶ୍ରୀମାନ ରଜନୀ କୁମାର ମହାନ୍ତି ମଞ୍ଚାସୀନ ଥିଲେ। ଗୋପବଂଧୁ ଜନକଲ୍ୟାଣ ସମିତି ର ଉପଦେଷ୍ଟା ଶ୍ରୀମାନ କୃଷ୍ଣ ଚନ୍ଦ୍ର ଚୈାହାନ, ସଭାପତିତ୍ବରେ କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ନିୟନ୍ତ୍ରୀତ ଅତିଥି ମାନଙ୍କ ପରିଚୟ ପ୍ରଦାନ ସହ ସ୍ୱାଗତ ଭାଷଣ ପ୍ରଦାନ କରିଥିଲେ ଅବସରପ୍ରାପ୍ତ ଶିକ୍ଷକ ଶ୍ରୀଯୁକ୍ତ କୃଷ୍ଣଚନ୍ଦ୍ର ସାହୁ। ନିୟନ୍ତ୍ରୀତ ଅତିଥି ମାନଙ୍କୁ ପୁଷ୍ପଗୁଚ୍ଛ ପ୍ରଦାନ କରି ପ୍ରାରମ୍ଭେ ସ୍ୱାଗତ କରିଥିଲେ ରେହାନ ସାମନ୍ତରାୟ, ସୈାମ୍ୟରଞ୍ଜନ ସାହୁ, ନାରାୟଣ ପ୍ରସାଦ ସାହୁ, ମୁଖ୍ୟ ଅତିଥି ଡାକ୍ତର ତ୍ୟାଗରାଜ ଭାରତ ମାତା ତଥା ଉତ୍କଳମଣି ଗୋପବନ୍ଧୁ ଦାସଙ୍କ ଫଟୋ ଚିତ୍ର ରେ ପୁଷ୍ପ ମାଲ୍ୟାର୍ପଣ ପରେ ଦୀପ ପ୍ରଜ୍ବଳନ କରିଥିଲେ। ମୁଖ୍ୟବକ୍ତା ଶ୍ରୀମତୀ ସାହୁ ଦିର୍ଘ ଦେଢବର୍ଷ ହେଲା ସ୍ୱାସ୍ଥ୍ୟ ବିଭାଗ ର ଡାକ୍ତର,ନର୍ସ, ଆଶାକର୍ମୀ, ଅଙ୍ଗନବାଡ଼ି କର୍ମୀ ଦିବାରାତ୍ର କୁ ଏକାକାର କରି ଅକ୍ଲାନ୍ତ ପରିଶ୍ରମ କରି ନିଜ ଜୀବନ କୁ ବାଜି ଲଗାଇ ବିଶ୍ୱମହାମାରୀ କରୋନା ସହ ଲଢେ଼ଇ କରି ରୋଗୀମାନଙ୍କୁ ଚିକିତ୍ସା ପ୍ରଦାନ, ରୋଗୀ ପରିକ୍ଷଣ, ଜଳସେଚନତା, ଟୀକାକରଣ ଭଳି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ମାନବ ଜଗତକୁ କରୋନା ଦାଉରୁ ରକ୍ଷା କରିବାର ପ୍ରୟାସ କୁ ଭୂୟସୀ ପ୍ରଶଂସା କରି ଜନସାଧାରଣଙ୍କୁ ମଧ୍ୟ ସାଂପ୍ରତିକ ପରିସ୍ଥିତି ରେ ବିପଦ କରିନଥିବା ତଥା ମାକ୍ସ ପରିଧାନ, ସାମାଜିକ ଦୂରତା ବଜାୟ ରଖିବା, ବିଳାସପୂର୍ଣ୍ଣ ଜନଗହଳି ବା ସାମାଜିକ କାମ ସୀମିତ ଲୋକଙ୍କୁ ନେଇ ସମ୍ପୁର୍ଣ୍ଣ କରିବା,ହାତକୁ ସାନିଟ୍ରାଇଜ କରିବା ଉପରେ ଗୁରୁତ୍ୱାରୋପ ପୂର୍ବକ ସାରଗର୍ଭକ ବକ୍ତବ୍ୟ ପ୍ରଦାନ କରିଥିଲେ। ମୁଖ୍ୟ ଅତିଥି ଡାକ୍ତର ତ୍ୟାଗରାଜ ସିଂ,କେବଳ ସ୍ୱାସ୍ଥ୍ୟ ବିଭାଗ କର୍ମଚାରୀ କୋଭିଡ ଯୋଦ୍ଧା ନୁହଁନ୍ତି’କି କେବଳ ସେମାନେ ଚାହିଁଲେ କିମ୍ବା ସରକାର ଚାହିଁଲେ ମହାମାରୀ କରୋନା କୁ ମୁକାବିଲା କରିବା ଅସମ୍ଭବ। ଯେ ପର୍ଯ୍ୟନ୍ତ ସମସ୍ତ ଜନସାଧାରଣ ସଚେତନ ନ ହେବେ ସେ ପର୍ଯ୍ୟନ୍ତ ଏହା ସମ୍ଭବ ହୋଇପାରିବ ନାହିଁ।
ଜନସାଧାରଣ ଙ୍କ ସଚେତନତା, ସହଭାଗିତା, ସହଯୋଗ ଓ ସତର୍କତା ଫଳରେ ଆମ୍ଭେ କରୋନାକୁ ପ୍ରତିହତ କରିପାରିବା ବୋଲି ତାଙ୍କ ବକ୍ତବ୍ୟ ପ୍ରଦାନ କରିଥିଲେ। ବକ୍ତା ଶ୍ରୀମାନ ମହାନ୍ତି ଉତ୍କଳମଣି ଗୋପବନ୍ଧୁ ଦାସ ନିଜର ଏକମାତ୍ର ପୁତ୍ର ରୋଗଶଯ୍ୟାରେ ପିଡିତ ଥିବାବେଳେ ଡଙ୍ଗା ରେ ଚଢି ବନ୍ୟା ପ୍ରପୀଡ଼ିତ ଲୋକଙ୍କୁ ସାହାଯ୍ୟ କରିଥିବାବେଳେ ନିଜ ପୁତ୍ର ର ମୃତ୍ୟୁ ହୋଇଯାଇଥିବା ଓ ପରିବାର ଛାଡ଼ି ଅନ୍ୟ ୧୦୦ ପରିବାର କୁ ରକ୍ଷା କରିବା ବିଷୟ ଉପସ୍ଥାପନ କରି କରୋନାଯୋଦ୍ଧା ତଥା ସ୍ୱାସ୍ଥ୍ୟ ବିଭାଗ ର କାର୍ଯ୍ୟରତ ସମସ୍ତ କର୍ମଚାରୀ ଙ୍କୁ ଉତ୍ସାହିତ କରିବା ପାଇଁ ତଥ୍ୟ ଉପସ୍ଥାପନ କରିଥିଲେ। ସରପଞ୍ଚ ଶ୍ରୀମତୀ ରଜନୀ ସାହୁ ଓ ଶ୍ରୀମତୀ ସୈାଦାମିନୀ ମେହେର ଗୋପବନ୍ଧୁ ଜନକଲ୍ୟାଣ ସମିତି ପ୍ରଦତ୍ତ ମାନପତ୍ର ଓ ଉପଢ଼ୌକନ ମୁଖ୍ୟ ଅତିଥି ଡାକ୍ତର ତ୍ୟାଗରାଜ ସିଂ, ମହିଳା ସ୍ବାସ୍ଥ୍ୟକର୍ମୀ ବାସନ୍ତୀ ଭୋଇ, ନିବେଦିତା ପୁରୋହିତ,କୁଞ୍ଜଲତା ନାଏକ,ରତ୍ନାବତୀ ମେହେର, ଆଶାକର୍ମୀ ଯଶୋବନ୍ତୀ ଡୁଡକା,ରୋଗପରୀକ୍ଷଣ କରୁଥିବା ସଞ୍ଜୟ ସାହୁ, ଶ୍ରୀକାନ୍ତ ସାହୁ, ଆମ୍ବୁଲାନ୍ସ ଡ଼୍ରାଇଭର ବିଜୟ କୁମ୍ଭାର ଙ୍କୁ ସମ୍ମାନିତ କରିଥିଲେ। ଅନୁଷ୍ଠାନ ର ଅନ୍ୟତମ ସଦସ୍ୟ ରାଜବୋଡାସମ୍ବର ଉଚ୍ଚ ବିଦ୍ୟାଳୟ ପଦ୍ମପୁର ର ଶିକ୍ଷକ ମୋହନ ବନଛୋର୍ ମଞ୍ଚାସୀନ ଅତିଥି ତଥା ଉପସ୍ଥିତ ସମ୍ମାନିତ ଅତିଥି ଙ୍କୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମ କୁ ସର୍ବଶ୍ରୀ. ଅଶୋକ କୁମାର ସାହୁ, ପ୍ରମୋଦ ସାମନ୍ତରାୟ, ପ୍ରଫୁଲ୍ଲ ମେହେର, ପ୍ରଦୀପ୍ତ ମହାନ୍ତି, ଚତୁର୍ଭୁଜ ମହାନ୍ତି,ବିଜୁ ସାହୁ,ସୁବ୍ରତ ସାମନ୍ତରାୟ,ରାଜେଶ କୁମାର ସାହୁ ଦିବାକର ବାଙ୍କ ପ୍ରମୁଖ ସୁ-ପରିଚାଳନା କରିଥିଲେ।
