ମିଳିତ କ୍ରିୟାନୁଷ୍ଠାନ କମିଟିର ଜରୁରୀ ବୈଠକ ଅନୁଷ୍ଠିତ…!

!!! ବରଗଡ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ (ବରଗଡ)- ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଚିରମରୁଡ଼ି ପ୍ରପୀଡ଼ିତ ଅଞ୍ଚଳ ସହ ଆଦିବାସୀ ବହୁଳ ତଥା ମାଓ ପ୍ରବଣ ଅଞ୍ଚଳ ଭାବେ ଓଡ଼ିଶା ସରକାର ଙ୍କ ପାଖରେ ଲିପିବଦ୍ଧ ହୋଇ ରହିଛି lସ୍ୱାଧିନତା ର ଦିର୍ଘ ୭୫ବର୍ଷ ପୂରଣ ହେବାକୁ ଯାଉଥିଲେ ମଧ୍ୟ ବିକାଶ ଠାରୁ ଏହି ଅଞ୍ଚଳ ବହୁ ଦୂରରେ l ଶିକ୍ଷା, ସ୍ବାସ୍ଥ୍ୟ, ଗମନାଗମନ ତଥା ଶିଳ୍ପ ର ଭିତ୍ତିଭୂମି ଏଠାରେ ସ୍ୱପ୍ନ ମାତ୍ର lଅଦ୍ୟାବଧି ରେଲ ମାନଚିତ୍ର ରେ ଏହି ଅଞ୍ଚଳ ସ୍ଥାନ ପାଇପାରିଲା ନାହିଁ lନିକଟସ୍ଥ ରେଲ ଷ୍ଟେସନ ଏଠାରୁ ୮୦ କିଲୋମିଟର ଦୂର ରେ ଅବସ୍ଥିତ lଲୋକେ ୮୦ କିଲୋମିଟର ଯାତ୍ରା ପରେ ରେଲ ଟିଏ ଦେଖିଥାନ୍ତି lଏଭଳି ଅବହେଳିତ ଅଞ୍ଚଳରେ ବିକାଶ ର ନୂଆ ଆଶା ଓ ଆକାଂକ୍ଷା ର ସୃଷ୍ଟି ନିମନ୍ତେ ବିଭିନ୍ନ ସମୟରେ ବରଗଡ-ନୂଆପଡା ଭାୟା-ବିଜେପୁର ପଦ୍ମପୁର ନୂତନ ରେଳପଥ ନିର୍ମାଣ ପାଇଁ ଦାବୀପତ୍ର ପ୍ରଦାନ ଦିଆଯାଇଛି lବିବରଣୀ ଅନୁଯାୟୀ ସର୍ବପ୍ରଥମେ ୧୯୪୫ ମସିହାରେ ଏହି ଲାଇନ ପାଇଁ ସର୍ଭେ କରାଯାଇଥିଲା ହେଲେ କାର୍ଯ୍ୟକାରୀ ହୋଇପାରିନଥିଲା lପୁନଶ୍ଚ ଭୂତପୂର୍ବ କେନ୍ଦ୍ର ମନ୍ତ୍ରୀ ସ୍ୱର୍ଗତ କୃପାସିନ୍ଧୁ ଭୋଇ ଏସଟିମେଟ କମିଟି ର ଚେୟାରମେନ ଥିବା ସମୟରେ ଏହି ରେଲଲାଇନ ପାଇଁ ସର୍ଭେ କରାଯିବା ସଙ୍ଗେ ସଙ୍ଗେ ମଞ୍ଜୁରୀ ନିମନ୍ତେ ଲୋକସଭାରେ ଦାବୀ ଉପସ୍ଥାପନ କରିଥିଲେ lବିଭିନ୍ନ ସମୟ ରେ ନିର୍ବାଚିତ ପ୍ରତିନିଧି ମାନେ ଏହି ରେଲୱେ ଲାଇନ ପାଇଁ ଦାବି କରିଆସୁଛନ୍ତି lପଦ୍ମପୁର ଅଞ୍ଚଳବାସୀ ଙ୍କ ନ୍ୟାର୍ଯ୍ୟ ଦାବୀ କୁ ଦୃଷ୍ଟିରେ ରଖି ୨୦୧୫-୧୬ ମସିହାରେ ଆର.ଇ.ଟି ସର୍ଭେ ଅନୁମୋଦନ ହୋଇସାରିଛି lପ୍ରସ୍ତାବିତ ମାଲ ପରିବହନ ଏବଂ ଯାତ୍ରୀ ପରିବହନ ରିପୋର୍ଟ ଆଧାରରେ ଏହି ରେଲ ଲାଇନ ନିମିତ୍ତ ୨୪୦୭.୬୯ କୋଟି ଟଙ୍କା ଖର୍ଚ୍ଚ ହେବ ଓ ଏଇ ରେଲୱେ ଲାଇନ କାର୍ଯ୍ୟକାରୀ ହେଲେ ୧୭%୩୧ ରିଟର୍ଣ୍ଣ ହେବ ବୋଲି ପୂର୍ବତନ ରେଲୱେ ସର୍ଭେ ରିପୋର୍ଟ ରେଲୱେ ବୋର୍ଡ ନୂଆଦିଲ୍ଲୀ କୁ ପ୍ରେରଣ କରି ଏହି ଲାଇନ ମଞ୍ଜୁରୀ ନିମନ୍ତେ ୨୦୧୯ ମସିହାରେ ଅନୁରୋଧ କରାଯାଇଛି lପଦ୍ମପୁର-ବିଜେପୁର -ପାଇକମାଲ ର ଓକିଲ ସଂଘ,ବଣିକ ସଂଘ ଓ ନାଗରିକ କମିଟି କୁ ନେଇ ଗଠିତ ମିଳିତ କ୍ରିୟାନୁଷ୍ଠାନ କମିଟି ଏ ସଂପର୍କରେ ମାନ୍ୟବର ପ୍ରଧାନମନ୍ତ୍ରୀ, ରେଲୱେ ମନ୍ତ୍ରୀ ଭାରତ ସରକାର,ଓଡ଼ିଶା ର ମାନ୍ୟବର ମୁଖ୍ୟମନ୍ତ୍ରୀ, ନିର୍ବାଚିତ ଲୋକସଭା ଓ ରାଜ୍ୟସଭାର ସାଂସଦ ମାନଙ୍କୁ ଅନେକ ଥର ଦାବୀପତ୍ର ପ୍ରଦାନ କରି ସାରିଛନ୍ତି lମିଳିତ କ୍ରିୟାନୁଷ୍ଠାନ କମିଟି ର ଆବାହକ ଓ ପ୍ରତିନିଧି ମଣ୍ଡଳ ମାନ୍ୟବର କେନ୍ଦ୍ର ମନ୍ତ୍ରୀ ଶ୍ରୀମାନ ଧର୍ମେନ୍ଦ୍ର ପ୍ରଧାନ ଙ୍କୁ ମଧ୍ୟ ସୈାଜନ୍ୟ ମୂଳକ ସାକ୍ଷାତ କରିବା ସଙ୍ଗେ ସଙ୍ଗେ ପୂର୍ବତଟ ରେଲୱେ ର ଜେନେରାଲ ମ୍ୟାନେଜର ଙ୍କ ସହିତ ଉଚ୍ଚସ୍ତରୀୟ ଆଲୋଚନା କରିଥିଲେ lମାନ୍ୟବର କେନ୍ଦ୍ର ମନ୍ତ୍ରୀ ଶ୍ରୀମାନ ପ୍ରଧାନ କମିଟି ର ନ୍ୟାର୍ଯ୍ୟ ଦାବି ଆଧାର ରେ ନିଜେ ଏକ ଚିଠି ରେଲୱେ ମନ୍ତ୍ରୀ ଭାରତ ସରକାର ଙ୍କୁ ପ୍ରଦାନ କରିଥିଲେ lମାତ୍ର ସମସ୍ତ ଚେଷ୍ଟା ସତ୍ୱେ କେନ୍ଦ୍ର ବଜେଟ ରେ ଏହି ନୂତନ ରେଳପଥ ପାଇଁ ଅର୍ଥ ମଞ୍ଜୁରୀ ହୋଇନାହିଁ lମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ମଧ୍ୟ ଏଇ ରେଳପଥ ର ଆବଶ୍ୟକତା କୁ ଦେଖି ୨୦୧୮-୧୯ ବଜେଟ ରେ ଏହାକୁ ମଞ୍ଜୁର ପାଇଁ ପ୍ରସ୍ତାବ ଦେଇଥିଲେ lକିନ୍ତୁ କେନ୍ଦ୍ର ରେଲ ବିଭାଗ ମନ୍ତ୍ରାଳୟ ଏହାକୁ ଏ ପର୍ଯ୍ୟନ୍ତ ମଞ୍ଜୁର କରିନାହାନ୍ତି lମାତ୍ର ରେଲ ମନ୍ତ୍ରାଳୟ ଏହି ପରିପ୍ରେକ୍ଷୀରେ ଦେଇଥିବା ପତ୍ର ତା-୧୧.୦୬.୨୦୨୦ ଅନୁସାରେ ଯଦି ଓଡ଼ିଶା ସରକାର ଭୂମିଅଧିଗ୍ରହଣ ଓ ବିସ୍ଥାପନ ଖର୍ଚ୍ଚ ସମ୍ପୂର୍ଣ୍ଣ ବହନ କରିବେ ବୋଲି ପୁନର୍ବାର ପ୍ରସ୍ତାବ ରେଲ ମନ୍ତ୍ରାଳୟ କୁ ଦିଅନ୍ତି ତେବେ ସେଇ ପରିପ୍ରେକ୍ଷୀରେ ଏଇ ନୂତନ ରେଳପଥ ମଞ୍ଜୁରୀ କୁ କାର୍ଯ୍ୟାନ୍ନିତ କରାଯିବ ବୋଲି ଦର୍ଶାଇଛନ୍ତି lରାନୈତିକ ଇଚ୍ଛାଶକ୍ତି ର ଅଭାବ ହେଉ ଅବା ଦୃଢଦାବୀ ଉପସ୍ଥାପନ ହୋଇ ନ ପାରିବା ଦୃଷ୍ଟି ରୁ ଏଇ ନୂତନ ଲାଇନ କୁ ଅଦ୍ୟାବଧି ମଞ୍ଜୁରୀ ମିଳିପାରିନାହିଁ lକେନ୍ଦ୍ର ଓ ରାଜ୍ୟ ର ପରସ୍ପର ପ୍ରତି କାଦୁଅ ଫିଙ୍କାଫିଙ୍ଗୀ ଯୋଗୁଁ ଏଇ ସ୍ପପ୍ନ ଆଶାରେ ହିଁ ରହିଯାଇଛି lବରଗଡ-ନୂଆପଡା ଭାୟା ବିଜେପୁର-ପଦ୍ମପୁର ନୂତନ ରେଳପଥ ନିର୍ମାଣ ହେଲେ ବରଗଡ-ରାୟପୁର ମଧ୍ୟ ରେ ୧୦୪ କିଲୋମିଟର ଦୂରତା କମିଯିବ lଏବଂ ବର୍ତ୍ତମାନ ଟିଟିଲାଗଡ଼ ଦେଇ ଯାଉଥିବା ମାଲବାହୀ ଓ ଯାତ୍ରୀବାହୀ ଟ୍ରେନ୍ ଗୁଡିକ ସିଧା ନୂଆପଡ଼ା ଯାଇ ରାୟପୁର ତଥା ଅନ୍ୟ ସ୍ଥାନକୁ ଯାଇପାରିବେ lଯଦ୍ୱରା ରେଳବାଇ ର ଅନେକ ଖର୍ଚ୍ଚ କମିଯିବ lସେହିପରି ଏହି ନୂତନ ରେଲଲାଇନ ପଶ୍ଚିମ ଓଡ଼ିଶା ର ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ନୃସିଂହନାଥ ଓ ହରିଶଙ୍କର କୁ ସଂଯୋଗ କରିବ ଯଦ୍ୱାରା ଏଇ ଉପାନ୍ତ ଅଞ୍ଚଳରେ ପର୍ଯ୍ୟଟନ ର ବିକାଶ ହୋଇପାରିବ lପଦ୍ମପୁର ଉପଖଣ୍ଡ ର ଚାଷୀ ଭାଇମାନେ ତାଙ୍କର ଝାଳବୁହା ଉପାର୍ଜିତ ଫଳ ପନିପରିବା ବାହାର ବଜାର ରେ ବିକ୍ରୟ କରିପାରିବେ l ଏଣୁ ବରଗଡ-ନୂଆପଡା ରେଳପଥ ଏଇ ଉପାନ୍ତ ଅଞ୍ଚଳର ଅର୍ଥନୈତିକ ଅଭିବୃଦ୍ଧି ରେ ବିଶେଷ ସହାୟକ ହେବ ଏବଂ ରୋଜଗାରର ପନ୍ଥା ସୃଷ୍ଟି କରିପାରିବ lରୋଜଗାର ଅଭାବ ରୁ ଲୋକେ ନିଜ ଭିଟାମାଟି ଛାଡ଼ି ବାହାର ରାଜ୍ୟକୁ କାମଧନ୍ଦା ଅନ୍ୱେଷଣରେ ଯାଉଥିବା ଦାଦନ ସମସ୍ୟା ର ମଧ୍ୟ ସମାଧାନ ହୋଇପାରିବ lରେଲପଥ ନିର୍ମାଣ ହେଲେ ଏଇ ଅଞ୍ଚଳ ରେ ଶିଳ୍ପ ଓ କଳକାରଖାନା ର ବିକାଶ ନିଶ୍ଚିତ ହେବ ଏଥିରେ ତିଳେ ମାତ୍ର ସନ୍ଦେହ ବୋଲି ମିଳିତ କ୍ରିୟାନୁଷ୍ଠାନ କମିଟିର ଆବାହକ ଶ୍ରୀମାନ ଅଜିତ ଶତପଥି ଜଣାଇଛନ୍ତି lବରଗଡ ନୂଆପଡ଼ା ରେଲୱେ ଲାଇନ ମଞ୍ଜୁରୀ କୁ ତ୍ୱରାନ୍ୱିତ କରିବା ପାଇଁ ପଦ୍ମପୁର ମାରୱାଡି ଧର୍ମଶାଳା ଠାରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା l ଏହି ବୈଠକରେ ବିଜେପୁର, ପାଇକମାଲ ଏବଂ ପଦ୍ମପୁର ର ସମସ୍ତ ଓକିଲ ସଂଘ,ବଣିକ ସଂଘ ଓ ନାଗରିକ କମିଟି ର କର୍ମକର୍ତ୍ତା ତଥା ସମସ୍ତ ସଦସ୍ୟ ମାନେ ଯୋଗଦାନ କରିଥିଲେ lମାନ୍ୟବର କେନ୍ଦ୍ର ରେଳମନ୍ତ୍ରୀ ଙ୍କ ପ୍ରସ୍ତାବିତ ପଶ୍ଚିମ ଓଡ଼ିଶା ଗସ୍ତ ସମୟରେ ତାଙ୍କୁ ଏକ ପ୍ରତିନିଧି ଦଳ ସାକ୍ଷାତ କରି ଦାବିପତ୍ର ପ୍ରଦାନ କରାଯିବା ସହିତ ତାଙ୍କୁ ଦିଲ୍ଲୀ ରେ ସାକ୍ଷାତ ଆଲୋଚନା ନିମନ୍ତେ ଅନୁମତି ପାଇଁ ଅନୁରୋଧ କରାଯିବ lମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ମଧ୍ୟ ଏକ ପ୍ରତିନିଧି ଦଳ ସାକ୍ଷାତ କରି ବରଗଡ଼-ନୂଆପଡା ଭାୟା ବିଜେପୁର-ପଦ୍ମପୁର ରେଳପଥ ପାଇଁ ଜମି ଓ ବିସ୍ଥାପନ ଖର୍ଚ୍ଚ ଓଡ଼ିଶା ସରକାର ବହନ କରିବାପାଇଁ ଦାବି କରାଯିବ ବୋଲି ପ୍ରସ୍ତାବ ଗୃହୀତ ହୋଇଛି ବୋଲି ଆବାହକ ଶ୍ରୀମାନ ଶତପଥୀ ଜଣାଇଛନ୍ତି lଅଞ୍ଚଳ ର ବୃହତ ସ୍ୱାର୍ଥ ତଥା ବିକାଶ ନିମନ୍ତେ ଏହି ରେଲଲାଇନ କୁ ଯଥାଶୀଘ୍ର ମଞ୍ଜୁରୀ କରିବାପାଇଁ ବୈଠକ ରେ ମତ ପ୍ରକାଶ ପାଇଥିଲା lଆଜି ର ବୈଠକ ରେ ପଦ୍ମପୁର ନାଗରିକ କମିଟି ର ସଭାପତି ପ୍ରଫେସର ମହେନ୍ଦ୍ର ଭୋଇ ସଭାପତିତ୍ବ କରିଥିଲେ lପଦ୍ମପୁର ବଣିକ ସଂଘ ର ସଭାପତି ପ୍ରତାପ ମିଶ୍ର, ସଦସ୍ୟ ଗଜାନନ ଅଗ୍ରୱାଲ, ଓକିଲ ସଂଘ ର ସଭାପତି ଗୈାତିଆ କୁମାର ସାହୁ,ବିଜେପୁର ଓକିଲ ସଂଘ ର ଅଶୋକ ମାହାନା, ସୁଶାନ୍ତ ବାରିକ, ରାଜପ୍ରସାଦ ସାହୁ, ବିଜେପୁର ନାଗରିକ କମିଟି ର ଅଜିତ ସାହୁ,ବଣିକ ସଂଘ ର ସଭାପତି ପରିକ୍ଷିତ ମେହେର,ପାଇକମାଲ ନାଗରିକ କମିଟି ର ସଭାପତି ମନୋଜ ତ୍ରିବେଦୀ, ଓକିଲ ସଂଘ ର ସମ୍ପାଦକ ରାଜକିଶୋର ସାହୁ,ପାଇକମାଲ ବଣିକ ସଂଘ ର ସଦସ୍ୟ ପ୍ରେମ ସାଗର ଫୈାଜଦାର, ରମେଶ ଅଗ୍ରୱାଲ, ପଦ୍ମପୁର ସାଂସଦ ପ୍ରତିନିଧି ଚିନ୍ମୟ କୁମାର ପଣ୍ଡା ଓ ଟ୍ରକ ମାଲିକ ସଂଘ ର ସଦସ୍ୟ ରମେଶ ଗର୍ଗ ପ୍ରମୁଖ ଉପସ୍ଥିତ ଥିଲେ l