!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବେଗୁନିଆପଡା)- ଗଞ୍ଜାମ ଜିଲ୍ଲା ବ୍ରହ୍ମପୁର ଆମ୍ବପୁଆ ସ୍ଥିତ ଗଜପତିନଗର ପଞ୍ଚମ ଗଳି ର ଦେବୀପ୍ରସାଦ ଦାଶ ଙ୍କ ପୁଅ ସନ୍ତୋଷ ଦାଶ (୩୮) । ତୃତୀୟ ଶ୍ରେଣୀ ରେ ପାଠ ପଢା ଛାଡି ହୋଟେଲ୍ ରେ ଚା କପ୍ ଓ ଅଇଁଠା ବାସନ ମାଜିବା ପାଇଁ ରହିଲେ । ବଡ଼ ହେବା ପରେ ମୂଲ ଲାଗି ଯାହା ଆଣିଲେ ସେଥିରେ ଚଳିଲେ । ବଡ଼ ହୋଇ ବାହାଘର ପରେ ଅଟୋ କିଣି ପରିବାର ଚଳାଇଲେ । ସନ୍ତୋଷ ଙ୍କ ଗୋଟେ ଝିଅ ୧ ୪ବର୍ଷ ର ଏବଂ ଗୋଟେ ପୁଅ ୧୨ ବର୍ଷ ଓ ଆଉ ଗୋଟେ ପୁଅ ୩ ବର୍ଷ ର ।ବେଳଗୁଣ୍ଠା ରୁ ଆସି ଦୀର୍ଘ ୨୦ ବର୍ଷ ହେବ ବ୍ରହ୍ମପୁର ରେ ଘର ଭଡାରେ ରହି ଅଟୋ ଚଳାଇ ପିଲାଙ୍କ ପାଠ ପଢା ବି ବୁଝନ୍ତି । ରୋଜଗାର କମ୍ କିନ୍ତୁ ବେସ୍ ହସ ଖୁସିରେ ଥିଲେ ପରିବାର କୁ ନେଇ । କିନ୍ତୁ କିଏ ଜାଣିଥିଲା ତାଙ୍କ ହସ ଖୁସି ର ପରିବାର ଉପରେ ଦୁଃଖ ର କଳାପାହାଡ଼ ଆସି ମାଡି ବସିବ ବୋଲି । ତମ୍ବାଖୁ , ଗୁଟୁକା ଖାଇ ଖାଇ ପିଲାବେଳୁ ଆଜି ସେ ମୁଖ କର୍କଟ ରୋଗରେ ପୀଡିତ ଅଛନ୍ତି । ଚିକିତ୍ସା ଏବଂ ପରିବାର ପ୍ରତିପୋଷଣ ପାଇଁ ସେ ଏବେ ସର୍ବହରା ହୋଇ ପଡିଛନ୍ତି । ଗତ ଜାନୁଆରୀ ମାସ ରେ ଆରମ୍ଭ ହେଲା ଚିକିତ୍ସା। ପ୍ରଥମେ ବ୍ରହ୍ମପୁର ବଡ଼ ମେଡ଼ିକାଲ୍ ତାପରେ ଭୁବନେଶ୍ୱର ଏମ୍ସ୍ ହସ୍ପିଟାଲ ରେ ୩ଥର ଅପରେସନ ସରିଲା। ମୁଣ୍ଡରୁ ସ୍କିନ୍ ବାହାର କରି ଗାଲରେ ଏବଂ ଜଙ୍ଘ ରୁ ସ୍କିନ୍ ବାହାର କରି ମୁଣ୍ଡରେ ଲଗାଯିବା ପରେ ଏବେ ଶେଷ ଅପରେସନ ବାକି ରହିଛି ଗଳା ର । ଚିକିତ୍ସା କେବଳ ମାଗଣା କିନ୍ତୁ ଷ୍ଟିଲ୍ ରଡ୍ ପାଇଁ ଏବଂ ଯିବା ଆସିବା ଖର୍ଚ୍ଚ ପାଇଁ ଆବଶ୍ୟକ ପଡିଥିଲା ଲକ୍ଷାଧିକ ଟଙ୍କା । ଯାହା ସେ ଚଳାଉ ଥିବା ଅଟୋ ବନ୍ଧା ପକାଇ ଦୁଇଟି ଅପରେସନ କରି ଥିବା ବେଳେ ।
ଗତ ମାସରେ ବିଧାୟକ ବିକ୍ରମ ପଣ୍ଡା ୫ ହଜାର ଟଙ୍କା ଓ ବ୍ରହ୍ମପୁର ଉପଜିଲ୍ଲାପାଳ ଙ୍କ ଠାରୁ ୧୦ହଜାର ଟଙ୍କା ଆର୍ଥିକ ସହାୟତା ପାଇ ତୃତୀୟ ଅପରେସନ୍ କରିଲେ । ସୋସିଆଲ୍ ମିଡିଆ ଓ ଗଣମାଧ୍ୟମ ପ୍ରତିନିଧିମାନ ଙ୍କ ଠାରୁ ଖବର ପାଇ ରାଜ୍ୟ ର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଜୟ ଜଗନ୍ନାଥ ଗ୍ରୁପ୍ ଓଡିଶା ର ପ୍ରତିଷ୍ଠାତା ଶ୍ରୀଯୁକ୍ତ ଶିବ ଶଙ୍କର ଦାଶ ଙ୍କୁ ଚତୁର୍ଥ ନମ୍ବର ଅପରେସନ୍ ପାଇଁ ଜଣାଇବା ପରେ ଆଜି ସଂଗଠନ ର ରାଜ୍ୟ ଉପସଭାପତି ଦୀପକ୍ ପାଣିଗ୍ରାହୀ , ବିଭୁ ପ୍ରସାଦ ଠାକୁର , ରଙ୍ଗରାଜ ପାଣିଗ୍ରାହୀ , ଘନଶ୍ୟାମ ସାହୁ , ସିଦ୍ଧେଶ୍ୱର ପାଣିଗ୍ରାହୀ , ବିନାୟକ ପ୍ରସାଦ ପୁରୋହିତ , ଏ. ସୀମାଦ୍ରୀ ପାତ୍ର ,ରାକେଶ ପାତ୍ର , ଶିବ ଶଙ୍କର ପାଣିଗ୍ରାହୀ , ବିବେକ୍ ମହାରଣା , ଅଜିତ୍ କୁମାର ବରାଡ ପ୍ରମୁଖ ତାଙ୍କ ପାଖରେ ପହଂଚି ୧୦ ହଜାର ଟଙ୍କା ଆର୍ଥିକ ସହାୟତା ସହ ରାସନ ସାମଗ୍ରୀ ଯୋଗାଇ ଦିଆଗଲା । ଏବଂ ଆଗମୀ ଦିନରେ ତାଙ୍କ ଚିକିତ୍ସା ଓ ପିଲାଙ୍କ ପାଠପଢା ପାଇଁ କିଛି ବ୍ୟବସ୍ଥା କରାଯିବ ବୋଲି ପ୍ରତିଷ୍ଠାତା ଶିବ ଶଙ୍କର ଦାଶ କହିଛନ୍ତି ।