!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବେଗୁନିଆପଡ଼ା)- ଗଞ୍ଜାମ ଜିଲ୍ଲାର ଶୈଣ୍ଡିକ ସମାଜର ଅତି ଜଣାଶୁଣା ନେତା ତଥା ଆଠଗଡ ତାଲୁକା ସଭାପତି ଓ ବିଶିଷ୍ଟ ସମାଜ ସେବୀ ନିରଞ୍ଜନ ସାହୁଙ୍କ ଅକାଳ ବିୟୋଗ ରେ କବିସୂର୍ଯ୍ୟନଗର ର ଶୈଣ୍ଡିକ ସମାଜ କୋଠ ଘର ପରିସରରେ ଶୋକ ସଭା ଓ ସ୍ମୃତି ଚାରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବତନ ତାଲୁକା ସଭାପତି ଶ୍ରୀଯୁକ୍ତ ବାହାଦୂର ସାହୁ ଙ୍କ ସଭାପତିତ୍ୱ ରେ ଅକାଳ ବିୟୋଗ ରେ ମୃତ୍ୟୁ ବରଣ କରିଥିବା ନିରଞ୍ଜନ ସାହୁଙ୍କ ଫୋଟ ରେ ପୁଷ୍ପ ମାଲ୍ୟ ଅର୍ପଣ କରି ସଭା କାର୍ଯ୍ୟ ଆରମ୍ଭ କରାଯାଇଥିଲା । ଅନ୍ୟତମ ସଭ୍ୟ ତଥା ଅବସର ପ୍ରାପ୍ତ ଅଧ୍ୟାପକ ଶ୍ରୀଯୁକ୍ତ ଯୋଗୀନ୍ଦ୍ରନାଥ ବୈଦ୍ୟ ଶ୍ରୀ ସାହୁ ଙ୍କ ସ୍ମୃତିକୁ ମନେ ପକାଇ ନିଜର ବକ୍ତବ୍ୟ ରଖିଥିଲେ।ସେହିପରି ଆଠଗଡ ତାଲୁକା ର ଉପସ୍ଥିତ ଥିବା ସମସ୍ତ ସଦସ୍ୟ ତାଙ୍କରି ଅମର ଆତ୍ମାର ସଦ୍ଗଗଦି ନିମନ୍ତେ ଦୁଇ ମିନିଟ୍ ନିରବ ପ୍ରାର୍ଥନା କରିଥିଲେ। ଶୈଣ୍ଡିକ ସମାଜପାଇଁ ତାଙ୍କରି ଯେଉଁ ସବୁ ସ୍ୱପ୍ନ ରହିଥିଲା ତାହା ପୂରଣ କରିବା ପାଇଁ ଆମ ଏହି ପରିବାର ସଦାସର୍ବଦା ଚେଷ୍ଟିତ ବୋଲି ଉପସ୍ଥିତ ସଦସ୍ୟ ମାନେ କହିଥିଲେ ।ଆଜିର ଏହି କାର୍ଯ୍ୟକ୍ରମ ରେ ଯୁବ ବିଜେଡି ନେତା ବିକ୍ରାନ୍ତ ସାହୁ(ସିଲୁ),ପୂର୍ବତନ ନଗର ପାଳ ପ୍ରକାଶ ଚନ୍ଦ୍ର ସାହୁ, ଚତୃଭୂଜ ସାହୁ, ଦିଲ୍ଲୀପ ସାହୁ, ସୀମାଞ୍ଚଳ ସାହୁ, ଅଭିମନ୍ୟୁ ସାହୁ, ଦୁତିକୃଷ୍ଣ ସାହୁ, ବୃନ୍ଦାବନ ସାହୁ ପ୍ରମୁଖ ଉପସ୍ଥିତ ଥିଲେ । ସଭା ଶେଷରେ ବିକ୍ରାନ୍ତ ସାହୁ ଧନ୍ୟବାଦ ପ୍ରଦାନ କରି ସଭାସାଙ୍ଗ କରିଥିଲେ ।