ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ‘ମାଲେସିଆ ମାଷ୍ଟରସ୍-୨୦୧୯’ର ମହିଳା ସିଙ୍ଗିଲ୍ସର ସେମି ଫାଇନାଲ୍ରେ ହାରି ଯାଇଛନ୍ତି ଭାରତୀୟ ବ୍ୟାଡ୍ମିଣ୍ଟନ୍ ତାରକା ସାଇନା ନେହୱାଲ୍।
ମାଲେସିଆର ରାଜଧାନୀ କୁଆଲାଲୁମ୍ପୁରରେ ଚାଲିଥିବା ଏହି ପ୍ରତିଯୋଗିତାରେ ଆଜି ସାଇନା ସ୍ପେନ୍ର କାରୋଲିନା ମାରିନ୍ଙ୍କ ଠାରୁ ୧୬-୨୧, ୧୩-୨୧ରେ ପରାସ୍ତ ହୋଇଥିଲେ। ତିନି ଥର ବିଶ୍ୱ ଚାମ୍ପିଅନ ହୋଇଥିବା କାରୋଲିନ୍ ଏହି ମ୍ୟାଚ୍ରେ ଆରମ୍ଭରୁ ଶେଷ ଯାଏ ଭାରତୀୟ ତାରକା ସାଇନାଙ୍କ ଉପରେ ପ୍ରାଧ୍ୟାନ୍ୟ ବିସ୍ତାର କରି ରହିଥିଲେ। ୪୦ ମିନିଟ୍ ଧରି ଏହି ମ୍ୟାଚ୍ ଚାଲିଥିଲା। ଫାଇନାଲ୍ରେ କାରୋଲିନା ମାଲେସିଆର ଗୋ ଜିନ୍ ୱି ଅବା ଥାଇଲ୍ୟାଣ୍ଡର ରାଚୋନକ୍ ଇଞ୍ଚାନନ୍ଙ୍କୁ ଭେଟିବେ।
ଗତକାଲି ସାଇନା ଜାପାନର ନୋଜୋମି ଓକୁହାରାଙ୍କୁ ହରାଇ ସେମି ଫାଇନାଲ୍ରେ ପ୍ରବେଶ କରିଥିଲେ।
ସୂଚନାଯୋଗ୍ୟ, ୨୦୧୭ରେ ସାଇନା ‘ମାଲେସିଆ ମାଷ୍ଟରସ୍’ ଟାଇଟଲ୍ ଅର୍ଜନ କରିଥିଲେ। ୨୦୧୧ରେ ସେ ରନର୍ସ-ଅପ୍ ହୋଇଥିଲେ।
