ଏଥର ସମ୍ଭାଳ ବ୍ୟୁରୋ(ମୁମ୍ବାଇ)- ବି-ଟାଉନ୍ର ଡ୍ୟାନ୍ସିଂ ଷ୍ଟାର୍ ଟାଇଗର ଶ୍ର୍ରଫ । ଖୁବ୍ କମ୍ ଦିନ ମଧ୍ୟରେ ବାପା ଜ୍ୟାକି ସ୍ରଫଙ୍କ ଭଳି ସେ ନିଜ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ନିଜ ଅଭିନୟ, ଦମଦାର ଆକ୍ସନ ଏବଂ ଡ୍ୟାନ୍ସ ଜରିଆରେ ଦର୍ଶକଙ୍କୁ ଦିୱାନା କରିଛନ୍ତି ଟାଇଗର। ତେବେ ଏହି ଅଭିନେତା ଜଣକ ନିଜ ଆକ୍ଟିଂ ବ୍ୟତୀତ ନିଜ ବ୍ୟକ୍ତିଗତ ଜୀବନକୁ ନେଇ ମଧ୍ୟ ସର୍ବଦା ଚର୍ଚ୍ଚାରେ ରହିଥା’ନ୍ତି। ଟାଇଗର ଓ ଅଭିନେତ୍ରୀ ଦିଶା ପଟାନୀଙ୍କ ମଧ୍ୟରେ ଦୀର୍ଘ ଦିନହେବ ପ୍ରେମ ସମ୍ପର୍କ ଚାଲିଛି। ଦୁହେଁ ପରସ୍ପରଙ୍କୁ ଡେଟ୍ କରୁଛନ୍ତି। ଉଭୟଙ୍କୁ ଅନେକ ଏକାଠି ବିଭିନ୍ନ ପାର୍ଟିରେ ଦେଖିବାକୁ ମଧ୍ୟ ମିଳେ। ତେବେ ଦୁହେଁ କିନ୍ତୁ ଅଫିସିଆଲି ନିଜ ପ୍ରେମ ସମ୍ପର୍କକୁ ନେଇ ଜାହିର କରିନାହାନ୍ତି। ଏହାରି ଭିତରେ ଜ୍ୟାକି ଶ୍ରଫ ପୁଅ ଟାଇଗରଙ୍କ ଲଭ୍ ଲାଇଫ୍କୁ ନେଇ ବଡ଼ ଖୁଲାସା କରିଛନ୍ତି। ନିକଟରେ ଏକ ସାକ୍ଷାତକାରରେ ଜ୍ୟାକି କହିଛନ୍ତି, ‘ପ୍ରଥମେ ୨୫ ବର୍ଷ ବୟସରେ ଟାଇଗର ଡେଟିଂ ଆରମ୍ଭ କରିଥିଲେ। ଦିଶା ଏବଂ ଟାଇଗର ପ୍ରକୃତରେ ଭଲ ବନ୍ଧୁ। ମୁଁ ଜାଣିନି ଦୁହେଁ ତାଙ୍କର ଭବିଷ୍ୟତ ପାଇଁ କ’ଣ ନିଷ୍ପତ୍ତି ନେଇଛନ୍ତି। ତେବେ ମୁଁ ଗୋଟିଏ କଥା ନିଶ୍ଚିତ ଯେ, ଟାଇଗର ନିଜ କାମ ଉପରେ ଅଧିକ ଧ୍ୟାନ ଦିଅନ୍ତି। ଟାଇଗରଙ୍କ ପାଇଁ ତାଙ୍କ କାମ ହିଁ ବଡ଼, ତାହା ତାଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ। ସେ ନିଜ କାମକୁ ନେଇ ବେଶ୍ ସିରିଅସ୍।’ ସୂଚନା ମୁତାବକ, ନିକଟରେ ଦିଶା ପଟାନୀ ଟାଇଗର ଶ୍ରଫ ଏବଂ ତାଙ୍କ ଉଭଣୀ କୃଷ୍ଣାଙ୍କ ସହ ନିଜ ଜନ୍ମଦିନ ପାଳନ କରିଥିଲେ। ତାଙ୍କ ଜନ୍ମଦିନ ପାଳନର ଫଟୋକୁ ଦିଶା ନିଜେ ତାଙ୍କ ଇନ୍ଷ୍ଟାଗ୍ରାମରେ ସେଆର କରିଥିଲେ।
