!!! ଗଜପତି ଜିଲ୍ଲା ପାରଳାଖେମୁଣ୍ଡି ରୁ ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ତଥା ପୌର-ପରିଷଦରେ ଆରମ୍ଭ ହୋଇଛି ଦ୍ଵିତୀୟ ପର୍ଯ୍ୟାୟ ୧୮ରୁ ୪୪ ବର୍ଷ ବ୍ୟକ୍ତିଙ୍କ ପ୍ରଥମ ଡୋଜ୍ କୋଭିଡ୍ ଟୀକାକରଣ କାର୍ଯ୍ୟକ୍ରମ । ଏହି ଟୀକାକରଣ କାର୍ଯ୍ୟକ୍ରମ ସହରରେ ୧୭ ଓ ୧୮ ତାରିଖ ୨ ଦିନ ଧରି ୮ଟି କେନ୍ଦ୍ରରେ ଯଥା :- ଜିଲ୍ଲା ମୁଖ୍ୟଚିକିତ୍ସାଳୟ , ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର , ସରସ୍ୱତୀ ଶିଶୁ ବିଦ୍ୟା ମନ୍ଦିର , ଟାଉନ୍ ହଲ୍ , ମହାରାଜା ଓଡ଼ିଆ ବାଳିକା ବିଦ୍ୟାଳୟ , ଗାନ୍ଧୀ ମେମୋରିଆଲ୍ ସ୍କୁଲ ବ୍ଳକ (ଏ) ଓ ଗାନ୍ଧୀ ମେମୋରିଆଲ୍ ସ୍କୁଲ ବ୍ଳକ (ବି) , ଆର୍ ଏମ୍ ସି କଟନ ୟାର୍ଡ ସେଣ୍ଟରରେ ଟୀକାକରଣ ଦେବାର ବ୍ୟବସ୍ଥା ରହିଛି । ସ୍ଥାନୀୟ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ବି.ଖଜୁରୀପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ମମତା ପାଢ଼ୀଙ୍କ ବ୍ୟକ୍ତିଗତ ତଦାରଖରେ ମାନସିକ ଅନଗ୍ରସ ବିଦ୍ୟାଳୟ “ନିୟତି”ର ୧୮ରୁ ଉର୍ଦ୍ଧ୍ବ ବର୍ଷର ଛାତ୍ର ଛାତ୍ରୀଙ୍କ କୋଭିଡ୍ ଟୀକାକରଣ କରାଯାଇଛି। ଟୀକା ନେବାପାଇଁ ଏହି ବୟସର ଛାତ୍ର ଛାତ୍ରୀ ମାନେ ଏଥିପାଇଁ ଖୋଲା ଯାଇଥିବା କୋଇନ୍ ପୋର୍ଟାଲରେ ନାମ ପଞ୍ଜିକରଣ କରିଥିଲେ ଏବଂ ଗତ ୧୬ ତାରିଖ ଦିନ ଅପରାହ୍ନ ୪ଟା ଠାରୁ ସ୍ଲଟ ବୁକିଙ୍ଗ କରିଥିଲେ।
ଟୀକା ନେବାପରେ ସେମାନଙ୍କୁ ୩୦ ମିନିଟ୍ ପର୍ଯ୍ୟନ୍ତ ନିରୀକ୍ଷଣ କକ୍ଷରେ ବସାଯାଇଥିଲା ।
ଦୁଇ ଦିନ ଟୀକାକରଣରେ ବିଦ୍ୟାଳୟର ୧୦ ଜଣ ଛାତ୍ର ଛାତ୍ରୀ ନିୟତି ବେବର୍ତ୍ତା , କାଁହୁ ଚରଣ ପଣ୍ଡା , ସୁମନ ଜାଫିନ ରାଇକା , ପୁରନ୍ଦର ପାଣିଗ୍ରାହୀ , ଗାୟତ୍ରୀ ପାଣିଗ୍ରାହୀ , ଲିଜି ମୂର୍ତ୍ତି ରାଓ , ସୁଶାନ୍ତ କୁମାର ଭୁକ୍ତା , ସ୍ୱାଭିମାନ ପାଢ଼ୀ , ମହେନ୍ଦ୍ର ପାଢ଼ୀ , ଲକ୍ଷ୍ମୀନୃସିଂହ ପଟ୍ଟନାୟକ ପ୍ରଥମ ଡୋଜ୍ କୋଭିଡ୍ ଟୀକା ନେଇଛନ୍ତି।ଏ.ଏନ୍ଏ.ମ୍ : ଟି.ବିଜୟଲକ୍ଷ୍ମୀ ଏବଂ ଏ ଏନ୍ ଏମ୍ : ପି.ଦୀପ୍ତି ଆସିଥିବା ସମସ୍ତ ଛାତ୍ର ଛାତ୍ରୀ ମାନଙ୍କୁ ଟୀକା ଦେଇଥିଲେ । ଜିଲ୍ଲା ମୁଖ୍ୟ ଚିକିତ୍ସାଅଧିକାରୀ ଡାକ୍ତର ପ୍ରଦୀପ କୁମାର ପାତ୍ର , ଜିଲ୍ଲା କୋଭିଡ୍ ଟୀକା ଇଂଚାର୍ଜ ଡାଃ.ମୁନୀର , ଶେଷଦେବ ମିଶ୍ର ଏବଂ ଅନ୍ୟାନ୍ୟ ପଦାଧିକାରୀ ମାନେ ଯୋଗ ଦେଇଥିଲେ। ବରିଷ୍ଠ ସାମ୍ବାଦିକ ତଥା ସମାଜସେବୀ ଶ୍ରୀ ଭାଗବତ ପାଢ଼ୀ , ଶ୍ରୀ ଲିଙ୍ଗରାଜ ପାଣିଗ୍ରାହୀ ନିର୍ଦେଶକ ହେଲ୍ପ , “ନିୟତି”ର ପ୍ରତିଷ୍ଠାତା ସମ୍ପାଦକ ବିଚିତ୍ରାନନ୍ଦ ବେବର୍ତ୍ତା , ସୁଶ୍ରୀ ଜ୍ୟୋଷ୍ଣା ଡାକୁଆ , ଦେବଦତ୍ତ ବେବର୍ତ୍ତା , ସେହ୍ନଲତା ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ।
