ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ସ୍ଥିତ ଗାୟତ୍ରୀ ଫାର୍ମାସି ମହାବିଦ୍ୟାଳୟରେ ରାଜ୍ଯ ସରକାରଙ୍କ ଦ୍ବାରା ଅନ୍ବେଷଣ କରାଯାଉଥିବା ନୁତନ ଚିନ୍ତାଧାରା ଓ ଷ୍ଟାର୍ଟଅପ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଫାର୍ମାସି ବିଭାଗ ଛାତ୍ରଛାତ୍ରୀମାନେ ଯୋଗଦେଇ ନିଜ ଷ୍ଟାର୍ଟଅପ ଚିନ୍ତାଧାରା ବିଷୟରେ କହିଥିଲେ । ଓଡ଼ିଶା ସରକାରଙ୍କ ଭ୍ରାମ୍ୟମାଣ ଷ୍ଟାର୍ଟଅପ ଭ୍ଯାନ ମହାବିଦ୍ୟାଳୟ ପରିସରରେପହଞ୍ଚି ଛାତ୍ରଛାତ୍ରୀଙ୍କଠାରୁ ଅଭିନବ ବିଚାର ସଂଗ୍ରହ କରିଥିଲା । ଅରୁଣ ଦତ୍ତ,ସାଇକ୍ରିସନା ସ୍ବାଇଁ, ଏ.ପ୍ରକୃତି,ଆଶୁତୋଷ ସାହୁ,ପ୍ରସାନ୍ତ ଦାମୋଦର,ଜେ.କାର୍ତ୍ତିକ ପ୍ରମୁଖ ଛାତ୍ରଛାତ୍ରୀ ନିଜ ଚିନ୍ତାଧାରା ଗୁଡିକ ଉପସ୍ଥାପନା କରିଥିଲେ ଓ ଓଡ଼ିଶା ଷ୍ଟାର୍ଟଅପ ଆପ୍ ରେ ଏହିସବୁ ପ୍ରକଳ୍ପ ଓ ଚିନ୍ତାଧାରା ଗୁଡିକୁ ପଞ୍ଜୀକରଣ ଛାତ୍ରଛାତ୍ରୀ ମାନେ କରିଥିଲେ । ଶ୍ରେଷ୍ଠ ଉପସ୍ଥାପନାକୁ ବିଚାରକୁ ନେଇ ଭୁବନେଶ୍ବରରେ ପୁରସ୍କୃତ କରାଯିବ ।
ଅଧ୍ୟକ୍ଷ ଶ୍ରୀଯୁକ୍ତ ଡଃ.ପ୍ରକାଶ ଚନ୍ଦ୍ର ସେନାପତି, ଡଃ.କାହ୍ନୁଚରଣ ପାଣିଗ୍ରାହୀ, ପ୍ରଶାସନିକ ଅଧିକାରୀ ପି.ଭି.କୋଟେଶ୍ୱର ରାଓ ପ୍ରମୁଖ ଏପରି କାର୍ଯ୍ୟକ୍ରମ ଅନୁଷ୍ଠିତ ହେଉଥିବାରୁ ଛାତ୍ରଛାତ୍ରୀଙ୍କ ମନରେ ଥିବା ନୁତନ ଚିନ୍ତାଧାରା ପରିପ୍ରକାଶ କରିପାରିବେ ବୋଲି କହିଥିଲେ । ଏହି କାର୍ଯ୍ୟକ୍ରମରେ ସମସ୍ତ ଅଧ୍ୟାପକ ଅଧ୍ୟାପିକା ଯୋଗଦେଇଥିଲେ । ଏହିପରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାରୁ ଅନୁଷ୍ଠାନର ଚେୟାରମ୍ୟାନ ଶ୍ରୀଯୁକ୍ତ ଅକ୍ଷୟ ଦାସ ଓ ପରିଚାଳନା ନିର୍ଦ୍ଦେଶକ ଶ୍ରୀଯୁକ୍ତ ସଞ୍ଜୟ ସାହୁ ଅଭିନନ୍ଦନ ଜଣାଇଥିଲେ ।
