୧୮ ଜିଲ୍ଲାରେ ହେବ ବଜ୍ରପାତ ସହ ବର୍ଷା…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ରାଜ୍ୟର ୧୮ଟି ଜିଲ୍ଲାକୁ ବଜ୍ରପାତ ସହ ବର୍ଷା ହେବ। ସେଥିପାଇଁ ୟେଲୋ ୱାର୍ଣ୍ଣିଂ ଜାରି କରିବା ସହ ସତର୍କ ସୂଚନା ଜାରି କରିଛି ଭାରତୀୟ ପାଣିପାଗ ବିଭାଗ। ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, କୋରାପୁଟ, ମାଲକାନଗିରି, ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ, କନ୍ଧମାଳ ଓ ରାୟଗଡ଼ା ଜିଲ୍ଲାରେ ହେବ ବଜ୍ରପାତ ହେବା ସହ ବର୍ଷା ହେବ। ସଂପୃକ୍ତ ଜିଲ୍ଲାବାସୀଙ୍କୁ କାଲି ସକାଳ ଯାଏଁ ସତର୍କ ରହିବାକୁ ପରାମର୍ଶ ଦେଇଛି ପାଣିପାଗ ବିଭାଗ।ବାତ୍ୟା ୟାସ୍‌ ଆସିବା ପୂର୍ବରୁ ଓଡ଼ିଶାରେ ବିଭିନ୍ନ ସ୍ଥାନରେ ବର୍ଷା ସହ ବଜ୍ରପାତ ହେଉଛି। ଶୁକ୍ରବାର ବାଲେଶ୍ୱ, କେନ୍ଦୁଝର, ଗଞ୍ଜାମ ସମେତ ରାଜଧାନୀ ଭୁବନେଶ୍ୱରରେ କେତେକ ସ୍ଥାନରେ ବର୍ଷା ହୋଇଛି। ଏପରିକି ବଜ୍ରପାତ ହୋଇଥିଲା। ବଜ୍ରପାତରେ କେନ୍ଦୁଝରରେ ଗୋଟିଏ ପରିବାରର ୩ ଜଣ ଯାଯାବରଙ୍କ ମୃତ୍ୟୁ ଘଟିଥିଲା। ସେହିପରି ଆସିକା ଅଞ୍ଚଳରେ ଶୁଦ୍ଧି କ୍ରିୟା ଚାଲିଥିବା ବଜ୍ରପାତ ହେବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିଲେ। ଏହାଛଡ଼ା ଅନେକ ସ୍ଥାନରେ ବର୍ଷା ହୋଇ ଫସଲ ନଷ୍ଟ ହୋଇଥିବା ଦେଖିବାକୁ ମିଳିଛି।