ଏଥର ସମ୍ଭାଳ ବ୍ୟୁରୋ (ରାଞ୍ଚି) : ବହୁ କୋଟି ଟଙ୍କାର ଗୋଖାଦ୍ୟ ଦୁର୍ନୀତିରେ ଦୋଷୀ ସାବ୍ୟସ୍ତ ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ଜାମିନ ଆବେଦନକୁ ଗୁରୁବାର ଝାଡଖଣ୍ଡ ହାଇକୋର୍ଟ ଅଗ୍ରାହ୍ୟ କରିଦେଇଛନ୍ତି। ଗୋଖାଦ୍ୟ ଦୁର୍ନୀତି ସମ୍ପର୍କିତ ତିନିଟି ମାମଲାରେ ଲାଲୁ ଦୋଷୀ ସାବ୍ୟସ୍ତ ହୋଇ ୨୦୧୭ ଡିସେମ୍ବରରୁ ଜେଲ୍ ଦଣ୍ଡ ଭୋଗୁଛନ୍ତି। ଏହି ତିନିଟି ମାମଲାରେ ଜାମିନ ପାଇଁ ଲାଲୁ ଆବେଦନ କରିଥିଲେ। ଲାଲୁଙ୍କ ଜାମିନ ଆବେଦନକୁ ବିଚାରପତି ଅର୍ପେଶ କୁମାର ସିଂହ ଅଗ୍ରାହ୍ୟ କରିଦେଇଛନ୍ତି। ଲାଲୁଙ୍କ ପାଇଁ ବରିଷ୍ଠ ଓକିଲ କପିଲ ସିବଲ ଯୁକ୍ତି ଉପସ୍ଥାପନ କରିଥିଲେ।
ଗୋଖାଦ୍ୟ ଦୁର୍ନୀତି: ଲାଲୁଙ୍କ ଜାମିନ ଆବେଦନ କୁ ଖାରଜ ।
