ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – ରାଜ୍ୟ ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ ୩ ଦିନିଆ ଓଡ଼ିଶା ଗସ୍ତରେ ଆସିଛନ୍ତି। ପ୍ରଥମ ଦିନ ଅର୍ଥାତ ଗୁରୁବାର ସେ କୁନିଝିଅ ପରୀଙ୍କ ପରିବାରକୁ ଭେଟିବା ପାଇଁ ନୟାଗଡ଼ ଯାଇଥିଲେ। ଆଜି ସେ ରାଜ୍ୟରେ ଦଳର ସାଙ୍ଗଠନିକ ସ୍ଥିତିକୁ ମଜବୁତ କରିବା ନେଇ ଜିଲ୍ଲା ସଭାପତିଙ୍କ ସହ ଆଲୋଚନା କରିଛନ୍ତି। ଏଥିସହ ୧୪୭ ବିଧାନସଭା କ୍ଷେତ୍ରର ନେତାଙ୍କ ସହ ମଧ୍ୟ ଡି. ପୁରନ୍ଦେଶ୍ୱରୀ ଆଲୋଚନା ଓ ପର୍ଯ୍ୟାଲୋଚନା କରିଛନ୍ତି। ଜିଲ୍ଲାସ୍ତରରେ ଲୋକଙ୍କ ସହ କର୍ମୀଙ୍କୁ ଯୋଡ଼ି ହେବା ପାଇଁ ଗୁରୁ ମନ୍ତ୍ର ଦେଉଛନ୍ତି ପ୍ରଭାରୀ ଡି. ପୁରନ୍ଦେଶ୍ୱରୀ। ରାଜ୍ୟ ସରକାରଙ୍କ ବିଫଳତା ବିରୋଧରେ କର୍ମୀଙ୍କୁ ଏକାଠି କରିବାକୁ ବ୍ଲୁ ପ୍ରିଣ୍ଟ୍ କରିଛନ୍ତି। ବିଶେଷ ଭାବେ ବୁଥ୍ ସ୍ତରରେ ସଂଗଠନକୁ ଅଧିକ ଗୁରୁତ୍ୱ ଦେଇଛନ୍ତି। ୨୫ ଜଣଙ୍କୁ ନେଇ ବୁଥ୍ ସ୍ତରର କମିଟି ଗଠନ କରିବାକୁ ସେ ପରାମର୍ଶ ଦେଇଛନ୍ତି। ସେହି କମିଟି ରାଜ୍ୟର ଶିଶୁ, ମହିଳା, ଚାଷୀ ବର୍ଗ ପାଇଁ କାମ କରିବାକୁ ଆହ୍ୱାନ ଦେଇଛନ୍ତି। ବିଜେପି ନେତ୍ରୀ ପ୍ରଭାତି ପରିଡ଼ା କହିଛନ୍ତି-“ପ୍ରଭାରୀ ଓଡ଼ିଶା ଆସିବା ପରେ ପ୍ରଥମେ ପରୀକୁ ନ୍ୟାୟ ଦେବା ପାଇଁ ଚାଲିଥିବା ଆନ୍ଦୋଳନ ସ୍ଥଳକୁ ଗଲେ। ଏହାର ଅର୍ଥ ମହିଳାଙ୍କ ସୁରକ୍ଷା ନେଇ ଚାଲିଥିବା ଲଢ଼େଇଙ୍କୁ ଆହୁରି ତୀବ୍ରତର କରାଯିବ। କୃଷକ ଓ ମହିଳାଙ୍କ ସୁରକ୍ଷାକୁ ସେ ଅଗ୍ରାଧୀକାର ଦେଇଛନ୍ତି।”
ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ ଗୁରୁମନ୍ତ୍ର !
