ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) – ଆଇପିଏସ୍ ଅରୁଣ ବୋଥ୍ରାଙ୍କୁ ସିନେମା ଅଡ଼ୁଆ। ପାଟଣାଗଡ଼ ପାର୍ସଲ୍ ବୋମା ବିସ୍ଫୋରଣ ମାମଲାରେ ମୁଖ୍ୟ ଅଭିଯୁକ୍ତ ପୁଞ୍ଜିଲାଲ୍ ମେହେରଙ୍କ ପତ୍ନୀ ତତ୍କାଳୀନ କ୍ରାଇମବ୍ରାଞ୍ଚ ଆଇଜି ଅରୁଣ ବୋଥ୍ରାଙ୍କୁ ଲିଗାଲ୍ ନୋଟିସ୍ ପଠାଇବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି । ମାମଲା ବିଚାରାଧୀନ ଥିବା ବେଳେ, ଏଥିରେ ପୁଞ୍ଜିଲାଲାଲଙ୍କୁ ଦୋଷୀ ଦର୍ଶାଇ କେମିତି ଫିଲ୍ମ ତିଆରି ହେଲା ପଚାରିବା ସହ ବୋଥ୍ରା ଏଥିରେ ପ୍ରମୋଟର ଥିବା ନୋଟିସ୍ରେ ଦର୍ଶାଇଛନ୍ତି ପୁଞ୍ଜିଲାଲଙ୍କ ପତ୍ନୀ ସୌଦାମିନୀ ।ମାମଲାରେ ଅରୁଣ ବୋଥ୍ରା ପୁଞ୍ଜିଲାଲଙ୍କୁ ଫସାଇଦେଇଥିବା ଅଭିଯୋଗ କରି, ନିଃସର୍ତ୍ତ କ୍ଷମା ପ୍ରାର୍ଥନା ଦାବି କରିବା ସହ, କ୍ଷମା ନମାଗିଲେ ୨୦ ଲକ୍ଷ ଟଙ୍କାର ମାନହାନୀ ମୋକଦ୍ଦମା ଧମକ ଦେଇଛନ୍ତି ପୁଞ୍ଜିଲାଲଙ୍କ ପତ୍ନୀ । ଅନ୍ୟପକ୍ଷରେ ଏହି ପ୍ରସଙ୍ଗରେ ପ୍ରତିକ୍ରିୟା ରଖି ଅରୁଣ ବୋଥ୍ରା କହିଛନ୍ତି, ଫିଲ୍ମ ସହ ମୋର କୌଣସି ସଂପର୍କ ନାହିଁ । ପୁଞ୍ଜିଲାଲଙ୍କ ପତ୍ନୀଙ୍କୁ ମୋର ଟଙ୍କାଟିଏ ବି ଦେବାର ନାହିଁ। ସେ କୋର୍ଟରେ ଯାହା କରିବା କଥା କରନ୍ତୁ ବୋଲି ରୋକ୍ଠୋକ କହିଛନ୍ତି।
ଆଇପିଏସ୍ ଅରୁଣ ବୋଥ୍ରାଙ୍କୁ ସିନେମା ଅଡ଼ୁଆ !
