!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ !!!
ଏଥର ସମ୍ଭାଳ (ଧର୍ମଗଡ଼) – “ମାନବ ସେବା ହି ମାଧବ ସେବା “; ଜଗନ୍ନାଥ ସେବା ସମିତି ପକ୍ଷରୁ ଆଜି ଅଞ୍ଚଳର ଗରିବ ଲୋକଙ୍କୁ କମ୍ବଳ ବଣ୍ଟନ କରାଯାଇଥିଲା। ୧୦ ଦିନ ମଧ୍ୟରେ ଜିଲ୍ଲାର ବିଭିନ୍ନ ଅଂଚଳରେ ପ୍ରାୟ୨ ହଜାର କମ୍ବଳ ବଣ୍ଟନ କରାଯାଇଥିବା ବେଳେ ଆଗାମୀ ଦିନରେ ଜିଲ୍ଲାର ଦୁର୍ଗମ ଆଦିବାସୀ ବହୁଳ ଅଂଚଳରେ ଶୀତ ବସ୍ତ୍ର ବଣ୍ଟନ ଜାରି ରହିବ ବୋଲି ଜଗନ୍ନାଥ ସେବା ସମିତି ର ଅଧ୍ୟକ୍ଷ ବିଷ୍ଣୁ ପ୍ରସାଦ ଅଗ୍ରୱାଲ ପ୍ରକାଶ କରିଛନ୍ତି।ଏହି ଅବସରରେ ସମିତି ପକ୍ଷରୁ ଏକ ମାନସିକ ରୋଗୀ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା।ନାଗପୁର ର ବିଶିଷ୍ଟ ମାନସିକ ରୋଗୀ ବିଶେଷଜ୍ଞ ଡାକ୍ତର ପ୍ରଦୀପ ପାଟିଲ ଏହି ଶିବିରକୁ ରୋଗୀ ଦେଖିବାକୁ ଆସିଥିବା ବେଳେ ଜିଲ୍ଲା କେମିଷ୍ଟ ଏଣ୍ଡ ଡ୍ରଗିଷ୍ଟ ସଂଘର ସଭାପତି ଶ୍ରୀ ଅଶୋକ ରାଉତ,ଧର୍ମଗଡ଼ ଚେମ୍ବର ଅଫ କମର୍ସର ସଭାପତି ବିଦ୍ୟାଧର ସାହୁ, ଶ୍ୟାମ ପରିବାର ର ପ୍ରତିଷ୍ଠାତା କିଶୋର ଅଗ୍ରୱାଲ,ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ଏବଂ ଗରିବ ମାନଙ୍କୁ ଶୀତ ବସ୍ତ୍ର ବଣ୍ଟନ କରିଥିଲେ।ଜଗନ୍ନାଥ ସେବା ସମିତି ର ଉପସଭାପତି ଲଷ୍ମୀ କାନ୍ତ ବାଗ ମଞ୍ଚ ପରିଚାଳନା କରିଥିବାବେଳେ ଅନୁଷ୍ଠାନ ର ସାଧାରଣ ସମ୍ପାଦକ ବୈଦ୍ୟନାଥ ବେହେରା ଧନ୍ୟବାଦ ପ୍ରଦାନ କରିଥିଲେ।ସର୍ବଶ୍ରୀ ସୁଶାନ୍ତ କୁମାର ସାହୁ, ବରିଷ୍ଠ ସାମ୍ବାଦିକ ବିରଞ୍ଚି ନାରାୟଣ ଜାଲ, ଜୟଦ୍ରତ ମହାନନ୍ଦ, ପେକ୍ସ ସଭାପତି ହିମାଂଶୁ ପଣ୍ଡା, ମୁରଲୀ ପାତ୍ର ପ୍ରମୁଖ ଏହିଅବସରରେ ଉପସ୍ଥିତ ଥିଲେ।