!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନୀତା କୁମାରୀ ଅଧିକାରୀ ଙ୍କ ରିପୋର୍ଟ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ୍ ଠାରେ ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓ ଜିଲ୍ଲା ପ୍ରସାଶନର ମିଳିତରେ ଜିଲ୍ଲା ସ୍ତରୀୟ ଭିନ୍ନକ୍ଷମ କ୍ରୀଡା ପ୍ରତିଯୋଗିତା-୨୦୧୯ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏହି ଅବସରରେ ଆୟୋଜିତ ଉଦ୍ ଘାଟନୀ ସଭାରେ ଜିଲ୍ଲାପାଳ ଅନୁପମ ସାହା ମୁଖ୍ୟ ଅତିଥି ଭାବେ ଯୋଗଦେଇ ଭିନ୍ନକ୍ଷମ ମାନଙ୍କୁ ସରକାରଙ୍କ ପକ୍ଷରୁ ବିଭିନ୍ନ ସହାୟତା ଯୋଗାଇ ଦେବା ବ୍ୟବସ୍ଥା ରହିଛି । ସେମାନେ ସେହି ସହାୟତା ବ୍ୟବସ୍ଥା ପାଇ ସମାଜର ମୁଖ୍ୟ ସ୍ରୋତରେ ସାମିଲ ହେବା ସରକାରଙ୍କ ମୁଖ୍ୟ ଉଦ୍ଦେଶ୍ୟ । ତେଣୁ ନିଜର ଚେଷ୍ଟା ଆତ୍ମବିଶ୍ବାସର ସହ ଜାରି ରଖି ଭବିଷ୍ୟତରେ ଆଗକୁ ବଢି ସମାଜ ଓ ଜିଲ୍ଲାର ନାମ ରଖିବାକୁ ଆହ୍ବାନ କରିଥିଲେ । ଅନ୍ୟତମ ଅତିଥି ଭାବେ ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା ଯୋଗଦେଇ ଆତ୍ମବିଶ୍ବାସ ଓ ଦୃଢମନ ହୋଇ ଆଗକୁ ବଢ଼ିବାରେ ଉଚିତ । ନିଷ୍ଠାର ସହ ଧୈର୍ଯ୍ୟ ଧରି ଆତ୍ମବିଶ୍ବାସ ରଖି ପ୍ରତିଯୋଗିତାରେ ଭାଗ ନେଲେ ନିଶ୍ଚିତ ଭାବେ ବିଜୟୀ ହୋଇପାରିବେ । ଭିନ୍ନକ୍ଷମ ମାନେ ସଶକ୍ତି ହେବା ଦିଗରେ ଅନେକ ସମୟରେ ଆତ୍ମବିଶ୍ବାସ ଯେଉଁଠି କମ୍ ଥାଏ , ସରକାର ସେମାନଙ୍କୁ ଏଭଳି ପ୍ଲାଟଫର୍ମ ମାଧ୍ୟମରେ ଆତ୍ମବିଶ୍ବାସ ଯୋଗାଇଦେବାର ପ୍ରୟାସ କରିଥାନ୍ତି ।ସେମାନଙ୍କ ମଧ୍ୟରେ ଯେଉଁ ଲୁକ୍କାୟିତ ପ୍ରତିଭାର ଶକ୍ତି ରହିଛି ତାହା ଲୋକ ଲୋଚନକୁ ଆଣି ଏହିଭଳି ମଞ୍ଚରେ ପ୍ରଦର୍ଶନ କରାଇବା ଏବଂ ପ୍ରତିଭା ବିକଶିତ କରାଇବାର ସୁଯୋଗ ଦେବା ମୁଖ୍ୟ ଉଦ୍ଦେଶ୍ୟ ବୋଲି କହିଥିଲେ । ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାଃ. ଗୁଣୁରାଣୀ ପଟ୍ଟନାୟକ ଯୋଗଦେଇ ଆଜିକାଲି ଭିନ୍ନକ୍ଷମ ମାନେ ବିଭିନ୍ନ କ୍ଷେତ୍ରରେ ବେଶ ଆଗେଇ ଗଲେଣି , ଭିନ୍ନକ୍ଷମ ମାନେ କ୍ରୀଡା ପ୍ରତିଯୋଗିତାରେ ଭାଗ ନେଇ ସମାଜ ଓ ଜିଲ୍ଲାର ଟେକ ରଖନ୍ତୁ , କିନ୍ତୁ ନିଜର ସ୍ବାସ୍ଥ୍ୟ ପ୍ରତି ମଧ୍ୟ ଅଧିକ ଯତ୍ନବାନ ହେବାର ଆବଶ୍ୟକତା ରହିଛି , ତେଣୁ ନିୟମିତ ବ୍ୟବଧାନରେ ନିଜର ସ୍ବାସ୍ଥ୍ୟ ପରୀକ୍ଷା କରାଇ ନେବାକୁ ଉଚିତ ପରାମର୍ଶ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଉପ-ଜିଲ୍ଲାପାଳ ରଜନୀ କାନ୍ତ ସ୍ବାଇଁ , ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ଅଧିକାରୀ ରବୀନ୍ଦ୍ର କୁମାର ବେହେରା ଏବାଂଜିଲ୍ଲା କ୍ରୀଡା ଅଧିକାରୀ ପ୍ରଭାକର ତ୍ରିପାଠୀ ପ୍ରମୁଖ ମଞ୍ଚାସୀନ ଅତିଥି ଭାବେ ଯୋଗଦେଇ ଥିଲେ । ପରେ ଜିଲ୍ଲାପାଳ ଅନୁପମ ସାହା କ୍ରୀଡା ପତାକା ଉତ୍ତୋଳନ କରିବା ସହ କ୍ରୀଡା ପ୍ରତିଯୋଗୀତାକୁ ଉଦ୍ ଘାଟନ କରିଥିଲେ । ୬ ଟି ବର୍ଗରେ ଯଥା– ଶାରୀରିକ ଭିନ୍ନକ୍ଷମ , ଶ୍ରବଣ ବାଧିତ , ଦୃଷ୍ଟି ବାଧିତ , ମାନସିକ ଅନଗ୍ରସର , ମସ୍ତିଷ୍କ ପକ୍ଷପାତ ଏବଂ ସ୍ବପରାୟଣତା ପ୍ରଭୃତିରେ ବାଳକ ଓ ବାଳିକା ବିଭାଗରେ କନିଷ୍ଠ ଓ ବରିଷ୍ଠ ଭିତ୍ତିରେ ମୋଟ ୧୭ ଗୋଟି ଇଭେଣ୍ଟସରେ ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଜିଲ୍ଲାର ୭ ଟି ବ୍ଲକରୁ ମୋଟ ୨୫୦ରୁ ଅଧିକ ଭିନ୍ନକ୍ଷମ ଛାତ୍ରଛାତ୍ରୀ ଏଥିରେ ଯୋଗ ଦେଇଥିଲେ । ଉଦ୍ଯାପନୀ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ସ୍ୱଧାଦେବ ସିଂ ଅତିଥି ଭାବେ ଯୋଗଦେଇ ଦିବ୍ୟାଙ୍ଗ ମାନଙ୍କ ସୁନ୍ଦର ଓ ସୁସ୍ଥ ସ୍ବାସ୍ଥ୍ୟ ପାଇଁ କ୍ରୀଡ଼ାର ଆବଶ୍ୟକତା ସମ୍ପର୍କରେ ଗୁରୁତ୍ଵାରୋପ୍ କରିଥିଲେ । ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଅଧିକାରୀ ରବୀନ୍ଦ୍ର କୁମାର ବେହେରା ଯୋଗଦେଇ ଭିନ୍ନକ୍ଷମ ମାନଙ୍କ ନିମନ୍ତେ ସରକାରଙ୍କ ରହିଥିବା ବିଭିନ୍ନ ଯୋଜନା ବ୍ୟବସ୍ଥା ସମ୍ପର୍କରେ ଅବଗତ କରାଇଥିଲେ । ଜିଲ୍ଲା କ୍ରୀଡା ଅଧିକାରୀ ପ୍ରଭାକର ତ୍ରିପାଠୀ କାର୍ଯ୍ୟକ୍ରମରେ ସଂଯୋଜନା କରି କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ ଅବଗତ କରାଇଥିଲେ । ଶେଷରେ ଅତିରିକ୍ତ ଜିଲ୍ଲାପାଳ ସ୍ୱଧାଦେଵ ସିଂ କ୍ରୀଡା ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ମାନପତ୍ର ଓ ପୁରସ୍କାର ରାଶି ବଣ୍ଟନ କରିଥିଲେ ।