!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଓଡିଶା ରାଜ୍ୟ ଶିଶୁ ସୁରକ୍ଷା ଆୟୋଗର ନବମ ପ୍ରତିଷ୍ଠା ଦିବସରେ ଗଜପତି ଜିଲ୍ଲା ଶିଶୁ ସୁରକ୍ଷା ଅଧିକାରୀ ଅରୁଣ କୁମାର ତ୍ରିପାଠୀ ଉଚ୍ଚ ପ୍ରଶଂସିତ ହୋଇ ରାଜ୍ୟ ସ୍ତରରେ ସମ୍ମାନିତ ହେବା ସହ ପୁରସ୍କୃତ ହୋଇଛନ୍ତି । ମୁଖ୍ୟତଃ ଗଜପତି ଜିଲ୍ଲାପାଳ ଅନୁପମ ଶାହାଙ୍କ ନେତୃତ୍ୱରେ ଜିଲ୍ଲାରେ ଚାଲିଥିବା ବିଭିନ୍ନ ଶିଶୁ ସୁରକ୍ଷା ଓ ସେମାନଙ୍କ ଅଧିକାରକୁ ସୁନିଶ୍ଚିତ କରିବା ପାଇଁ ଚାଲିଥିବା ବିଭିନ୍ନ କାର୍ଯ୍ୟକ୍ରମ ଯଥା:- ଅନାଥ , ପରିତ୍ୟକ୍ତ ଓ ସମର୍ପିତ ଶିଶୁ ମାନଙ୍କୁ ଆଇନତଃ ପିତା-ମାତା ଯୋଗାଇ ଦେବା , ଶିଶୁ ଚାଲାନକୁ ବନ୍ଦ କରିବା ଦୁର୍ଗମ ଅଞ୍ଚଳରେ ବିଭିନ୍ନ ଗ୍ରାମ୍ୟ ସ୍ତରୀୟ କମିଟି ମାନ ଗଠନ କରି ତାକୁ କ୍ରିୟାଶୀଳ କରିବା ,ବାଲ୍ୟ ବିବାହକୁ ବନ୍ଦ କରିବା ପାଇଁ ଅଙ୍ଗନବାଡି କର୍ମୀଙ୍କ ସ୍ତରରୁ ସୂଚନା ସଂଗ୍ରହ କରିବା ଏବଂ ତିତିଲି ଝାଡ଼ାବାତ୍ୟା ସମୟରେ ଅନାଥ ହୋଇ ପଡ଼ିଥିବା ପିଲା ମାନଙ୍କୁ ଜିଲ୍ଲା ପ୍ରଶାସନ ପକ୍ଷରୁ ପୋଷ୍ୟ ଭାବେ ଗ୍ରହଣ କରିବା ଏବଂ ସର୍ବୋପରି ବିଭିନ୍ନ ସମସ୍ୟା ରେ ଉଦ୍ଧାର ହୋଇଥିବା ଶିଶୁ ମାନଙ୍କୁ ଥଇଥାନ କରିବାରେ ଗଜପତି ଜିଲ୍ଲା ଆଗୁଆ ଥିବା ଯୋଗୁଁ ଏହି ପୁରସ୍କାର ରାଜ୍ୟ ଶିଶୁ ବିକାଶ ଓ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ଗଜପତି ଜିଲ୍ଲାକୁ ଶିଶୁ ସୁରକ୍ଷା କ୍ଷେତ୍ରରେ ପ୍ରଦାନ କରିଛନ୍ତି । ଏହି ଉତ୍ସଵ ରେ ଅନ୍ୟ ଅତିଥି ମାନଙ୍କ ମଧ୍ୟରେ ବିଭାଗୀୟ ସଚିବ ଅନୁଗର୍ଗ , ପୂର୍ବତନ ଆଇଜି-ଅରୁଣ ବୋଥ୍ରା ଏବଂ ଓଏସସିପିସିଆରର ଅଧ୍ୟକ୍ଷ ସନ୍ଧ୍ୟାବତୀ ପ୍ରଧାନ ଓ କନ୍ଧମାଳ ସାଂସଦ ଅଚ୍ୟୁତ ସାମନ୍ତ ପ୍ରମୁଖ ଉପସ୍ଥିତ ଥିଲେ ।