!!! କନ୍ଧମାଳ ଜିଲ୍ଲା ଫୁଲବାଣୀ ରୁ ଉପଖଣ୍ଡ ପ୍ରତିନିଧି ସୁକାନ୍ତ ବେହେରା ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଫୁଲବାଣୀ) – କନ୍ଧମାଳ ଜିଲ୍ଲା ଫୁଲବାଣୀ ସଦର ଥାନା ଭାରପ୍ରାପ୍ତ ଅଧିକାରୀ ନରେଶ କୁମାର ସାହୁ ଙ୍କ ତତ୍ତ୍ଵାବଧାନରେ ସ୍ଥାନୀୟ ନନ୍ଦୀ ଖଣ୍ଡି ସାହି ରେ ରହିଥିବା ଅଜୟ ସିଂ ଙ୍କ ଘରେ ଚାଲୁଥିବା ଜୁଆ ଆଡ୍ଡା ଉପରେ ଚଢ଼ାଉ କରି ପୋଲିସ ୧୧ ଜଣ ଜୁଆଡି ଙ୍କୁ ଗିରଫ କରି ଥାନା କେସ ନମ୍ବର ୧୪୬/୧୯ କ୍ରମେ କେସ ଦାୟାର କରିଛି। ଜୁଆ ଆଡ୍ଡା ସ୍ଥଳରୁ ପୋଲିସ ନଗଦ ୬୩୪୦୦ ଟଙ୍କା, ୧ ଟି ବୋଲେରୋ, ୨ଟି କାର, ୧ ଟି ମୋଟର ସାଇକେଲ, ୫ ପ୍ୟାକେଟ୍ ତାସ୍ ମୁଠା, ୧ ଟି ଚାର୍ଜଇଂ ଲାଇଟ୍, ୧ ଟି ଦରି, ୭ ଗୋଟି ମୋବାଇଲ ଫୋନ ସହ ପ୍ରୋବେସିକା ଶୁଳ୍କ ବାବଦରେ ୪୪୦୦ ଟଙ୍କା ରହିଥିବା ଗୋଟିଏ ଷ୍ଟିଲ୍ ବାକ୍ସ ଜବତ୍ କରି ଓ.ପି.ଜି ଏକ୍ଟ ର ୩/୪ ର ଧାରା କ୍ରମେ କେସ ରୁଜୁ କରି ଅଭିଯୁକ୍ତ ଖେଳାଳି ଙ୍କୁ କୋର୍ଟ ଚାଲାଣ କରିଛି। ପୋଲିସ ର ଏଭଳି ବଡ଼ ଧରଣ ଚଢ଼ାଉ ର ସଫଳତା କୁ ସାଧାରଣ ରେ ଭୂୟସୀ ପ୍ରଶଂସା କରାଯାଇଛି।